Nakhumi 2:1-13
2 No tohare khömi niha* samazawili yaʼami.+
Mitarogö göli kara khömi.
Mifaigi-faigi lala andrö.
Mifaʼanö ami* ba miʼowuloi waʼabölömi.
2 Börö me ifangawuli lakhömi Yakobo andrö Yehowa,Hegöi lakhömi ndraono Gizaraʼeli,Börö me no tohare zanudugö ba wangohori yaʼira,+Ba lafakiko liwiöra.
3 No oyo mbaluse ndra sagabölö andrö khönia,Ba oyo göi nukha ndra saradadunia.
Ba ginötö ifaʼanö ia weʼamöi fasuwö,Mohaga ziʼöli andrö si so ba gureta wasuwöta khönia simane hola-hola galitöBa no ituwu si yawa dohonia.*
4 Abölö-bölö sibai gureta wasuwötania ba lala,Ifangörö-ngörö ia ba newali,Mohaga ia hulö solo si haga ba fabözi hulö gari mbanua.
5 Ikaoni razo ndra sohalöwö khönia.
Manendre dania ira na möi ira föna.
Laʼaliokö weʼamöi ba göli;Lafasindro mbaʼa-baʼa.
6 Teboka dania mbawandruhö nungo nidanö,Ba adudu dania gödo razo andrö.
7 No muhonogöi daʼa; Laʼoloiʼö ia lö nukha.
Mege-ege ndra sawuyunia ira alawe ba labözi dötöʼara.*
Hulö li marafadi wege-egera.
8 Hulö mbaʼa nidanö Niniwe andrö+ sandrohu faʼaurinia,Hizaʼi moloi ira ba daʼö iadaʼa.
So ziʼao, ”Miböhöli! Böi miʼofanö!”
Hewaʼae simanö samösa lö sangawuli.+
9 Mirabu wirö, mirabu ganaʼa!
Lö iʼila ahori haratonia.
Fahöna ba daʼö gama-gama sebua böli.
10 Lö niha ba mbanua andrö, no laröi ba no adudu!+
Ataʼu nono mbanua daʼö irege ombuyu mbalöduhira, manizi-nizi daroʼora,Ba no afusitö mbawara.
11 Hezo naha zingo andrö,+ hezo manga nono zingo,Hezo naha nidörö-dörö zingo faoma ononiaBa lö sametaʼu yaʼira?
12 Isasawi gahuluania singo andrö ba ibeʼe ö nononia.
Iraʼu gahulua ö zingo si alawe.
Afönu ahulua nahiania,Afönu nahia daʼö urifö si no isasawi.
13 Imane Yehowa samatörö saradadu zorugo, ”Yaʼo dania zi tobali udumö.+
Utunu fefu gureta wasuwötamö.+
Mate fefu khöu zingo sawuyu-wuyu ba mbawa wöda.
Lö saʼae utehegö mangalui ahulua ndraʼugö ba gulidanö.*
Lö saʼae terongo li denge-tengemö.”+
Nisura ba gahe zura
^ Eluahania ”Niniwe”.
^ Sin.: ”Miʼabeʼeʼö daroʼomi”.
^ Mazui ”doho geu juniper”.
^ Sin.: ”dödöra”.
^ Sin.: ”Uheta gahuluamö moroi ba gulidanö”.
