Mikha 7:1-20
7 Alai ndraʼo!
Yaʼodo andre hulö niha si lö manöndra bua nagu,Mazui bua ara sami si no ara udöna-döna,Hewaʼae no awai ginötö wangowuloi bua nagu si toröiHegöi bua zinanö sowua ba mbaŵa lökhö.
2 No tehori niha si lö faröi ba gulidanö,Lö hadöi sadölö tödö ba gotalua niha.+
Dozi ira laʼalu-alui lala ba wanuwagö do.+
Faoma laʼogunaʼö zaiwa ba wolohi talifusöra.
3 Onekhe dangara wamalua si lö sökhi;+Oya niʼandrö ndra sondröniaʼö yaʼira,Laʼandrö zulö ira sangetuʼö huku,+Lafaehagö zomasi-masi dödöra ira niha si tehöngö,+Ba mamagölö ira.
4 Hulö ndroi khöra niha fondrege zi sökhi,Niha fondrege zadölö tödö lafakao nawöra töra moroi ba ngafu ndruʼu* sodoi.
Tohare dania ngaluo wanguhuku hegöi ngaluo nidunö-dunö ndra sanaro yaʼira.*+
Ba ataʼu ira iadaʼa.+
5 Böi miʼodaligö nawömi,Ba böi mifaduhusi tödö zi fahuwu khömi.+
Miʼangelama na fahuhuo ami ba niha nitalaguimi.
6 Fatuwu dania nono matua khö namania;+Ba faʼudu nono alawe khö ninania;Faʼudu numönö ira alawe khö ninania matuania;+Si faʼudu ba niha dania zoroi yomonia.+
7 Hizaʼi, lö uböhöli wombaloi Yehowa.+
Si fao faʼebolo dödö udöna-döna Lowalangi sangorifi yaʼo.+
Hasambalö ifondrondrongo ndraʼo.+
8 He yaʼugö udu, böi omusoiʼö dödöu ba wamaigi famakaogu.
Hewaʼae alabu ndraʼo, hasambalö moziziodo mangawuli;Hewaʼae toröido ba zogömi-gömi, Yehowa zi tobali haga khögu.
9 No ufalua horö föna Yehowa,Andrö wa utema wönunia,+Irege iʼoʼawögö ndraʼo ba ibeʼe khögu waʼatulö.
Iʼohe ndraʼo ba nahia sohaga;Uʼila dania waʼatulönia.
10 Aboto göi ba dödö nudugu daʼö ba aila ira,Börö me no irai imane khögu,
”Hezo so Yehowa Lowalangimö?”+
Iadaʼa muhundra-hundra ia simane tambu ba lala.
Ba ufaigi-faigi dania ia.
11 Daʼö ngaluo wamazökhi göli kara khöu;Ba luo daʼö, muʼeboloʼö nola danö khöu.
12 Ba luo daʼö, laʼondrasi ndraʼugö nihaMoroi ba mbanua Asiria hegöi Miserai,Iʼotarai Miserai ofeta ba Nungo Nidanö Oiferati;Iʼotarai ba nasi ofeta ba nasi, iʼotarai ba hili ofeta ba hili.+
13 Tobali nahia si lö niha-niha gulidanö börö nono mbanuania,Daʼö lua-lua* nitemara börö gamuatara.
14 Kubaloi nono mbanuamö si fao siʼo niʼokhögöu, yaʼira andrö ngawawa mbiri-biriu,*+Ha yaʼira zi toröi ba gatua, ba gotalua kabu zinanö.
Akha manga ira ba Mbazana hegöi ba Gileadi+ simane ba zilalö.
15 ”Ufaʼilaʼö khömi ngawalö zahöli-höli dödö,Simane me aheta ami moroi ba danö Miserai.+
16 Aila dania soi sangila yaʼami, hewaʼae abölö sibai ira.+
Laduhö mbawara faoma tangara;Ba afiso ira.
17 Lafelai gawu-gawu simane ulö.+
Si fao fanizi-nizi, möi ira baero moroi ba nahia si no mufoʼöli simane urifö sanana-nana ba gulidanö.
Si fao fanizi-nizi, möi ira khö Lowalangi Yehowa,Ba ataʼu ira khönia.”+
18 Hadia so Lowalangi böʼö simane yaʼugö,Sangefaʼö sala ba sangolifugö olalöwa niha+ si toröi ba soi tana khönia?+
Lö mofönu ia sagötö faʼara,Börö me omasi ia iforomaʼö waʼomasi si lö faröi.+
19 Ifuli ihakhösi tödö ita;+ ikalaisi* zala si no tafalua.
Öfazaumba ba nasi sabakha fefu horö si no lafalua.+
20 Öforomaʼö waʼalöfaröi khö Yakobo,Ba faʼomasi si lö faröi khö Gaberahamo,Simane hölu si no öfaʼema khö ndra tuama me föna.+
Nisura ba gahe zura
^ Mazui ”ba göli”.
^ Sin.: ”yaʼugö”.
^ Sin.: ”mbua”.
^ Mazui ”okhötau”.
^ Mazui ”ihundra-hundra”.
