Sangombakha 4:1-16
4 Ufaigi-faigi fefu wamakao salua ba gulidanö. Uʼila dawa hörö niha si göna famakao, hizaʼi lö sameʼe khöra fondrara dödö.+ Mamatörö niha samakao yaʼira ba lö sameʼe khöra fondrara dödö.
2 Moloʼö yaʼo, abölö sökhi niha si no mate moroi ba niha sauri,+
3 ba abölö sökhi moroi khöra nasa niha si lö irai tumbu,+ si lö sangila faʼalösökhi nifalua ba gulidanö.*+
4 Uʼila göi hewisa waʼerege dödö ba faʼonekhe nifalua niha ba wahindrisa.+ Zaya-zaya gölö göi daʼö ba folohi angi.
5 No italagui dödönia niha si bodo ba ifakiko waʼaurinia* samösa.+
6 Sökhi zi sagokhö faʼahono dödö moroi na dua gokhö waʼerege dödö ba famorege ba wolohi angi.+
7 Ba ufaigi-faigi nasa danö böʼö si tobali zaya-zaya gölö ba gulidanö:*
8 So niha si ha samö-samösa ba lö awönia. Lö göi ononia ba lö talifusönia, hizaʼi lö irai iböhöli wohalöwö. Lö irai abuso hörönia ba waʼakayo.+ Hadia imane, ’Haʼökhö moguna waʼerege dödögu andre ba uʼalimagösi ngawalö zi sökhi?’+ Zaya-zaya gölö göi daʼa ba tobali fangabu dödö.+
9 Sökhi zi darua moroi na ha samösa,+ börö me so dania mböli gölöra si sökhi* ba waʼerege dödöra.
10 Na alabu zi samösa, ba tola ifazawa ia awönia. Hizaʼi hewisa na alabu zi ha samö-samösa, haniha zamazawa yaʼia?
11 Baero daʼö, na faedo zi darua ba wemörö ba lö oʼafu ira. Hizaʼi hewisa wa lö oʼafu zi ha samösa?
12 Tola lakalaisi zi ha samösa, hizaʼi na darua tola möna ira ba wolawa udu. Sinali si tölu winali ba tebai muʼetuʼö.
13 Abölö sökhi nono matua si numana hizaʼi atua-tua, moroi khö razo si no atua hizaʼi bodo+ ba lö mamondrongo famangelama.+
14 Tobali ia* razo+ me no aefa ia ba gurunga hewaʼae numana ia iʼotarai me tumbu ba mbanua razo andrö.+
15 Uʼangera-ngeragö fefu waʼauri niha ba gulidanö,* simanö göi nono matua fangali razo andrö.
16 Hewaʼae na tebai muʼerai waʼato nono mbanuania, ba lö laʼomasiʼö ia ira niha si tumbu aefa daʼö.+ Zaya-zaya gölö göi daʼa simane folohi angi.
Nisura ba gahe zura
^ Sin.: ”ba narö luo”.
^ Sin.: ”ba iʼa nagolenia”.
^ Sin.: ”ba narö luo”.
^ Mazui ”me abölö mbua nitemara”.
^ Te eluahania ono matua satua-tua andrö.
^ Sin.: ”ba narö luo”.
