Ba Mbanua Niha Keriso ba Roma 12:1-21
12 He yaʼami ira talifusö, börö me sahakhö tödö Lowalangi, uʼandrö khömi enaʼö mibeʼe sumange mbotomi+ tobali sumange sauri, amaedola zumange niʼamoniʼö+ nitema Lowalangi, börö daʼö miʼoigö wangera-ngerami+ ba wamalua halöwö niʼamoniʼö khönia.
2 Böi mifaomagö ami ba niha gulidanö ba götö* daʼa. Hizaʼi, mibulöʼö lala wangera-ngerami,+ enaʼö miʼila mitimba tödömi+ zomasi Lowalangi, soʼahonoa ba sangomusoiʼö tödönia.
3 Börö waʼasökhi dödö sebua* nitemagu moroi khö Lowalangi, ufatunö khömi fefu enaʼö böi so zangumaʼö ba gotaluami wa abölö ebua ia moroi ba zindruhunia,+ hizaʼi ndrohu-ndrohu zinangeania moloʼö faʼebua wamati niʼamualagö Lowalangi khömi zamösana.+
4 Ha sambua mbotoda ba oya ndroto-ndrotonia+ si faböʼö-böʼö halöwö,
5 simanö ita ba khö Keriso, hewaʼae ato, ha sambua boto ita ba no ndroto-ndroto ita zamösana khö nawöda.+
6 Börö waʼasökhi dödö sebua* moroi khö Lowalangi,+ andrö wa tatema mbuala si faböʼö-böʼö. Na tatema mbuala ba wamaʼeleʼö, datafaʼeleʼö moloʼö famati nitemada.
7 Na tatema mbuala ba wangai halöwö khö Lowalangi, böi taböhöli wangai halöwönia. Na so zanema mbuala ba wamahaʼö, böi yaʼiböhöli wamahaʼö.+
8 Na mbualania andrö sanandrösa ba wamarou tödö,* böi miböhöli wameʼe famarou dödö.*+ Na ba wameʼe, böi miböhöli wameʼe si fao faʼoböwö.+ Na ba wondröniaʼö, enaʼö soroi ba dödömi wondröniaʼö.+ Na ba wangoromaʼö faʼahakhö dödö, böi miböhöli wamalua daʼö si fao faʼowua-wua dödö.+
9 Böi so khömi wamini tödö ba wangoromaʼö faʼomasi.+ Yasindruhu-ndruhu fatuwu ami ba zi lö sökhi+ ba miʼomasiʼö zi sökhi.
10 Faoma miʼomasiʼö nawömi simane ösi nomomi. Yafahulö ami ba wamosumange awömi.+
11 Yaʼowölö-ölö ami, ba böi areu.+ Yaʼifarou ami eheha niʼamoniʼö.+ Yatobali ami sawuyu Yehowa.*+
12 Miʼomusoiʼö dödömi ba wanötöna andrö. Yaʼanau gölömi ba wanaögö famakao.+ Böi mifamalö-malö wangandrö.+
13 Mitolo niha niʼamoniʼö moloʼö soguna khöra.+ Yatoʼölö ami wangoromaʼö faʼoböwö.+
14 Böi miböhöli ba wamahowuʼö zamakao yaʼami.+ Miʼandrö khö Lowalangi enaʼö ifahowuʼö ira, ba böi miʼangelifi.+
15 Miʼomusoiʼö dödömi awö zomuso tödö, ba miʼege-ege awö zege-ege.
16 Yasimane famaigimi yaʼami, yasimanö göi wamaigimi niha böʼö. Böi fayawa ami,* hizaʼi miʼokhögö wangide-ngideʼö.+ Böi miwaʼö tödömi wa atua-tua ami.+
17 Böi misulöni zi lö sökhi awönia si lö sökhi.+ Miforege wamalua si sökhi moloʼö famaigi niha.
18 Na tola, migohi waʼatulö ba niha fefu.+
19 Böi milau mbalömi yaʼami niʼomasiʼögu. Mifonaha wönu Lowalangi+ börö me so ba zura, ”’Khögu wolau balö, yaʼo zanulöni,’ iwaʼö Yehowa.”*+
20 Hizaʼi, ”na olofo zi faʼudu khöu, beʼe gönia; na owökhi dödönia, fabadugö khönia nidanö; na öfalua daʼö no öʼowuloi mbo galitö ba högönia”.*+
21 Böi ikalaisi ami si lö sökhi. Mikalaisi zi lö sökhi faoma si sökhi.+
Nisura ba gahe zura
^ Faigi Geluaha Ngawua Wehede.
^ Faigi Geluaha Ngawua Wehede.
^ Faigi Geluaha Ngawua Wehede.
^ Mazui ”ba woʼamenesi”.
^ Mazui ”woʼamenesi”.
^ Mazui ”Böi talafo alawa wangera-ngerami”.
^ Eluahania tola alulu dödönia öbeʼe.