Nehemia 11:1-36
-
Ifuli toröi niha ba Yeruzalema (1-36)
11 Toröi ndra sondröniaʼö soi daʼö ba Yeruzalema,+ hizaʼi tanö böʼö lafazaumba dahö-dahö+ enaʼö samösa moroi ba zi dafulu toröi ira ba Yeruzalema banua niʼamoniʼö andrö, ba si dasiwa toröi ba mbanua böʼö.
2 Ba mangandrö ira enaʼö tefahowuʼö niha si no aoha ölö ba wangiagö Yeruzalema.
3 Daʼa ndra sondröniaʼö provinsi si toröi ba Yeruzalema. (Iraono Gizaraʼeli tanö böʼö, ira ere, niha Lewi, enoni ba gosali,*+ ba ösi nomo genoni Zelomo,+ toröi ira ba mbanua tanö böʼö si so ba Yehuda ba danöra zamösana.+
4 Simanö göi niha Yehuda hegöi Beniami, toröi ira ba Yeruzalema.) Moroi ba niha Yehuda, so Gataya ono Usia ono Zakharia ono Gamaria ono Zefatia ono Mahalaleʼeli moroi ba nösi nomo Weresi,+
5 ba Maʼaseya ono Mbarukhi ono Kholihose ono Hasaya ono Gadaya ono Yoyaribi ono Zakharia ono Zela.
6 So 468 nono Weresi si toröi ba Yeruzalema. Oi sagabölö fefu.
7 Daʼa niha Mbeniami: Salu+ ono Mesula ono Yoedi ono Wedaya ono Golaya ono Maʼaseya ono Itieli ono Yesiaya,
8 aefa daʼö Gabai ba Salai awö nösi nomora, 928 niha.
9 Yoeli ono Zikhiri tobali sondröniaʼö, Yehuda ono Hasinua tobali sondröniaʼö numero dua ba mbanua daʼö.
10 Ira ere: Yedaya ono Yoyaribi, Yakhino,+
11 Seraya ono Hilikia ono Mesula ono Zadoki ono Merayoto ono Gahitobi+ sondröniaʼö ba nomo* Lowalangi sindruhu,
12 ba talifusöra sangai halöwö ba nomo andrö, 822 niha; Adaya ono Yeroha ono Welalia ono Gamisi ono Zakharia ono Wasuri+ ono Malakhia,
13 ba talifusöra moroi ba nomo zatua ira matua, 242 niha; Amasai ono Gasareʼeli ono Gazaʼi ono Mesilemoto ono Gimeri,
14 ba talifusöra si barani ba sabölö, 128 niha. Sondröniaʼö yaʼira yaʼia daʼö Zabidieli ngaʼötö niha si tehöngö.
15 Moroi ba niha Lewi: Semaya+ ono Hasubi ono Gasirika ono Hasabia ono Mbuni,
16 simanö Zabataʼi+ hegöi Yosabada+ moroi ba nomo zatua niha Lewi, samaigi-maigi halöwö tanö baero ba nomo Lowalangi sindruhu;
17 simanö göi Matania+ ono Mikha ono Zabidi ono Gasafo,+ sondröniaʼö sinunö, sondröniaʼö fanuno na mangandrö,+ simanö göi Bakibukia, numero dua ba gotalua ndra talifusönia ba Abada ono Zamua ono Galala ono Yedutuno.+
18 Faʼato niha Lewi ba mbanua niʼamoniʼö andrö 284.
19 Sanaro bawa göli yaʼia daʼö Akubi, Talamono+ hegöi ira talifusöra si lö mamöhöli wanaro bawa göli. Faʼatora 172 niha.
20 Tanö böʼönia moroi ba ndraono Gizaraʼeli, ere hegöi niha Lewi toröi ira ba mbanua Yehuda tanö böʼö, laʼiagö danöra zamösana.
21 Ira enoni ba gosali*+ toröi ira ba Gofeli,+ sondröniaʼö yaʼira yaʼia daʼö Ziha hegöi Gisifa.
22 Sondröniaʼö niha Lewi ba Yeruzalema yaʼia daʼö Usi ono Mbani ono Hasabia ono Matania+ ono Mikha moroi ba nösi nomo Gasafo, ira sanunö. Yaʼia zondröniaʼö halöwö ba nomo Lowalangi sindruhu.
23 Ibeʼe faretania Razo soguna khöra,+ latema dana khöra ira sanunö moloʼö si no latatugöi soguna khöra ero maʼökhö.
24 Fetaya ono Mesesabeʼeli moroi ba nösi nomo Zera ono Yehuda, yaʼia daʼö sameʼe mene-mene khö razo na so hadia ia ba soi daʼö.
25 Daʼa döi-töi nahia waʼatoröi hegöi benua ba zi fasuinia: So ösa niha Yehuda si toröi ba Giriati-araba+ hegöi banua si fasui, ba Dibona hegöi banua si fasui, ba Yekabiseʼeli+ hegöi banua si gide-ide si fasuinia,
26 ba Yesua, ba Molada,+ ba Mbeti-feleti,+
27 ba Hasara-suali,+ ba Mbere-seba hegöi banua si fasuinia,
28 ba Zikelagi,+ ba Mekhona hegöi banua si fasuinia,
29 ba Geni-rimono,+ ba Zorea,+ ba Yaramuti,
30 ba Zanoa,+ ba Gadula hegöi banua si fasui, ba Lakhisi+ hegöi benua soduʼu khönia, simanö göi Gaseka+ awö mbanua si fasuinia. Toröi ira ba Mbere-seba irugi Ndraso Hinomo.+
31 Niha Mbeniami si so ba Geba,+ Mikhimasi, Aʼi, Betieli+ hegöi banua si fasuinia,
32 Anatoti,+ Nobi,+ Anania,
33 Hasora, Rama,+ Itaʼi,
34 Hadidi, Seboyi, Nebalati,
35 Lodi, ba Gono,+ daso ndra tuka sogonekhe.
36 So ösa ngawawa niha Lewi moroi ba Yehuda si no lafataro toröi ba Mbeniami.
Nisura ba gahe zura
^ Mazui ”niha Netini”. Sin.: ”niha nibeʼe”.
^ Mazui ”ba gosali”.
^ Mazui ”niha Netini”. Sin.: ”niha nibeʼe”.
