Nakhumi 3:1-19
3 Alai mbanua sanuwagö do andrö!
Afönu ia falimosa ba forabu.
Lö iböhöli wolohe ahulua!
2 Terongo li mbözi-bözi kudo awö werata gaolo-gaolo gureta kudo,Fendröndrö gahe kudo ba kureta wasuwöta sofanö.
3 So zi fakudo yawania, föda si haga hegöi toho si takile.
Ato sibai niha nibunu ba fadela gamatela.
Gofu hezo, oi so gamatela.
Manendre niha börö gamatela andrö.
4 Alua daʼa börö waʼoya wohorö nifaluania,Yaʼia zi baga-baga ba sadöni dödö famaigi, onekhe ia ba gelemu,Ifaʼala soi böʼö ba wohorönia awö nösi nomo niha ba gelemunia.
5 Imane Yehowa samatörö saradadu zorugo, ”Yaʼo dania zi tobali udumö.”*+
”Usahoi dania gahe mbarumö sebua irugi mbawau.
Enaʼö laʼila soi böʼö wa lö nukhamö,Ba laʼila ira samatörö zalua khöu si möi fangaila.
6 Utebu ndraʼugö si taʼunö,Ba uʼailasi ndraʼugö.
Ubaliʼö ndraʼugö famaʼiki niha sato.+
7 Moloi dania dozi niha sangila yaʼugö+ ba lamane,’No adudu Niniwe!
Haniha zahakhö tödö khönia?’
Hezo uʼalui niha sondrara tödöu?
8 Hadia abölö sökhi ndraʼugö moroi ba mbanua No-amoni,*+ sangokhögö Ungo Nidanö Nilo?+
No ifasui ia idanö;Umbu waʼakayo khönia nasi awö gölinia.
9 Tobali umbu waʼabölö si lö ola khönia Gaitiofia hegöi Miserai.
Latolo ia ira niha Futo+ awö niha Libia.+
10 Hewaʼae simanö, no tobali ia niha niʼoloiʼö.
No muʼoloiʼö ia.+
Muböbözi ndraononia irege mate ba lala.
Mubagi-bagi niha si tehöngö ba mbanuania enaʼö mubaliʼö sawuyu,*Ba muböbö ndra sondröniaʼö khönia faoma bilagu.
11 Mabu göi dania ndraʼugö.+
Öbiniʼö ndraʼugö.
Moloiʼö moroi ba nudumö.
12 Fefu nahia nifoʼölimö tobali simane eu ara safönu bua siföföna.
Na mufadögö ia, atoru ba mbawa niha somasi manga.
13 Tebai ndra saradadumö hulö ndra alawe.
Teboka dania mbawa göli mbanuau irege molala nudu weʼamöi bakha.
Ahori akhozi fefu mbaʼa-baʼa si so ba mbawa göli khöu.
14 Höna khöu nidanö na lafaʼuʼu ndraʼugö!+
Aroʼö göli kara khöu.
Hundra-hundra dambu laʼuri ba nahia safönu tambu sombuyu,Ba fazökhi batu bata.
15 Lö tola löʼö iʼa ndraʼugö alitö,Ba iʼa ndraʼugö föda.+
Iʼa ndraʼugö simane tamo side-ide.+
Nönö waʼatomö simane faʼoya damo!
Sindruhu, simane faʼoya damo!
16 Nönö waʼoya wöda niʼokhögöu irege abölö oya ia moroi ba ndröfi si so ba dalu mbanua.
Iheta gulinia ono damo ba ilau muhombo.
17 Hulö damo dania niha sozago yaʼugö,Ba hulö ngawawa damo ndra sondröniaʼö khöu.
Ba mbaŵa waʼokafu, labiniʼö ira ba gotalua göli kara.
Hizaʼi, na no numalö luo, muhombo ira.
Lö hadöi sangila hezo lalau ira.
18 He razo Asiria, manuköu ndra kubalo khöu.
No modadao ndra tuhenöri khöu ba nomora.
No muzawili nono mbanuau misa ba hili.
Lö sangowuloi yaʼira.+
19 Lö aefa ndraʼugö ba wamakao.
Lö tefadöhö zokhou.
Dozi niha samondrongo turiamö, labözi tawo-tawo,+Haniha zi lö irai tefakao ba waʼafaitomö?”+
Nisura ba gahe zura
^ Eluahania Niniwe.
^ Eluahania Tebesi.
^ Sin.: ”Lalau fadahö-dahö salahi niha si tehöngö ba mbanuania”.
