Mikha 6:1-16
6 Mifondrondrongo niwaʼö Yehowa.
Mifaʼanö ami ba wamuʼa ba hulumi föna hili-hili,Ba akha ifondrondrongo wehedemi andrö hili.+
2 He yaʼami hili-hili awö wondrasi gulidanö saro,+Mifondrondrongo gamadöniwa Yehowa,Börö me so gamadöniwa Yehowa ba nono mbanuania;Ilawa ndraono Gizaraʼeli.+
3 ”He yaʼami ono mbanuagu, hadia zi no ufalua khömi?
Hadia zi no ufalua ba wamakao yaʼami?+
Mifatunö khögu.
4 Uheta ami moroi ba danö Miserai,+Uʼöli ami mangawuli moroi ba nahia* wangosawuyu.+
Ufatenge khömi Moze, Aʼaroni hegöi Miriya.+
5 He yaʼami ono mbanuagu, mitörö tödömi hadia niʼera-era Mbalaki razo Moabi,+Ba hadia wanema li Mbileamo ono Mbeori khönia;+Mitörö tödömi hadia zalua iʼotarai ba Ziti+ ofeta ba Giligala,+Enaʼö miʼila wa satulö fefu nifalua Yehowa.”
6 Hadia zinangea uʼohe na uʼondrasi Yehowa?
Hadia zinangea uʼohe na utuhi danö föna Lowalangi si so ba zorugo?
Hadia uʼohe zumange nitunu,Mazui ono zawi si döfi faʼebua?+
7 Hadia omasi Yehowa wanema ngahönö mbiri-biri si matua,Mazui fanikha soya sibai?+
Hadia sinangea ubeʼe nonogu siaʼa tobali sumange börö zala nifaluagu,Mazui onogu sindruhu börö horö nifaluagu?+
8 He yaʼugö niha, no ifatunö khöu hadia zi sökhi.
Hadia niʼandrö* Yehowa khöu?
Ha daʼa niʼandrönia khöu: falua zatulö,+ foromaʼö waʼomasi si fao faʼahakhö dödö ba faʼalöfaröi,*+Ba böi fayawa ndraʼugö*+ ba wanörö lala khö Lowalangiu!+
9 Muʼao Yehowa ba niha mbanua.
(Lafosumange döimö niha sagatua-tua.)
Mifondrondrongo li ziʼo fanguhuku hegöi sotatugöi fanguhuku andrö.+
10 Hadia so nasa gokhöta si lö atulö ba nomo niha si lö sökhi,Ba fanuʼa efa* si lö atulö ba niʼogorofi?
11 Na uʼogunaʼö kilo si lö atulö mazui kara wanuʼa si falimo,Hadia lö fasala* ndraʼo?+
12 Niha si kayo ba mbanua daʼö asese lafalua zi lö sökhi,Omasi nono mbanuania wamalua faya,+Ba no afönu falimosa lelara.+
13 ”Andrö wa ubözi ami irege mesokho.+
Uröi ami börö horö nifaluami.
14 Manga ami dania hizaʼi lö abuso,Hulö zi lö hadöi ösi mbetuʼami.+
Miʼohe fefu gama-gama ba miʼiröʼö hizaʼi lö eluaha daʼö.
Ba ubeʼe ba danga nudu fefu gama-gama si no miʼiröʼö.
15 Mifazaewe danömö zinanö hizaʼi lö mitema mbua.
Mihundra-hundra mbua zaitu hizaʼi lö miʼogunaʼö wanikhania.
Mifazökhi agu si bohou hizaʼi lö mibadu.+
16 Börö me miʼoʼö niwaʼö Gomeri hegöi amuata nösi nomo Gahabi,+No miʼoʼö mene-mene niwaʼöra.
Daʼö mbörö wa uhuku ami,Irege tefakao sibai waʼaurimi,Muʼailasi* dania nono mbanuami,+Ba laʼoʼaya ami soi böʼö.”+
Nisura ba gahe zura
^ Sin.: ”ba nomo”.
^ Mazui ”Ba ide-ideʼö ndraʼugö”.
^ Mazui ”omasiʼö waʼalöfaröi”. Sin.: ”omasiʼö waʼomasi si lö faröi”.
^ Mazui ”Hadia zulö niʼandrö”.
^ Mazui ”Hadia atulö”.
^ Sin.: ”Tobali tandrösa wikho-wikho”.