Nehemia 3:1-32
-
Mufuli mufazökhi göli (1-32)
3 Ere sebua sotöi Eliasibi+ awö ndra talifusönia ira ere, labörögö wamazökhi Bawa Göli Mbiri-biri.+ Laʼamoniʼö+ ba lafasa mbawandruhö. Laʼamoniʼö irugi Malige Hamea+ ofeta ba Malige Hananeʼeli.+
2 Ba zinga daʼö mohalöwö niha Yerikho,+ ba zi tambainia mohalöwö Zakuri ono Imeri.
3 Lafazökhi Mbawa Göli Giʼa+ ono Zanaʼa. Lafasindro geu döla-dölania,+ aefa daʼö lafasa fefu mbawandruhö, lazi-lazi hegöi baʼa-baʼa.
4 Sangaʼazökhi ba zi tambai daʼö, Meremoto+ ono Guria ono Hakosi. Sangaʼazökhi ba zi tambai daʼö zui, Mesula+ ono Mberekhia ono Mesesabeʼeli. Sangaʼazökhi ba zi tambai daʼö zui, Sadoki ono Mbaʼana.
5 Sangaʼazökhi ba zi tambainia, niha Dekoa,+ hizaʼi lö omasi mohalöwö niha si tehöngö ba lö laʼoʼö niwaʼö* zokhö yaʼira börö me lö khöra fangide-ngideʼö.
6 Yoyada ono Wasea fao ira Mesula ono Mbesodia ba wangaʼazökhi Bawa Göli Mbanua Satua.+ Lafasindro geu döla-dölania, ba lafasa fefu mbawandruhö, lazi-lazi hegöi baʼa-baʼa.
7 Sangaʼazökhi ba zi tambainia, Melatia niha Gibeona+ hegöi Yadono niha Meronoti. Yaʼira andre niha Gibeona awö niha Misefa+ si so barö wamatörö gubernur ba mbanua Yefo Nungo Nidanö.*+
8 Sangaʼazökhi ba zi tambainia, Usieli ono Haraya tuka ganaʼa. Sangaʼazökhi ba zi tambainia zui, Hanania samösa samazökhi fanikha somuhua. Lafasa golayama kara ba Yeruzalema irugi Göli Sebolo.+
9 Sangaʼazökhi ba zi tambainia, Refaya ono Huri, sondröniaʼö si matonga mbanua Yeruzalema.
10 Sangaʼazökhi ba zi tambainia, Yedaya ono Harumafa, mohalöwö ia föna nomonia. Ba sangaʼazökhi ba zi tambainia, Hatusi ono Hasabeneya.
11 Malakhia ono Harimi+ fao ira Hasubi ono Wahata-moabi+ ba wangaʼazökhi tanö böʼö* hegöi Malige Wamogö.+
12 Sangaʼazökhi ba zi tambainia, Salumi ono Halohe, sondröniaʼö si matonga mbanua Yeruzalema, fao ira ndraononia alawe.
13 Fao Hanuni ba niha mbanua Zanoa+ wangaʼazökhi Bawa Göli Ndraso.+ Lafazökhi ba lafasa fefu mbawandruhö, lazi-lazi hegöi baʼa-baʼa, ba laʼazökhi göli andrö mato 445 meter* waʼanau irugi Mbawa Göli Safönu Awu.+
14 Sangaʼazökhi Bawa Göli Safönu Awu, Malakhia ono Rekhabi sondröniaʼö banua Mbeti-kheremi.+ Ifazökhi ba ifasa fefu mbawandruhö, lazi-lazi hegöi baʼa-baʼa.
15 Sangaʼazökhi Bawa Göli Gumbu Nidanö,+ Saluni ono Kholihose sondröniaʼö ba mbanua Misefa.+ Ifazökhi ba ifasa zagö, bawandruhö, lazi-lazi hegöi baʼa-baʼa, iʼazökhi nasa göli Mbaʼa Lala Nidanö+ irugi Kabu ba Gödo Razo,+ ba ofeta ba Nora+ moroi yawa ba Mbanua Dawido.+
16 Aefa ia, Nehemia ono Gasibuki sondröniaʼö si matonga mbanua Mbeti-suri+ zangaʼazökhi tanö föna Lewatö Dawido,+ irugi mbaʼa nidanö+ si no lafazökhi ba ofeta ba Nomo Ndra Saradadu.
