Khö Dito 3:1-15
3 Böi böhöli wamasugi ba dödöra enaʼö laʼoʼö ba lafondrondrongo li ndra samatörö hegöi sondröniaʼö,+ lafalua halöwö si sökhi,
2 lö laʼobousi niha, lö omasi faʼudu, lö fatandro,+ lahaogö-haogö manö ba niha.+
3 Me mböröta, lö khöda faʼaboto ba dödö, lö foloʼö, elungu, iʼosawuyu ita isö-isö dödö hegöi faʼomasi ba wamalua horö, famalua si lö sökhi ba faʼafökhö dödö, niʼogorofi, ba faoma fatiu dödö.
4 Hizaʼi Lowalangi Sangorifi yaʼita,+ iforomaʼö waʼasökhi dödö ba faʼomasi ba niha,
5 tenga börö gamuata si sökhi nifaluada,+ hizaʼi börö waʼahakhö dödönia.+ Isasai ba iʼefaʼö ita enaʼö tatema waʼauri+ ba iʼehaogö ita börö waʼabölö geheha niʼamoniʼö.+
6 Lö iʼatalisi* wameʼe khöda eheha niʼamoniʼö andrö ba khö Yesu Keriso Sangorifi yaʼita,+
7 irege ifotöi ita satulö börö waʼasökhi dödönia sebua,*+ tola tobali ita sanema ondröita+ faʼauri si lö aetu si tefaudu ba nidöna-dönada.+
8 Tola tafaduhusi tödö wehede andrö, ba omasido na lö öböhöli wangabakhaiʼö fehede daʼö enaʼö dozi si faduhu tödö khö Lowalangi lö mangoloi gera-erara ba wamalua si sökhi. Sökhi daʼa ba moguna ba niha.
9 Hizaʼi, böi faogö ndraʼugö ba wamadöni si lö eluaha hegöi fanutunö ngaʼötö, mazui faʼudusa ba fatötöisa ba Goroisa Moze, börö me si lö guna daʼö ba zaya-zaya gölö.+
10 Na so zamahaʼö si faböʼö+ ba me no dua kali öfangelama ia,+ böi fahuwu khönia,+
11 no iʼerogö zindruhu niha simane daʼö, samazökhi horö, ba no ihuku ia samösa.
12 Me ufatenge khömi Aritema mazui Tikhiko,+ miʼodödögö wamalukhaisi yaʼo ba Nikofoli, börö me no uhalö gangetula toröi ndraʼo ba daʼö sagötö mbaŵa deu.
13 Mihenaigö fefu zoguna khö Zena sonekhe ba Goroisa Moze hegöi Afolo enaʼö lö soʼamböta ira ba lala.+
14 Yaʼami ira talifusö, datafahaʼö ita ba wamalua si sökhi enaʼö tola latolo na so gabula dödö saösö+ irege tedou ira ba wamalua si sökhi.+
15 Fefu zi fao khögu laʼowai ndraʼugö. Faʼema wangowaigu khö ndra talifusöda si sara lala wamati sangomasiʼö yaʼaga.
Yamitema waʼasökhi dödö sebua* moroi khö Lowalangi.
Nisura ba gahe zura
^ Mazui ”Oböwö ia”.
^ Faigi Geluaha Ngawua Wehede.
^ Faigi Geluaha Ngawua Wehede.
