Mikha 5:1-15
5 ”He yaʼami ono mbanua nisuwö,Mikhokhoi mbotomi iadaʼa.
No lafasui ita si faʼudu khöda.+
Labözi mboʼö zanguhuku iraono Gizaraʼeli faoma siʼo.+
2 He yaʼugö Betilekhema Eferata,+Yaʼugö wondrege zide-ide ba gotalua mbanua si so ba* Yehuda.
Ba khöu dania iʼotarai samösa zi tobali samatörö iraono Gizaraʼeli.+
No so ia iʼotarai mböröta, iʼotarai me föna.
3 Börö daʼö, ilulu ira Lowalangi ba danga nudu,Irege awai moʼono ndra alawe soʼono andrö.
Ba mangawuli ndra talifusönia tanö böʼö ba soi Gizaraʼeli.
4 Mozizio ia ba wokubaloi biri-biri si fao faʼabölö moroi khö Yehowa.+
Ifalua daʼö börö lakhömi döi Yehowa Lowalanginia.
Ba toröi ira ba daʼö lö ametaʼuö+Börö me irugi waʼabölönia andrö ba wondrege danö iadaʼa.+
5 Iʼohe dania waʼatulö.+
Na lasuwö soida niha Asiria ba lahundra-hundra malige si no mufoʼöli,+Tafataro dafitu gubalo, ba dawalu duhenöri* moroi ba gotalua niha ba wolawa yaʼira.
6 Lakubaloi danö Asiria faoma föda,+Hegöi soi Nimerodi+ ba nola danö.
Na lasuwö soida ira niha Asiria+ ba lahundra-hundra mbanuada,Iʼefaʼö ita sondröniaʼö andrö.
7 So dania ba gotalua niha sato ngaʼötö Yakobo si toröi,Simane namo moroi khö Yehowa,Simane teu sabölö-bölö ba zinanö,Si lö manötöna ba nihaBa si lö mombaloi hadia ia ba nono niha.
8 So dania ba gotalua soi böʼö ngaʼötö Yakobo si toröi,Ba gotalua niha sato,Simane singo ba gotalua gutu ndruʼu ba gatua,Simane ono zingo sawuyu-wuyu ba gotalua ngawawa mbiri-biri,Si manga ba sanasawi biri-biri andrö na itörö.
Lö hadöi si tola mangefaʼö yaʼira.
9 Mikalaisi dania nudumiBa muhori fefu nudumi.”
10 Imane Yehowa, ”Ba luo daʼö,Ubunu dania kudomi ba ududugö gureta wasuwöta niʼokhögömi.
11 Uhori dania mbanua si so ba soimi,Ba ududugö nahia si no mufoʼöli.
12 Uheta dania gelemu niʼogunaʼömi,Ba lö hadöi saʼae si fakelemu.+
13 Uhori nadu nifoe awö gehomo niʼamoniʼö* khömi,Ba lö saʼae mangalulu ami ba nifazökhi dangami.+
14 Udeha döla-döla niʼamoniʼö* khömi,+Ba uhori mbanuami.
15 Si fao fönu ba faʼaukhu dödö,Usulöni nifalua soi böʼö si lö moloʼö.”
Nisura ba gahe zura
^ Mazui ”nösi nomo”.
^ Mazui ”zondröniaʼö”.
^ Faigi Geluaha Ngawua Wehede.
^ Faigi Geluaha Ngawua Wehede.
