Sanguhuku 17:1-13
-
Adu nifazökhi Mikha hegöi ere si no ifataro khönia (1-13)
17 So samösa ndra matua sotöi Mikha ba mbanua si so ba hili Geferai.+
2 Ifatunö khö ninania, ”Me luo daʼö no latagö khöu 1.100 ngawua firö ba no urongo me öʼelifi zanagö andrö. Sindruhunia yaʼodo zangai. Khögu so wirö daʼö.” Imane inania, ”Yaʼifahowuʼö ndraʼugö Yehowa onogu.”
3 Ifuli khö ninania wirö si 1.100 ngawua andrö, hizaʼi imane inania, ”Firö si so ba dangagu andre ubeʼe tobali sumange khö Yehowa. Baliʼö ia adu nitoto ba adu nifazökhi moroi ba loga.*+ Firö daʼö ufuli khöu iadaʼa.”
4 Me no ifuli Mikha khö ninania wirö daʼö, ihalö inania zi 200 ngawua firö ibeʼe ba duka wirö. Ifazökhi tobali adu nitoto ba adu nifazökhi moroi ba loga,* aefa daʼö ibeʼe ba nomo Mikha.
5 So sambua naha lowalangi adu khö Mikha. Ifazökhi nukha gere*+ awö terafi,*+ ifataro samösa* nononia matua tobali ere khönia.+
6 Me luo daʼö, lö hadöi razo ba ndraono Gizaraʼeli.+ Lafalua zatulö moloʼö famaigira zamösana.+
7 So samösa nono matua moroi ba Mbetilekhema+ ba Yehuda, si otarai ba nösi nomo Yehuda.+ Yaʼia niha Lewi si no ara toröi ba daʼö.
8 Mofanö ia moroi ba Mbetilekhema ba Yehuda ba wangalui nahiania. Ba wofanönia möi ia ba mbanua si so ba hili Geferai ba nomo Mikha.+
9 Manofu khönia Mikha, ”Hezo moroi ndraʼugö?” Imane, ”Yaʼodo niha Lewi si otarai Mbetilekhema ba Yehuda, sofanö ndraʼodo ba wangalui nahiagu.”
10 Imane khönia Mikha, ”Ba daʼa manö iagö khögu, yatobali ndraʼugö sanuturu lala* ba ere khögu. Ubeʼe khöu fulu ngawua wirö ero röfi, safasa nukha awö mbalazo.” Möi yomo niha Lewi andrö.
11 Fao dödö niha Lewi andrö toröi ia ba daʼö ba tobali hulö nononia matua nono andrö.
12 Lö ara, ifataro niha Lewi andrö Mikha tobali ere khönia+ ba toröi ia ba nomo Mikha.
13 Imane Mikha, ”Hasambalö wa ifahowuʼö ndraʼo Yehowa iadaʼa börö me no tobali ere khögu niha Lewi andrö.”
Nisura ba gahe zura
^ Mazui ”adu nifahele”.
^ Mazui ”adu nifahele”.
^ Mazui ”adu nösi nomo”.
^ Sin.: ”ifönui danga”.
^ Mazui ”efod”. Daʼa mbaru sebua si so tanö föna ba tanö furi.
^ Sin.: ”ama”.
