Yeremia 47:1-7
-
Famaʼeleʼö sanandrösa ba niha Wilisiti (1-7)
47 Daʼa niwaʼö Yehowa khö Yeremia samaʼeleʼö sanandrösa ba niha Wilisiti+ fatua lö möi Waraʼo ba wokalaisi banua Gaza.
2 Imane Yehowa:
”Faigi nidanö andrö si tohare moroi yöu!
Mangele ia simane molö sebua,Inönöi fefu danö awö nösinia,Alömö mbanua sebua hegöi niha si toröi ba daʼö.
Moʼira-ira fefu niha,Ba ebua li nono mbanuania wege-ege.
3 Me larongo wendröndrö gahe kudo,Awö ruru-ruru gureta wasuwöta,Hegöi ferara gaolo-gaolonia,Lö mangawuli furi ndra ama ba wanolo iraonoraBörö waʼataʼura.
4 Ba ngaluo daʼö dania, mate fefu niha Wilisiti,+Irege lö hadöi saʼae sanolo Diro+ awö Zidona,+Börö me Yehowa dania zamunu niha WilisitiSi tosai moroi ba Hulo Gafatori.*+
5 Batule* dania mbanua Gaza.
Teduhö mbawa Gasekalo.+
He yaʼami si toröi ba ndraso andrö khöra,Hawaʼara mibato ba wogoi botomi?+
6 Alai ndraʼo wöda Yehowa!+
Hawaʼara tö öböhöli?
Fuliʼö ba zaembumö.
Olombase ba honogöʼö.
7 Hewisa wa tebato wöda andröNa Yehowa zangumaʼö khönia?
No ibeʼe khönia halöwöBa wanuwö Asekalo awö zinga nasi andrö.”+
Nisura ba gahe zura
^ Eluahania Kereta.
^ Eluahania ahori latöwö mbu högöra börö waʼaila ba faʼabu dödö.
