Nehemia 12:1-47
12 Daʼa ndra ere hegöi niha Lewi si fao khö Zerubabeli+ ono Zelatieli+ hegöi Yesua:+ Seraya, Yeremia, Esera,
2 Amaria, Malukha, Hatusi,
3 Sekhania, Rehumi, Meremoto,
4 Ido, Ginitoi, Abia,
5 Miyamini, Maʼadia, Biliga,
6 Semaya, Yoyaribi, Yedaya,
7 Salu, Amoki, Hilikia, Yedaya. Daʼa zondröniaʼö ere hegöi ira talifusöra ba götö Yesua.
8 Niha Lewi yaʼia daʼö Yesua, Binui, Kadimieli,+ Serebia, Yehuda, Matania,+ sondröniaʼö sinunö fangandrö saohagölö awö ndra talifusönia.
9 No mosindro tanö yefo dalifusöra Bakibukia hegöi Uni ba wanaro.*
10 Yesua tobali ama Yoyaki, Yoyaki tobali ama Geliasibi,+ Eliasibi tobali ama Yoyada.+
11 Yoyada tobali ama Yonata, ba Yonata tobali ama Yadua.
12 Ba götö Yoyaki, daʼa ndra ere, ira sondröniaʼö ba nösi nomo zatua ira matua: khö Zeraya,+ Meraya; khö Yeremia, Hanania;
13 khö Gesera,+ Mesula; khö Gamaria, Yohanano;
14 khö Malukhi, Yonata; khö Zebania, Yosefo;
15 khö Harimi,+ Adena; khö Merayoto, Helikai;
16 khö Gido, Zakharia; khö Ginitono, Mesula;
17 khö Gabia,+ Zikhiri; khö Miniami, . . . ;* khö Moadia, Filitaʼi;
18 khö Mbiliga,+ Samua; khö Zemaya, Yehonata;
19 khö Yoyaribi, Matanai; khö Yedaya,+ Usi;
20 khö Zalai, Kalai; khö Gamoki, Eberi;
21 khö Hilikia, Hasabia; ba khö Yedaya, Netaneʼeli.
22 Tesura ndra sondröniaʼö ba nösi nomo zatua ira matua moroi ba niha Lewi ba götö Geliasibi, Yoyada, Yahanano, Yadua,+ simanö göi ndra ere irugi wamatörö Razo Dario niha Weresia.
23 Tesura döi ndra sondröniaʼö ba nösi nomo zatua ira matua moroi ba niha Lewi ba mbuku waö-waö götö daʼö irugi ba götö Yohanano ono Geliasibi.
24 Ira sondröniaʼö niha Lewi yaʼia daʼö Hasabia, Serebia hegöi Yesua+ ono Gadimieli.+ No mozizio ndra talifusöra tanö yefo ba wanuno hegöi ba wangandrö saohagölö, moloʼö oroisa Dawido+ enoni Lowalangi sindruhu. Fasinga zi sambua ngawawa zanaro ba ngawawa tanö böʼö.
25 Matania,+ Bakibukia, Obadia, Mesula, Talamono hegöi Akubi,+ yaʼira andre zanaro bawa göli,+ sanaro naha wangiröʼö ba mbawa göli.
26 Manaro ira me götö Yoyaki ono Yesua+ ono Yosadaki hegöi ba götö gubernur sotöi Nehemia awö gere sotöi Esera,+ sonekhe manura andrö.
27 Me laʼamoniʼö göli Yeruzalema, laʼalui niha Lewi ba laʼohe ira ba Yeruzalema moroi ba nahia waʼatoröira zamösana, ba wangowasaini fangamoniʼö göli andrö si fao faʼomuso dödö, sinunö fangandrö saohagölö,+ siʼöli nifaondra wamözi,* fakake zinunö nifosinali hegöi harafa.
28 Owulo zogonekhe manunö ba mbanua sahatö ba Yoridano si otarai mbanua ba zi fasui Yeruzalema, iʼotarai mbanua niha Netofa,+
29 iʼotarai Mbeti-giligala+ awö mbenua Geba+ hegöi Asimaweti,+ börö me lafasindro mbanuara ira sanunö ba zi fasui Yeruzalema.
