Sanguhuku 2:1-23
2 Mofanö malaʼika Yehowa+ moroi ba Giligala+ numalö ba Mbokhimi ba imane, ”No uheta ami moroi ba danö Miserai ba uʼohe ami ba mbanua si no ufabuʼu khö ndra tuami si no möido ba hölu.+ Noa göi uwaʼö, ’Lö irai ufawuʼa mbuʼusa ligu khömi.+
2 Ba yaʼami, tebai fawuʼu li ami ba soi daʼa,+ ba lö tola löʼö midudugö naha wanunu sumange khöra.’+ Hizaʼi, lö miʼoʼö ligu.+ Hana wa mifalua zimane daʼa?
3 Daʼö mbörö wa uwaʼö, ’Lö ufofanö ira fönami.+ Tobali tandrawa ira khömi,+ ba ifaelungu ami lowalangira.’”+
4 Me iwaʼö daʼö malaʼika Yehowa andrö ba ndraono Gizaraʼeli, labörögö weʼe si fao faʼadöʼu-döʼu.
5 Andrö wa lafotöi naha daʼö Bokhimi.* Ba daʼö labeʼe zumange nitunu khö Yehowa.
6 Me ifarou ndraono Gizaraʼeli Yosua enaʼö mofanö ira, numalö ira ba danö ondröita khöra zamösana ba worabu soi daʼö.+
7 Lö laböhöli iraono Gizaraʼeli wamosumange Yehowa sagötö faʼauri Yosua, ba sagötö faʼauri ndra sondröniaʼö me no aefa Yosua si no mangila tandra sahöli-höli dödö nifalua Yehowa ba Gizaraʼeli.+
8 Aefa daʼö, mate Yosua ono Nuni, enoni Yehowa andrö. Döfinia me mate ia 110 fakhe.+
9 Lakoʼo ia ba danö ondröita ba Dimenata-zera,+ ba mbanua si so ba hili Geferai, tanö yöu Hili Gasi.+
10 Ba gafuriata, teʼorudugö fefu niha si sagötö andrö khö ndra tuara.* Niha si sagötö aefa daʼö lö aboto ba dödöra Yehowa mazui nifaluania ba ndraono Gizaraʼeli.
11 Lafalua zi lö sökhi iraono Gizaraʼeli föna Yehowa ba lafosumange* Mbaʼali.+
12 Faröi ira khö Yehowa, Lowalangi ndra tuara sangeheta yaʼira moroi ba danö Miserai.+ Laʼoʼö lowalangi soi böʼö ba zi fasuira+ ba mangalulu ira ba daʼö irege afökhö dödö Yehowa.+
13 Laröi Yehowa ba lafosumange Mbaʼali hegöi adu Gasaroti.+
14 Mofönu sibai Yehowa ba ndraono Gizaraʼeli, irege ilulu ira ba danga zamakao yaʼira.+ Ifamawa ira ba danga zi faʼudu khöra ba zi fasuira+ ba lö khöra faʼabölö wolawa si faʼudu khöra.+
15 Gofu hezo so möi ira, ilawa ira tanga Yehowa irege göna ira abula dödö,+ itörö niwaʼö Yehowa simane hölu Yehowa khöra.+ Lua-luania, abu sibai dödöra.+
16 Börö daʼö, ifataro zanguhuku khöra Yehowa ba wangefaʼö yaʼira moroi ba danga zamakao.+
17 Hizaʼi, lö lafondrondrongo li ndra sanguhuku. Lafosumange* ba mangalulu ira khö lowalangi tanö böʼö. Alio sibai faröi ira moroi ba lala nitörö ndra tuara soloʼö oroisa Yehowa.+ Tenga simane nifalua ndra tuara nifaluara.
18 Ero ifataro khöra zanguhuku Yehowa,+ fao Yehowa khö zanguhuku andrö ba wangefaʼö yaʼira moroi ba danga zi faʼudu sagötö faʼauri zanguhuku andrö. Ahakhö dödö* Yehowa+ me mangarö-ngarö ira börö wamakao ba fanandraigö salua khöra.+
19 Me no mate zanguhuku andrö, ifuli zui lafalua zi lö sökhi si töra moroi khö ndra tuara, lafosumange ba mangalulu ira ba lowalangi böʼö.+ Abeʼe högöra ba lö laböhöli gamuatara.
20 Lua-luania, mofönu Yehowa ba ndraono Gizaraʼeli+ ba imane, ”Börö me no lasawö mbuʼusa ligu soi andre,+ si no ufabuʼu khö ndra tuara ba lö laʼoʼö niwaʼögu,+
21 ba samösa lö ufofanö fönara soi si toröi me no mate Yosua.+
22 Ba daʼö oroma hadia lö faröi ndraono Gizaraʼeli ba woloʼö niwaʼö Yehowa+ simane ira tuara me föna.”
23 Itehegö Yehowa so manö soi daʼö. Lö iʼanemaiʼö ifofanö ira ba lö ibeʼe ira ba danga Yosua.
Nisura ba gahe zura
^ Eluahania ”Niha Sege-ege”.
^ Eluaha wehede daʼa yaʼia daʼö faʼamate.
^ Mazui ”mangalulu ira khö”.
^ Mazui ”Lalau mohorö”.
^ Mazui ”Maniasa”.
