Ba Mbanua Niha Keriso ba Roma 13:1-14
13 Fefu niha enaʼö laʼoʼö li ndra samatörö,+ börö me moroi khö Lowalangi fefu wamatörö.+ Lowalangi zamataro yaʼira ba halöwöra zamösana.+
2 Tobali, haniha zolawa ira samatörö, no ilawa nifakhoi Lowalangi, ba tehuku niha solawa amakhoita andrö.
3 Ataʼu niha si lö sökhi khö ndra samatörö, hizaʼi lö ataʼu niha si sökhi amuata.+ Börö daʼö, na lö omasi ami ataʼu khö zamatörö, böi miböhöli wamalua si sökhi+ enaʼö lasuno ami.
4 Yaʼira andrö sangai halöwö khö Lowalangi ba zoguna khömi. Na mifalua zi lö sökhi, miʼataʼufi ira börö me so gohitö dödöra ba wolohe föda. Yaʼira andrö sangai halöwö khö Lowalangi, solau balö ba wanguhuku niha si lö mamöhöli wamalua si lö sökhi.
5 So mbörö wa miʼoʼö lira, tenga börö wanguhuku andrö, hizaʼi börö dödömi side-ide.+
6 Daʼö mbörö wa mubuʼa pajak. Sangai halöwö khö Lowalangi ira, si lö tebulö wamalua halöwö ba niha.
7 Mibeʼe zi tobali tana khöra: Pajak ba zangandrö pajak,+ beʼelö ba zangandrö beʼelö, faʼataʼu ba zangandrö fangataʼufi,+ sumange ba zangandrö sumange.+
8 Böi moʼömö ami gofu hadia ia baero wangomasiʼö awömi,+ börö me niha sangomasiʼö awönia no iʼoʼö zi so ba goroisa.+
9 Oroisa simane ”böi ohorö,+ böi bunu niha,+ böi anagö,+ böi isö gokhöta nawöu”,+ ba fefu goroisa si no so, teʼosambuaʼö ba wehede daʼa: ”Omasiʼö nawöu simane faʼomasiu ndraʼugö.”+
10 Faʼomasi andrö lö ilau zi lö sökhi khö nawönia,+ andrö wa famalua oroisa waʼomasi andrö.+
11 Mifalua daʼö fefu börö me no miʼila ginötö andrö. Iadaʼa ginötö wemaoso moroi ba wemörö+ börö me itugu ahatö ginötö wangorifi andrö khöda moroi me awena tobali ita soloʼö khö Yesu.
12 No alawa mbongi ba lö ara tö moluo, börö daʼö dataröi gamuata sogömi-gömi,+ ba dataʼogunaʼö wangöna haga.+
13 Datarorogö gamuatada+ simane ba zi maʼökhö, tenga famalua owasa si lö sökhi mazui femabu-mabu, tenga fohorö-horö mazui amuata si lö faʼaila,*+ ba tenga faʼudusa ba faʼafökhö dödö.+
14 Hizaʼi, miʼoʼö khö Zoʼaya yaʼita Yesu Keriso+ ba böi miʼera-era wamalua faʼomasi nösi si fasala.+
Nisura ba gahe zura
^ Mazui ”amuata si lö mangila wetahögö”. Ba li Yunani: aselgeia. Faigi Geluaha Ngawua Wehede.
