Nakhumi 1:1-15
1 Turia sanandrösa ba Niniwe:+ Sura wamaʼeleʼö nitema Nakhumi* niha Gelikosi:
2 Iʼandrö khöda Lowalangi Yehowa enaʼö ha yaʼia tafosumange+ ba yaʼia andrö Lowalangi sanulöni.
Isulöni Yehowa ba iforomaʼö wönunia.+
Yehowa zolau balö ba nudunia,Ba no iʼiröʼö wönunia ba zi faʼudu khönia.
3 Lö alio mofönu+ Yehowa ba sebua kuaso ia,+Hizaʼi, lö itaha wönunia Yehowa ba wanguhuku niha si lö sökhi.+
Iʼogunaʼö nangi hegöi teu angi ba wanudugö.
Lawuo andrö amaedola gawu-gawu ba narö kahenia.+
4 Ihahagö nasi+ ba iʼoköliʼö,Ba ogöʼö fefu nungo nidanö ibeʼe.+
Tobali tanö si mate Mbazana hegöi Karimeli,+Ba aleu mbunga Libano.
5 Modögö hili misa börö ia,Ombuyu hili-hili.+
Manizi gulidanö fönania,Simanö göi zi sagörö ulidanö awö zowanua ba daʼö.+
6 Haniha zi tola manaögö fönunia?+
Haniha zi tola manaögö faʼaukhu wönunia?+
Mohola wönunia simane alitö,Ba adudu gara börö ia.
7 Sökhi sibai Yehowa andrö,+ baʼa-baʼa ba ginötö waʼatosasa.+
Irorogö* niha solumöʼö yaʼia khönia.+
8 Iʼasogö molö sebua ba wangohori Niniwe.*
Faʼogömi-gömi dania zolohi si faʼudu khönia.
9 Hadia zi no miʼera-era ba wolawa Yehowa?
Ifalua wangohori irege lö hadöi saʼae yaʼami.
Lö ifomendrua wamalua fangohori.+
10 Hewaʼae hulö zinanö sodoi si no fakhai ira,Ba simane niha si mabu börö duo,*Akhozi ira simane töla wakhe soköli.
11 Moroi khöu dania iʼotarai niha sangalui lala ba wolawa Yehowa,Sameʼe mene-mene si lö eluaha.
12 Daʼa niwaʼö Yehowa:
”Hewaʼae ato ba abölö niha Asiria,*Hasambalö tehori ira ba mate.*
He yaʼugö Yehuda, no uhuku ndraʼugö ba lö saʼae ufuli uhukuʼö.
13 Iadaʼa, ufatö kalo mbagi si so khöu.+
Uʼetuʼö wesu samöbö yaʼugö.
14 Imane Yehowa sanandrösa khö Asiria,’Lö hadöi sanohugö töimö.
Uheta nadu nifoe awö nadu nifazökhi moroi ba loga* si so ba gosali lowalangimö.
Ufazökhi khöu lewatö börö me niʼogorofi ndraʼugö.
15 Niha* sanuriaigö turia somuso dödö latörö hili-hili,Ifaʼema duria waʼatulö.+
He yaʼugö Yehuda, falua fefu gowasamö+ ba buʼa mbuʼusa limö.
Lö saʼae isuwö ndraʼugö niha si lö sökhi,Hasambalö tehori ia.”
Nisura ba gahe zura
^ Eluahania ”Niha Sameʼe Fondrara Dödö”.
^ Mazui ”Iʼangeragö”. Sin.: ”Aboto ba dödönia”.
^ Sin.: ”nahiania”.
^ Mazui ”bir gandru”.
^ Sin.: ”ira”. Banua niha Asiria andrö yaʼia daʼö Niniwe.
^ Mazui te ”mofanö”.
^ Sin.: ”nadu nifahele”.
^ Sin.: ”Ahe”.
