Nehemia 10:1-39
10 Samaduhuʼö ba samotandro sura andrö yaʼia daʼö:+
Gubernur* Nehemia ono Hakalia,Hegöi Sedekia,
2 Seraya, Asaria, Yeremia,
3 Fasuri, Amaria, Malakhia,
4 Hatusi, Sebania, Malukha,
5 Harimi,+ Meremoto, Obadia,
6 Danieli,+ Ginitono, Barukhi,
7 Mesula, Abia, Miyamini,
8 Maʼasia, Biligai hegöi Semaya. Fefu ira andrö ere.
9 Niha Lewi: Yesua ono Asania, Binui ösi nomo Henadada, Kadimieli,+
10 ba talifusöra yaʼia daʼö Sebania, Hodia, Kelita, Felaya, Hanani,
11 Mikha, Rehobo, Hasabia,
12 Sukuri, Serebia,+ Sebania,
13 Hodia, Bani, hegöi Beninu.
14 Sondröniaʼö ba soi andrö: Fareo, Wahata-moabi,+ Elama, Zatu, Bani,
15 Buni, Asigada, Bebai,
16 Adonia, Bigewai, Adini,
17 Ateri, Hizikia, Asuri,
18 Hodia, Hasumi, Besai,
19 Harifo, Anatoti, Nobai,
20 Magifia, Mesula, Hesiri,
21 Mesesabeʼeli, Sadoki, Yadua,
22 Felatia, Hanani, Anaya,
23 Hosia, Hanania, Hasubi,
24 Halohe, Filiha, Sobeki,
25 Rehumi, Hasabena, Maʼaseya,
26 Ahia, Hanani, Anani,
27 Malukha, Harimi hegöi Baʼana.
28 Tanö böʼö moroi ba soi andrö yaʼia daʼö ira ere, niha Lewi, sanaro bawa göli, sanunö, enoni ba gosali,* ba dozi niha si no mamabali yaʼira moroi ba niha mbanua daʼö ba woloʼö Oroisa Lowalangi sindruhu,+ fao göi woʼomora ira alawe awö ndraonora, fefu zangokhögö faʼaboto ba dödö ba faʼatua-tua,*
29 fao ira khö ndra talifusöra, niha si tehöngö ba gotaluara, ba lafaböbö ira weʼamöi ba hölu wa göna ira fangelifi na lö lafalua fefu fareta, amakhoita hegöi huku moroi khö Lowalangida Yehowa, ba laʼoʼö Goroisa Lowalangi sindruhu nifaʼema Moze enoni Lowalangi sindruhu andrö.
30 Lö mabeʼe nonoma alawe ba soi daʼö mazui mahalö nonora alawe tobali foʼomo nonoma matua.+
31 Na laʼohe gama-gamara ira niha mbanua daʼö awö ngawalö mbua zinanö nifamawa ba luo Sabato, lö maʼöli gofu hadia ia manö moroi khöra na luo Sabato+ mazui ngaluo niʼamoniʼö tanö böʼö.+ Ba ndröfi si mewitu,+ lö mahalö mbua nowi ba lö itörö-törö tödöma woʼömöra.+
32 Baero daʼö, no mahalö gangetula wa ero samösa mabeʼe 3,8 gram* wirö ero röfi ba wangai halöwö ba nomo* Lowalangima,+
33 roti nifalaete,*+ sumange niʼa,+ sumange nitunu si no toʼölö mubeʼe ero luo Sabato+ hegöi ba mbaŵa si bohou,+ owasa si no muhonogöi,+ ngawalö niʼamoniʼö hegöi sumange fameta horö+ si tola mangatulöʼö iraono Gizaraʼeli, ba fefu ngawalö halöwö ba nomo Lowalangima.
34 Mafazaumba göi dahö-dahö ba wangöhöna eu niʼohe ndra ere, niha Lewi hegöi niʼohe niha mbanua ba nomo Lowalangima moloʼö ösi nomo zatuama ira matua, ba ginötö si no mutatugöi ero röfi, nitunu ba naha wanunu sumange khö Lowalangima Yehowa, moloʼö si no tesura ba Goroisa Moze.+
35 Ero röfi, maʼohe ziaʼa mbua nowima ba nomo Yehowa, simanö göi ziaʼa mbua ba ngawalö geu,+
36 ba siaʼa nonoma matua awö guriföma,+ moloʼö si no tesura ba Goroisa Moze, siaʼa nono zawi, nambi, hegöi biri-biri khöma. Maʼohe fefu daʼö ba nomo Lowalangima, khö ndra ere sangai halöwö ba daʼö.+
37 Baero daʼö, siaʼa moroi ba darigu si lö ohama,+ tolo-tolo moroi khöma, ngawalö mbua zinanö,+ agu si bohou, ba fanikha,+ maʼohe föna ndra ere ba naha wangiröʼö ba nomo Lowalangima.+ Maʼohe zi sambua niʼofulu moroi ba mbua nowima föna ndra niha Lewi,+ börö me yaʼira zinangea manema si sambua niʼofulu moroi ba danö nowima.
38 Lö tola löʼö, fao gere ngaʼötö Gaʼaroni ba niha Lewi ba ginötö latema zi sambua niʼofulu andrö, ba laʼohe zi sambua niʼofulu andrö ira niha Lewi moroi ba zi sambua niʼofulu daʼö ba nomo Lowalangima,+ ba naha wangiröʼö.
39 Ba naha wangiröʼö andrö möi ndraono Gizaraʼeli awö ngaʼötö Lewi ba wolohe tolo-tolo+ simane bua nowi, agu si bohou, ba fanikha.+ So ba daʼö wakake niʼamoniʼö, so göi ndra ere sangai halöwö, sanaro bawa göli ba sanunö. Lö maʼositengagö nomo Lowalangima.+
Nisura ba gahe zura
^ Mazui ”Tirisata”, faka gubernur ba zi sambua provinsi ba li Weresia.
^ Mazui ”niha Netini”. Sin.: ”niha nibeʼe”.
^ Mazui te ”fefu zi khamö döfi ba waʼaboto ba dödö”.
^ Mazui ”ba gosali”.
^ Daʼa roti nibaliʼö sumange.