17 Aefa ia, so ndra niha Lewi sangaʼazökhi, yaʼia daʼö Rehumi ono Mbani, ba zi tambainia Hasabia sondröniaʼö si matonga mbanua Kegila,+ yaʼia zangaʼazökhi banuania.
18 Aefa ia, so dalifusöra sangaʼazökhi, yaʼia daʼö Bawai ono Henedada sondröniaʼö si matonga mbanua Kegila.
19 Ba zi tambainia, Ezeri ono Yesua+ samatörö ba Misefa zangaʼazökhi tanö böʼö föna lala miyawa numalö ba Naha Wangiröʼö Fangöna ba Watalinga.+
20 Aefa ia, owölö-ölö sibai Mbarukhi ono Zabai+ wohalöwö ba wangaʼazökhi tanö böʼö, iʼotarai ba Watalinga irugi mbawandruhö nomo Geliasibi+ ere sebua.
21 Aefa ia, Meremoto+ ono Guria ono Hakosi zangaʼazökhi tanö böʼö iʼotarai mbawandruhö nomo Geliasibi irugi mbalö nomo Geliasibi.
22 Aefa ia, so ndra ere hegöi niha mbanua moroi ba Yoridano*+ sangaʼazökhi.
23 Aefa ira, so Mbeniami ba Hasubi sangaʼazökhi föna nomora samösa. Aefa ira, so Gasaria ono Maʼaseya ono Ganania sangaʼazökhi sahatö ba nomonia samösa.
24 Aefa ia, Binui ono Henadada zangaʼazökhi tanö böʼö, iʼotarai nomo Gasaria numalö ba Watalinga,+ ofeta ba mbalö.
25 Aefa ia, Falala ono Guzai zangaʼazökhi tanö föna Watalinga ba malige salawa moroi ba Gödo Razo+ yaʼia daʼö tanö yawa si so ba Golayama Zanaro.+ Aefa ia, so Wedaya ono Wareo.+
26 So ndra enoni ba gosali*+ si toröi ba Gofeli+ sangaʼazökhi irugi föna Mbawa Göli Nidanö+ tanö ba gatumbukha, ofeta ba malige salawa.
27 Aefa ira, niha Dekoa+ zohalöwö ba wangaʼazökhi tanö böʼö iʼotarai föna malige sebua irugi göli Gofeli.
28 So ndra ere sangaʼazökhi yawa ba Mbawa Göli Kudo+ tanö föna nomora zamösana.
29 Aefa ira, so Zadoki+ ono Gimeri sangaʼazökhi föna nomonia samösa.
Aefa ia, so Zemaya ono Zekhania sanaro Bawa Göli ba Gatumbukha,+ yaʼia zangaʼazökhi.
30 Aefa ia, Hanania ono Zelemia fao ira Hanuni ono Zalafi numero önö ba wangaʼazökhi tanö böʼö.
Aefa ia, so Mesula+ ono Mberekhia sangaʼazökhi föna mbateʼenia samösa.
31 Aefa ia, so Malakhia samösa moroi ba gotalua tuka ganaʼa, yaʼia zangaʼazökhi irugi nomo ndra enoni ba gosali*+ hegöi ira sogale si so föna Mbawa Göli Wamareso irugi mbateʼe tanö yawa ba mbalö.
32 Tuka ganaʼa awö ndra sogale zangaʼazökhi otalua mbateʼe tanö yawa ba mbalö hegöi ba Mbawa Göli Mbiri-biri.+
Nisura ba gahe zura
^ Sin.: ”lö lafaöndrö mbagira wohalöwö khö”.
^ Mazui ”Trans-Oiferati”.
^ Mazui ”ba wangaʼazökhi si no lasuʼa”.
^ Mazui te ”moroi ba provinsi sahatö”.
^ Mazui ”niha Netini”. Sin.: ”niha nibeʼe”.
^ Mazui ”niha Netini”. Sin.: ”niha nibeʼe”.
