Ngenu-Ngenu Yeremia 1:1-22
א [Alef]*
1 Ato sibai niha mböröta ba Yeruzalema, iadaʼa modadao ia ba hatö samösa!+
Yaʼia mböröta wondrege zebua ba gotalua soi, hizaʼi hulö lakha mbanua ia iadaʼa!+
Ha yaʼia nono alawe mböröta ba gotalua provinsi, hizaʼi lafaso ia wohalöwö iadaʼa!+
ב [Bet]
2 Sara wongi iduhugö wege-ege.+ Abasö mboʼönia ba nidanö hörönia.
Samösa lö hadöi ba gotalua niʼomasiʼönia zi möi mondrara tödönia.+
Laʼa mbölinia si fahuwu khönia.+ Laʼuduni ia ira awönia.
ג [Gimel]
3 No laʼoloiʼö Yehuda.+ Lafakao ia ba laʼosawuyu si lö faʼahakhö dödö.+
Ba soi böʼö toröi ia.+ Lö isöndra waʼahono dödö.
Tohare zamakao yaʼia ba ginötö göna ia abula dödö.
ד [Dalet]
4 Mege-ege lala si numalö ba Ziona börö me lö hadöi si möi ba gowasa.+
Fefu mbawa gölinia no ahori laröi,+ ba mangarö-ngarö ndra ere.
Abu dödö ndraononia alawe, ba tefakao waʼaurinia.
ה [He]
5 Lafatörö ia si faʼudu khönia iadaʼa. Ahono dödö zi faʼudu khönia.+
Börö waʼoya golalöwa nifaluania, iʼasogö khönia waʼabu dödö Yehowa.+
Laʼoloiʼö ndraononia si faʼudu khöra.+
ו [Waw]
6 No taya waʼasökhi nono alawe Ziona.+
Hulö mböhö si matua si lö manöndra benua soduʼu ndra sondröniaʼö khönia,Ba lö döla-dölara wofanö föna zolohi yaʼira.
ז [Zayin]
7 Me göna faʼatosasa Yeruzalema ba me lö hadöi nahiania,Ifuli itörö tödönia gama-gama sebua böli niʼokhögönia mböröta.+
Me telulu nono mbanuania ba danga nudu ba lö sanolo yaʼira,+Lalekeʼö ia si faʼudu khönia ba maʼiki ira ba waʼadudunia.+
ח [Khet]
8 No ifalua horö sebua Yeruzalema.+
Daʼö mbörö wa niʼogorofi ia.
Fefu zamosumange yaʼia mböröta ba laʼosiwawöi ia iadaʼa, börö me si lö nukha ia.+
Moriri dölania+ ba moloi ia ba waʼaila.
ט [Tet]
9 Oroma ba mbarunia wa niʼogorofi ia.
Lö iʼangeragö waʼaurinia ba zi so miföna.+
Abölö-bölö sibai waʼadudunia. Lö sondrara tödönia.
He Yehowa, faigi wamakao si göna khögu börö me fayawa zi faʼudu khögu.+
י [Yod]
10 Fefu gokhötania no ahori lahalö ira si faʼudu khönia.+
Anehe Yeruzalema me möi soi böʼö ba naha niʼamoniʼö khönia,+Yaʼia daʼö soi si tebai orudu ba nono mbanuamö moloʼö oroisamö.
כ [Kaf]
11 Oi zara mangarö-ngarö nono mbanuania. Laʼalui göra roti.+
Lafalalini gama-gamara sebua böli enaʼö so mbalazora, faböi mate ira.
He Yehowa, faigi atö zalua khögu, hulö ndra alawe* si lö karua.
ל [Lamed]
12 Yaʼami sanörö lala, hadia ha si toʼölö manö zalua andrö moloʼö yaʼami?
Mifaigi atö!
Hadia so waʼafökhö simane faʼafökhö nitaögögu,Nifalua Yehowa khögu börö wönunia si hola-hola?+
מ [Mem]
13 Itorugö moroi yawa galitö ba wanunu tölagu.+
Ba no ifazökhi guʼö ba wamaʼala ahegu. Ifaso ndraʼo wangawuli furi.
Ibaliʼö ndraʼo simane ira alawe nitiboʼö.
Uʼofökhöi bongi maʼökhö.
נ [Nun]
14 Itawigö ba mbagigu horögu simane kalo mbagi. Tangania zameʼe.
Ibeʼe daʼö ba mbagigu irege taya waʼabölögu.
Itouʼö ndraʼo Yehowa ba danga niha si tebai ulawa.+
ס [Samekh]
15 No iheta fefu niha sagabölö ba zingagu Yehowa.+
Iʼowuloi ndra saradadu ba wangohori ira si bohou ebua khögu.+
Yehowa zohundra-hundra ono alawe Yehuda ba naha wamera agu.+
ע [Ayin]
16 Meʼe ndraʼo ba ngawalö zalua andre.+ Mangele nidanö hörögu.
No laʼaröuʼö ira ba zingagu sameʼe khögu fondrara dödö mazui samarou tödögu.*
No muzawili misa ndraonogu matua börö me si faʼudu khögu zi möna.
פ [Pe]
17 Ifazawa dangania Siona.+ Lö hadöi niha sameʼe khönia fondrara dödö.
Yehowa zangoʼou fefu nudu ba wolawa Yakobo.+
Anuzu dödöra ba wamaigi Yeruzalema.+
צ [Tsade]
18 Atulö nifalua Yehowa,+ börö me no usawö goroisania.+
Fefu soi, mifondrondrongo. Mifaigi waʼafökhö salua khögu.
No laʼoloiʼö fefu nono alawe hegöi iraonogu matua.+
ק [Qof]
19 Ukaoni ndra tuho dödögu, hizaʼi laʼa mböligu.+
No ahori mate ndra ere khögu hegöi ira sondröniaʼö ba mbanua
Me laʼalui göra faböi mate ira.+
ר [Res]
20 He Yehowa, faigi hewisa waʼabu dödö salua khögu.
Lö sökhi-sökhi bakha dödögu.*
Arasa dödögu börö me no molawa ndraʼo.+
Baero so wöda sangohori.+ Bakha ba nomo so waʼamate.
ש [Syin]
21 Fefu niha no larongo wangarö-ngarögu. Lö sondrara tödögu.
Fefu zi faʼudu no ahori larongo zalua khögu.
Omuso dödöra börö me yaʼugö zamalua khögu daʼö.+
Hizaʼi ba ginötönia, öfalua dania zi no öwaʼö,+ ba alua göi khöra zimane salua khögu.+
ת [Taw]
22 Yaʼanehe ndraʼugö waʼalösökhi nifaluara ba öbeʼe khöra wanguhuku sabölö-bölö,+Simane faʼabua wanguhukumö yaʼo ba ngawalö golalöwagu.
Asese sibai mangarö-ngarödo ba afökhö dödögu.
Nisura ba gahe zura
^ Faza 1-4 tuhonia sinunö ngenu-ngenu moloʼö ngawua hurufo ba li Heberaiʼo mazui akrostik.
^ Ira alawe nitötöi ba daʼa eluahania Yeruzalema.
^ Mazui ”sangokafui tödögu”.
^ Sin.: ”Mamukhö mbetuʼagu”.
