Sangombakha 5:1-20
5 Faigi wofanöu ero na möiʼö ba nomo Lowalangi sindruhu.+ Abölö sökhi na möiʼö wamondrondrongo+ moroi na öbeʼe zumange simane nibeʼe niha si bodo,+ si lö mangila wa fasala nifaluara andrö.
2 Böi alio mbeweu wehede ba böi alio fahuhuo dödöu khö Lowalangi sindruhu+ na lö öʼangeragö sakali, börö me ba zorugo so Lowalangi sindruhu, ba yaʼugö ba gulidanö. Andrö böi talafo oya wehedeu.+
3 Börö waʼoya halöwö*+ andrö wa so wangifi, ba börö waʼafahöna li andrö wa oya wehede niha si bodo.+
4 Ero na fawuʼu li ndraʼugö khö Lowalangi, böi taha-taha wamalua buʼusa limö andrö+ börö me lö omasi ia niha si bodo.+ Na fawuʼu li ndraʼugö, ba falua daʼö.+
5 Sökhi na lö fawuʼu li ndraʼugö moroi na fawuʼu li hizaʼi lö öfalua.+
6 Böi falua horö ha börö mbeweu,+ ba böi waʼö föna ndra malaʼika* wa no fasala ndraʼugö.+ Böi tehegö mofönu khöu Lowalangi ba wehedemö irege ifakiko halöwö dangau.+
7 Börö waʼafahöna halöwö andrö wa so wangifi,+ simanö göi wa tobali zaya-zaya gölö waʼoya li. Ataʼufi Lowalangi sindruhu.+
8 Böi ahöli-höli dödöu na öʼila so samösa zamatörö samakao si numana ba ifuyuʼö zindruhu mazui satulö ba mbanuania,+ börö me so zamaigi-maigi yaʼia sabölö alawa moroi khönia. So nasa zabölö alawa moroi khö ndra samatörö.
9 Ba labeʼe göi khöra mbua danö zamösana, ba moroi ba mbua nowi andrö isöndra gönia razo.+
10 Niha sangomasiʼö kefe ba lö irai abuso ia kefe, ba sangomasiʼö faʼakayo lö irai abuso ia ba nisöndrania.+ Zaya-zaya gölö göi daʼa.+
11 Na monönö waʼoya zi sökhi ba monönö göi waʼato zangogunaʼö.+ Hadia hare zokhö? Ha asala ifaigi-faigi manö.+
12 Ba niha sohalöwö ba fangokafu dödö khönia wemörö hewaʼae na oya gönia mazui löʼö, hizaʼi lö iʼila mörö niha si kayo börö waʼoya haratonia.
13 Uʼila wamakao daʼa ba gulidanö:* Tobali famaʼala niha harato nihönania.
14 Taya harato daʼö börö halöwö si lö aʼozu, ba lö hadöi si tola ibeʼe tobali ondröita na so nononia.+
15 Lö balu-balu me tumbu niha moroi ba dalu ninania. Simane me tohare ia ba simane daʼö göi dania na mofanö ia.+ Lö hadöi si tola iʼohe ba zi no iʼeregesi tödö.+
16 Sambua abula dödö göi daʼa: Mofanö dania niha simane me tohare ia. Na simanö, hadia hare ba waʼerege dödö si no amaedola wolohi angi?+
17 Baero daʼö, ero maʼökhö manga ia ba waʼogömi-gömi, si fao fangabu dödö, faʼafökhö, ba si fao fönu.+
18 Uʼila wa daʼa zi sökhi ba tefaudu na mufalua: Sabölö sökhinia manga niha ba mamadu, ba iʼomusoiʼö dödönia ba zi no iʼeregesi tödö+ ba gulidanö* sandrohu faʼaurinia si lö arara, nibeʼe Lowalangi sindruhu. Daʼö zulö nitemania.*+
19 Na ibeʼe Lowalangi sindruhu waʼakayo awö harato ba zi samösa niha,+ ibeʼe göi ginötö ba worasoi faʼomuso dödö ba daʼö, sökhi na itema zulö* niha daʼö ba iʼomusoiʼö dödönia ba zi no iʼeregesi tödö. Buala Lowalangi daʼa.+
20 Lö iʼameʼegö tödö* waʼaurinia si no numalö, börö me iʼomusoiʼö dödönia Lowalangi sindruhu.+
Nisura ba gahe zura
^ Mazui ”waʼaombö-aombö dödö”.
^ Mazui ”denge-tenge”.
^ Sin.: ”ba narö luo”.
^ Sin.: ”ba narö luo”.
^ Mazui ”dana khönia”.
^ Mazui ”dana khönia”.
^ Mazui ”itörö tödönia”.
