Khö Dito 2:1-15
2 Ba yaʼugö, böi böhöli wamatunö famahaʼö si tefaudu ba zindruhu.+
2 Ira matua si no alawa döfi enaʼö sangila mamatörö lala waʼaurinia, sangodödögö halöwö si sökhi, si so fangera-ngera si sökhi, saro ba wamati, faʼomasi hegöi ba waʼanau gölö.
3 Simanö göi ndra alawe salawa döfi enaʼö sangataʼufi Lowalangi, lö mamöbögö si lö duhu, tenga samadu-madu tuo, hizaʼi samahaʼö si sökhi,
4 enaʼö laʼila laʼamenesi* ndra alawe si bohou muhalö ba wangomasiʼö foʼomora ira matua, ba wangomasiʼö iraono,
5 si so fangera-ngera si sökhi, sohau-hau, sowölö-ölö wangai halöwö ba nomo, soloʼö li woʼomonia+ enaʼö lö teʼoʼaya daromali Lowalangi.
6 Simanö göi, amenesi nono matua enaʼö laʼokhögö wangera-ngera si sökhi,+
7 yatobali ndraʼugö duma-duma ba gamuata si sökhi ba ngawalö hadia ia. Törö zindruhu ba wamahaʼö ba falua soroi ba dödö,+
8 ogunaʼö wehede si möi famarou dödö ba si tebai ladaʼawaini,+ enaʼö aila zanandrawaisi yaʼita börö me lö hadöi amuata si lö sökhi niböbögöra khöda.+
9 Farou dödö niha si möi sawuyu enaʼö laʼoʼö li zokhö yaʼira,+ laʼodödögö ba wangomusoiʼö tödönia ba lö molawa ira,
10 lö managö,+ laforomaʼö wa tola lafaduhusi tödö ira, enaʼö tola tefolakhömi wamahaʼö Lowalangi Sangorifi yaʼita ba ngawalö hadia ia.+
11 No oroma waʼasökhi dödö sebua* moroi khö Lowalangi, ba daʼö zangorifi fefu niha.+
12 Ifahaʼö ita wolawa si lö sökhi si fatuwu khönia, tatimbagö gisö-isö dödö ba gulidanö,+ taʼokhögö wangera-ngera si sökhi, faʼatulö, ba famosumange Lowalangi soroi ba dödö ba gotalua niha gulidanö ba götö* daʼa,+
13 tadöna-döna waʼalua dötönafö si möi fangomuso dödö,+ ba tabaloi hewisa na oroma lakhömi Lowalangi Fondrege Zalawa ba lakhömi Yesu Keriso Sangorifi yaʼita,
14 sameʼe faʼaurinia+ ba wangöhöli* yaʼita+ moroi ba horö, ba samohouni enaʼö tobali ita ono mbanuania sowölö-ölö ba wamalua si sökhi.+
15 Böi böhöli wamatunö daʼa si fao mene-mene* ba fanegu, börö me no tebeʼe khöu kuaso ba wamalua daʼö.+ Böi tehegö na so zangosiwawöi yaʼugö.
Nisura ba gahe zura
^ Mazui ”lafahaʼö”.
^ Faigi Geluaha Ngawua Wehede.
^ Faigi Geluaha Ngawua Wehede.
^ Mazui ”wangefaʼö”.
^ Mazui ”si fao famarou dödö”.