30 Ere awö ndra niha Lewi, laʼamoniʼö ira hegöi niha mbanua,+ bawa göli+ awö göli mbanua.+
31 Aefa daʼö, uʼohe ndra sondröniaʼö niha Yehuda yawa ba dete göli. Utatugöi enaʼö so dombua ngawawa zanunö sebua li soʼanunöisi fangandrö saohagölö khö Lowalangi hegöi ngawawa niha soloʼö-loʼö moroi furi. Ngawawa si oföna numalö ba gambölö latörö dete göli numalö ba Mbawa Göli Safönu Awu.+
32 Hosaya ba matonga zondröniaʼö niha Yehuda zowaö-waö moroi furira,
33 fao Gasaria, Esera, Mesula,
34 Yehuda, Beniami, Semaya, ba Yeremia.
35 So göi zi fao khöra ngaʼötö gere samoli torofe,+ yaʼia daʼö Zakharia ono Yonata ono Zemaya ono Matania ono Mikhaya ono Zukuri ono Gasafo,+
36 ba ira talifusönia yaʼia daʼö Semaya, Asareʼeli, Milalai, Gilalai, Maʼai, Netaneʼeli, Yehuda ba Hanani, samoli fakake zinunö khö Dawido+ enoni Lowalangi sindruhu. Mowaö-waö Gesera+ sonekhe manura andrö tanö fönara.
37 Mofanö ira ba Mbawa Göli Gumbu Nidanö+ ba latörö Nora+ Mbanua Dawido,+ lasösö hili ba mbawa göli ba Gödo Dawido irugi Mbawa Göli Nidanö+ tanö ba gatumbukha.
38 Ngawawa zanunö tanö böʼö soʼanunöisi sinunö ba wangandrö saohagölö, latörö zi tambai* ba uʼoʼö ira moroi furi fao khögu zi matonga ngawawa andrö yawa ba dete göli, latörö Malige Wanunu+ irugi Göli Sebolo,+
39 ba numalö ndraʼaga miyawa matörö Mbawa Göli Geferai+ irugi Mbawa Göli Mbanua Satua,+ Bawa Göli Giʼa,+ Malige Hananeʼeli,+ Malige Hamea numalö ba Mbawa Göli Mbiri-biri,+ aefa daʼö tebato ba Mbawa Göli Zanaro.
40 Ba gafuriata, owulo zi dombua ngawawa soʼanunöisi fangandrö saohagölö andrö föna nomo Lowalangi sindruhu, simanö göi ndraʼo ba si matonga ndra samatörö si fao khögu,
41 fao göi ndra ere ba wamoli torofe, yaʼia daʼö Eliaki, Maʼaseya, Miniami, Mikhaya, Eliyoenai, Zakharia, Hanania,
42 hegöi Maʼaseya, Semaya, Eleazari, Usi, Yohanano, Malakhia, Elama ba Ezeri. Ba ebua lira wanunö, Yiseraya zamaigi-maigi yaʼira.
43 Me luo daʼö, oya sibai zumange nibeʼera ba omuso dödöra+ börö me Lowalangi sindruhu zangomusoiʼö tödöra. Omuso dödö ndra alawe hegöi iraono+ ba Yeruzalema irege terongo misa waʼomuso dödöra andrö.+
44 Me luo daʼö, so niha nifataro ba wamaigi-maigi naha wangiröʼö+ tolo-tolo,+ siaʼa mbua nowi+ ba si sambua niʼofulu.+ Ba naha wangiröʼö andrö, laʼowuloi dana khö ndra ere hegöi niha Lewi+ si no mufakhoi ba Goroisa Moze,+ moroi ba nowi si so ba mbanua sebua. So waʼomuso dödö sebua ba Yehuda börö me mohalöwö ndra ere hegöi niha Lewi.
45 Labörögö lafalua halöwö nibeʼe Lowalangira hegöi halöwö ba wangamoniʼö. Lafalua daʼö ira sanunö ba sanarogö bawa göli moloʼö oroisa Dawido hegöi ononia Selomo.
46 Me föna ba götö Dawido ba Asafo, so zondröniaʼö sanunö ba so göi zinunö ba wanuno hegöi ba wangandrö saohagölö khö Lowalangi.+
47 Ba götö Zerubabeli+ faoma Nehemia, fefu ndraono Gizaraʼeli laʼasogö zoguna khö ndra sanunö+ hegöi sanaro bawa göli+ moloʼö soguna khöra ero maʼökhö. Lafasambua göi wameʼe soguna ba niha Lewi, ba ira niha Lewi+ zamasambua tana khö ngaʼötö Gaʼaroni.
Nisura ba gahe zura
^ Mazui te ”sagötö manaro ira”.
^ Ba ngawua wehede li Heberaiʼo, te no laheta samösa döi niha ba ayati daʼa.
^ Mazui ”simbal”. Daʼa alat musik moroi ba ziʼöli, si hulö wiga niʼogaolo, lafaondra wamözi yaʼia na muʼogunaʼö.
^ Mazui ”latörö föna”.
