Sanguhuku 5:1-31
5 Me luo daʼö, manunö+ Debora+ hegöi Baraki+ ono Gabinoa,
2 ”Börö me latehegö ladudu mbura iraono Gizaraʼeli,Börö me no aoha gölöra,+Misuno Yehowa!
3 Mifondrondrongo yaʼami razo! Mibeʼe mbörö dalingami ira samatörö!
Manunö ndraʼo khö Yehowa.
Usuno* Yehowa+ Lowalangi ndraono Gizaraʼeli+ si fao sinunö.
4 He Yehowa, me mofanö ndraʼugö moroi ba Zeʼira,+Me mofanö ndraʼugö moroi ba mbanua Gedomo,Modögö danö, ba alua deu moroi ba mbanua si yawa,Ba aduwa nidanö moroi ba lawuo.
5 Adudu* hili-hili föna Yehowa,+Adudu Hili Zinaʼi föna Yehowa+ Lowalangi ndraono Gizaraʼeli.+
6 Ba götö Zamigaro+ ono Ganata,Ba götö Yaʼela,+ lö niha sanörö lala;Latörö lala tanö böʼö niha sato.
7 Lö hadöi saʼae niha ba mbanua Gizaraʼeli;Lö hadöi yaʼira irege tohare ndraʼo, yaʼodo Debora,+Irege tohare ndraʼo tobali ina ba Gizaraʼeli.+
8 Lafili khöra lowalangi si bohou;+Ba alua wasuwöta ba mbawa göli.+
Lö hadöi baluse hegöi toho,Ba gotalua zi 40.000 ndraono Gizaraʼeli.
9 No fao dödögu khö ndra kumandru Gizaraʼeli,+Sanehegö faʼaurira si fao ba niha sato.+
Misuno Yehowa!
10 Yaʼami si fakudo ba hulu galide,*Yaʼami si dadao ba karpet sebua böli,Ba yaʼami sanörö lala sebua,Miʼangeragö daʼa!
11 Terongo ba mbaʼa nidanö li niha sanaʼu idanö ö gurifö;Latutunö gamuata Yehowa si sökhi,Amuata si sökhi nifalua nono mbanua Gizaraʼeli.
Ba möi mitou nono mbanua Yehowa ba mbawa göli.
12 Faoso yaʼugö Debora,+ faoso!
Faoso ba anunö!+
Ozizio, yaʼugö Baraki!+ Ohe zawuyumö, yaʼugö ono Gabinoa!
13 Niha si lö göna faʼamate laʼondrasi duhenöri;Möi khögu nono mbanua Yehowa ba wolawa udu sabölö.
14 Tohare niha si so ba ndraso moroi ba Geferai,Laʼoʼö nono mbanuamö, yaʼugö Beniami.
Moroi ba Makhiri+ möi mitou ndra kumandru,Ba moroi ba Zebuloni, niha sangowuloi saradadu.*
15 Fao ndra sondröniaʼö ba Gisasari khö Debora.
Simane Isasari simanö göi Mbaraki.+
Lafatenge ia ba ndraso wanörö tanö.+
Aombö-aombö dödö mado Rubeno.
16 Hana wa modadao ndraʼugö ba gotalua zi dombua bola-bola nifasa ba hulu kudo,Ba wamondrongo surune nifoli ba gurifö?+
Aombö-aombö dödö mado Rubeno.
17 Lö tebulö toröi Gileadi yefo Nungo Nidanö Yoridano;+Hana wa ihonogö manö ia Dano ba göfa?+
Modadao Gaseri ba zinga nasi;Toröi ia ba labua göfa khönia.+
18 Latehegö nosora niha Zebuloni ba arakhagö mate ira;Simanö göi Nafetali+ ba hili-hili.+
19 Tohare ndra razo ba fasuwö ira;Fasuwö ndra razo Ganaʼana+Ba Daʼanakhi, sahatö ba Megido,+Lö larabu gama-gama mazui firö.+
20 Fasuwö ndröfi moroi ba mbanua si yawa;Moroi ba dalu mbanua lalawa Zisera.
21 Ahani ira ba Nungo Nidanö Kizono,+Ungo Nidanö Kizono si no so iʼotarai mböröta.
Öhundra-hundra nudumö sabölö, yaʼugö nosogu.*
22 Mondröndrö ba danö gahe kudoAbölö fagohi kudonia ba wasuwöta.+
23 ’Elifi Merosi,’ iwaʼö malaʼika Yehowa,’Elifi nono mbanuania,Si lö fao ba wanolo Yehowa,Ba wanolo Yehowa si fao khö ndra saradadu sagabölö.’
24 Yatefahowuʼö Yaʼela+Foʼomo Heberi,+ niha Geni;Tefahowuʼö ia töra moroi khö ndra alawe si so ba nose.
25 Idanö niʼandrö Zisera; susu nibeʼenia.
Ba mako si sökhi ibeʼe önia susu si baku.+
26 Ihalö faoma tangania daru-taru nose,Tangania kambölö zangai fanoko.
Ibözi Zisera, iboto högö,Irasa ba isika dangi-dangi.+
27 Alabu tou Zisera ba gahenia, tegaölö ba lö maliwa;Tegaölö ia tou ba gahenia;Ba gamaudu zalabu ia ba daʼö mate ia.
28 Samösa ndra alawe samaigi moroi ba zandrela,Ifaigi ina Zisera moroi ba zara-zara zandrela,’Hana wa lö iʼila tohare gureta wasuwöta?
Hana wa lö terongo wendröndrö gahe kudo wasuwöta?’+
29 Latema linia ira alawe nifosumange;Ba lö ibato wehede ina Zisera,
30 ’Te awena labagi-bagi gama-gama si no larabu,Samösa mazui darua nono alawe ero samösa saradadu,Khö Zisera nukha nirabu solaʼa-laʼa,Sambua nukha nisoso, nukha nifolaʼa-laʼa, dombua nukha nisosoNibeʼe ba mbagi zorabu.’
31 Yatehori fefu nudumö,+ he Yehowa,Ba niha sangomasiʼö yaʼugö, yamohaga simane haga luo.”
Lasöndra waʼohahau dödö ba zi 40 fakhe waʼara.+
Nisura ba gahe zura
^ Mazui ”Ufoli musik khö”.
^ Mazui te ”Modögö”.
^ Mazui ”galide soroyo-royo”.
^ Mazui te ”niha sangehenaigö gama-gama wanura”.
^ Faigi Geluaha Ngawua Wehede.
