Obadia 1:1-21
1 Angilata salua khö Gobadia:*
Daʼa wehedenia sanandrösa ba daromali Yehowa Lowalangi Fondrege Zalawa ba Gedomo:+
”No marongo duria moroi khö Yehowa,So samösa nifatenge ba soi böʼö ba wangumaʼö,
’Datafaʼanö ita fasuwö ba wolawa yaʼia.’”*+
2 ”No ubeʼe niʼosiwawöi ndraʼugö ba soi böʼö.
Sindruhu-ndruhu wa lö laʼosinangegö ndraʼugö.+
3 No telimo ndraʼugö börö waʼasiliyawamö,+He yaʼugö sangalui folumöʼö ba hili sokara,Si toröi ba nahia salawa, ba sangumaʼö tödönia,’Haniha zi tola manuliʼö yaʼo?’
4 Hewaʼae toröi ndraʼugö ba nahia salawa* simane moyo,Mazui mangazuni ndraʼugö ba gotalua ndröfi,Hasambalö utuliʼö ndraʼugö,” iwaʼö Yehowa.
5 ”Na möi khöu zanagö mazui sorabu ba zi bongi,Ha somasi ira nihalöra.
Mazui na möi khöu niha samasi bua nagu,Tatu laröi ösa enaʼö so niʼozaragö niha böʼö.
Hizaʼi, sindruhu-ndruhu wa ifakiko ndraʼugö udumö!*+
6 No labeʼe baero gama-gama Gezau!
Ba no larabu haratonia si tobini!
7 No lafofanö ndraʼugö ba nola danö.
No lalimo ndraʼugö ira awöu* sohalöwö maʼafefu.
No lakalaisi ndraʼugö niha sangatulö khöu.
No lafasa zaiwa si falulu manga khöu ba wamaʼala yaʼugö,Hizaʼi lö öʼila daʼö.”
8 Imane Yehowa, ”Ba luo daʼö,Hasambalö uhori niha sagatua-tua ba Gedomo+Hegöi niha sogonekhe ba mbanua si so ba hili Gezau.
9 Agataʼu+ dania ndra saradadumö, yaʼugö Temano,+Börö me ahori mubunu fefu niha si so ba hili Gezau.+
10 Börö waʼalösökhi nifaluamö khö dalifusöu Yakobo,+Teʼailasi dania ndraʼugö,+Ba muhori ndraʼugö sagötö faʼara.+
11 Ba ginötö tohare niha si lö öʼila, ba laʼoloiʼö ndra saradadumö,+Ba ginötö möi bakha niha baero ba mbawa göli ba fadahö-dahö ira+ ba Yeruzalema,Ha sozizio manö ndraʼugö ba wamaigi.
Fagölö waʼalösökhimi.
12 Tenga sinangea omuso dödöu ba wamakao salua khö dalifusöu,+Tenga sinangea owua-wua dödöu me tehori niha Yehuda,+Ba tenga sinangea öʼoʼaya ira* me göna ira famakao.
13 Tenga sinangea möiʼö bakha ba mbawa göli nono mbanuagu me göna ira famakao,+Tenga sinangea omuso dödöu me alua khöra wamakao,Ba tenga sinangea örabu haratora ba ginötö tefakao ira.+
14 Tenga sinangea ötaha ba öbunu niha soloi,+Ba tenga sinangea öbeʼe ira ba danga nudu, ba ginötö alua khöra wangabu dödö.+
15 Börö me no ahatö+ ngaluo Yehowa ba wanguhuku fefu soi.
Hasambalö göna khöu+ hadia zi no öfalua.
Mufalua khöu simane nifaluamö ba niha böʼö.*
16 Simane me öbadu nösi mako wönugu andrö ba hili niʼamoniʼö khögu,Simane daʼö göi ngawalö soi, lö laböhöli wamadu yaʼia.+
Labadu irege ahori,Ba taya ira hulö zi lö irai so.
17 Hizaʼi, so ösa niha niʼorifi ba Hili Ziona,+Ba teʼamoniʼö hili daʼö,+Ba lafuli lahalö dana khöra andrö ngaʼötö Yakobo.+
18 Tobali simane alitö dania ngaʼötö Yakobo,Simane hola-hola galitö ngaʼötö Yosefo,Ba simane töla wakhe ngaʼötö Gezau.
Latunu fefu ngaʼötö Gezau,Ba lö hadöi niʼorifi,+Börö me Yehowa zangumaʼö daʼö.
19 Larabu dania Negebi awö mbanua si so ba hili Gezau,+Sefela hegöi banua niha Wilisiti.+
Larabu mbanua Geferai awö mbanua Zamaria,+Ba Beniami dania zorabu banua Gileadi.
20 Niha niʼoloiʼö si so ba göli kara* andre,+Yaʼia daʼö iraono Gizaraʼeli, laʼokhögö dania danö niha Ganaʼana ofeta ba Zarefa.+
Ba niha niʼoloiʼö moroi ba Yeruzalema si so ba Zefarada, larabu mbanua si so ba Negebi.+
21 Möi ndra sangefaʼö ba Hili ZionaBa wanguhuku banua si so ba hili Gezau,+Ba Yehowa dania zamatörö tobali razo.”+
Nisura ba gahe zura
^ Eluahania Edomo.
^ Eluahania ”Enoni Yehowa”.
^ Mazui te ”muhomboʼö ba nahia salawa”.
^ Mazui te ”Hawaʼabölö-bölö waʼadudumö?”
^ Mazui ”niha si no fawuʼu li khöu”.
^ Mazui ”fahuhuo ndraʼugö si fao faʼasiliyawa”. Sin.: ”ebua mbawau”.
^ Sin.: ”Mangawuli ba högöu hadia nifaluamö”.
^ Mazui ”mbaʼa-baʼa folumöʼö”.