Yesaya 12:1-6
12 Ba ngaluo daʼö, hasambalö mimane,
”Saohagölö Yehowa,Hewaʼae mofönuʼö khögu,Hizaʼi, no alö wönumö, ba no örara dödögu.+
2 Lowalangi andrö ba no fangorifigu.+
Faduhu dödögu khönia ba lö khögu faʼataʼu;+Börö me no faʼabölögu Yehowa* ba no folumöʼögu Yehowa;No iʼorifi ndraʼo.”+
3 Mitaʼu dania nidanö si fao faʼomuso dödöMoroi ba gumbu nidanö fangorifi.+
4 Ba ngaluo daʼö, hasambalö göi mimane,
”Miʼandrö saohagölö khö Yehowa, miʼangaröfili döinia,Mitutunö gamuatania ba ngawalö soi misa!+
Ba miʼombakhaʼö wa molakhömi sibai döinia andrö.+
5 Miʼanunö* khö Yehowa+ ba ngawalö zahöli-höli dödö si no ifalua.+
Mifatunö daʼö ba zi sagörö ulidanö.
6 He yaʼami ono* mbanua Ziona, miʼao ba miʼomusoiʼö dödömi,Börö me so ba gotaluami Niʼamoniʼö andrö, Lowalangi ndraono Gizaraʼeli.”
Nisura ba gahe zura
^ Sin.: ”Ya”. Daʼa döi Yehowa si no muʼadogoiʼö.
^ Mazui ”Mifoli musik”.
^ Sin.: ”iraono alawe”.