Ba Mbanua Niha Keriso ba Roma 9:1-33
9 Sindruhu niwaʼögu börö me soloʼö khö Keriso ndraʼo. Ifaduhuʼö khögu tödögu side-ide nifatörö geheha niʼamoniʼö
2 wa abu sibai dödögu ba lö aetu-aetu tefakao ndraʼo.
3 Utehegö fabali ndraʼo khö Keriso tobali niha niʼelifi salahi ndra talifusögu, yaʼia daʼö niha si sambua soi khögu
4 iraono Gizaraʼeli. Yaʼira andrö nifili tobali ono Lowalangi+ ba tebeʼe khöra lakhömi, amabuʼula,+ Oroisa Moze,+ halöwö niʼamoniʼö,+ hegöi buʼusa li.+
5 Yaʼira andrö maʼuwu moroi ba niha si tobali tua Keriso.+ Yatefolakhömi Lowalangi samatörö fefu hadia ia irugi zi lö aetu. Yaduhu.
6 Hizaʼi, tenga daʼö geluahania wa lö aʼozu niwaʼö daromali Lowalangi, börö me lö fefu maʼuwu ndraono Gizaraʼeli tefotöi ira ”iraono Gizaraʼeli” sindruhu.+
7 Hewaʼae lafotöi ira maʼuwu Gaberahamo,+ lö fefu tobali ononia. So ba zura, ”Moroi khö Gizaʼaki dania iʼotarai maʼuwu nifabuʼu andrö khöu.”+
8 Eluahania, lö fefu nono Gaberahamo sindruhu-ndruhu tobali ono Lowalangi,+ hizaʼi si tumbu börö mbuʼusa li+ andrö daʼö nifotöi maʼuwu Gaberahamo.
9 Daʼa nösi mbuʼusa li andrö, ”Ba ginötö si no mutatugöi, tohare ndraʼo ba tumbu samösa nono matua khö Zara.”+
10 Ba tenga ha daʼö, manabina göi Rebeka ono si faero moroi khö duada Izaʼaki.+
11 Ifili niha Lowalangi moloʼö ohitö dödönia, tenga balazi gamuata zi samösa niha andrö, hizaʼi balazi ia. Börö daʼö, me lö si tumbu nasa ndraono daʼö ba lö nifaluara si sökhi mazui si lö sökhi,
12 no iwaʼö khö Rebeka, ”Sawuyu ziakhi dania ziaʼa.”+
13 Simane si so ba zura, ”Uʼomasiʼö Yakobo, ba fatuwu ndraʼo khö Gezau.”+
14 Na simanö, hewisa? Hadia lö atulö Lowalangi? Tatu tenga simane daʼö!+
15 Imane Lowalangi khö Moze, ”Uʼomasiʼö gofu haniha zomasi ndraʼo, ba uhakhösi tödö gofu haniha zomasido uhakhösi tödö.”+
16 Tobali, tenga börö waʼedöna zi samösa niha mazui no iforege enaʼö ifili ia Lowalangi, hizaʼi börö waʼahakhö dödönia.+
17 So ayati nifanandrösa khö Waraʼo, ”Utehegö auri ndraʼugö enaʼö tola uforomaʼö waʼabölögu, ba teʼombakhaʼö döigu ba zi sagörö ulidanö.”+
18 Ihakhösi tödö Lowalangi gofu haniha zomasi ia, ba ilulu danö böʼö ba waʼabeʼe högöra.+
19 Iadaʼa mimane khögu, ”Hana wa isalaikö nasa niha Lowalangi? Hadia so zolawa ohitö dödönia?”
20 Haniha ami irege barani milawa Lowalangi?+ Hadia tola imane tambu laʼuri khö zamöbözi yaʼia, ”Hana wa simane daʼa wamazökhiu yaʼo?”+
21 Hadia lö miʼila? Na so zamöbözi tambu laʼuri, hadia tenga sinangea+ ihaogö dambu andrö tobali gama-gama sabölö moguna* hegöi gama-gama si toʼölö manö?*
22 Hewisa na ebolo dödö Lowalangi ba gama-gama sinangea mufakiko andrö hewaʼae edöna iforomaʼö wönunia hegöi faʼabölönia?
23 Ba hewisa na ifalua daʼö ba wangoromaʼö lakhöminia sahöli-höli dödö ba gama-gama sinangea muhakhösi tödö,+ si no ifaʼanö ba wanema lakhömi,
24 yaʼia daʼö yaʼita, si no ikaoni moroi ba soi niha Yahudi hegöi soi böʼö?+
25 Simane niwaʼönia ba mbuku Hosea, ”Si tenga ono mbanuagu,+ ufotöi dania ira ’ono mbanuagu’, ba ira alawe si lö uʼomasiʼö ufotöi ia ’niʼomasiʼögu’.+
26 Ba nahia si no irai uwaʼö khöra, ’Tenga ono mbanuagu ami’, ba daʼö dania tefotöi ira ’ono Lowalangi sauri’.”+
27 Imane göi Yesaya sanandrösa ba ndraono Gizaraʼeli, ”Hewaʼae simane faʼoya gawu ba nasi waʼato ndraono Gizaraʼeli, ha si tosai dania niʼorifi,+
28 börö me Yehowa* zanguhuku niha gulidanö ba ifoʼahonoa wamalua daʼö ba waʼalio.”*+
29 Baero daʼö no irai iwaʼö Yesaya, ”Na lö hadöi maʼuwu niröi Yehowa* samatörö saradadu zorugo, ba no tobali simane Sodoma ita, ba hulö simane Gomora andrö.”+
30 Na simanö, hadia rahu-rahunia? Niha moroi ba soi böʼö si lö molohi faʼatulö andrö, atulö ira+ börö wamati.+
31 Laʼodödögö iraono Gizaraʼeli enaʼö atulö ira ba woloʼö oroisa, hizaʼi tebai lafalua.
32 Hadia mbörö? Laʼodödögö enaʼö tefotöi wa atulö ira ba gamuatara, tenga börö wamati. Noa sa manendre ira ba ”gara nitendre”,+
33 itörö zi so ba zura, ”Utaruʼö ba Ziona gara nitendre,+ kara waʼateʼala ba niha, hizaʼi lö teʼailasi niha samati khönia.”+
Nisura ba gahe zura
^ Sin.: ”tefolakhömi”.
^ Sin.: ”sambö tefolakhömi”.
^ Sin.: ”iʼasiwai ba iʼadogoiʼö”.
