Yesaya 16:1-14
-
Tohu-tohu turia fanguhuku ba Moabi (1-14)
16 Faʼoheʼö nono mbiri-biri si matua khö zamatörö soi andrö,Iʼotarai Zela, nifatörö ba danö si mateBa hili mbanua* Ziona.
2 Simane fofo soloi ba gazuninia,+Simane daʼö nono mbanua* Moabi ba nahia wangötö nidanö ba Nungo Nidanö Garono.+
3 ”Beʼe degu-degu ba falua wanguhuku.
Ba zi laluo, baliʼö lumö-lumöu simane si bongi.
Biniʼö niha si no muzawili ba böi tobali ndraʼugö si manga mböli ba niha soloi.
4 He yaʼami Moabi, tehegö toröi niha si no tefabali andrö ba nahamö.
Yatobali ami naha waminiʼö khöra moroi ba wamakiko.+
Aekhu tou zamakao andrö,Tehori dania wamakiko,Ba lö saʼae niha sohundra-hundra awönia niha ba gulidanö andre.
5 Tefasindro dania dadaoma saro si fao faʼomasi si lö faröi.
Lö faröi dania niha si dadao ba daʼö ba nose Dawido;+Ifalua wanguhuku satulö ba iʼanemaiʼö ifalua zatulö.”+
6 No marongo sanandrösa ba wayawasa, faʼasiliyawa, ba fönu Moabi andrö+Sindruhu-ndruhu wa asiliyawa sibai ia;+Hizaʼi, si lö eluaha fefu niwaʼönia.
7 Iʼeʼesi ia dania Moabi;Laduhugö wege-ege.+
Dozi nihuku, oi mangarö-ngarö ira ba ginötö latörö tödöra kue nifaruka bua nagu moroi ba Giri-hareseti.+
8 Oköli dania kabu Hesibona,+Aleu danömö nagu Zibema.+
Ira samatörö ba ngawalö soi dania zohundra-hundra dahania soyo,*Si no irugi banua Yaʼezeri,+Ba sofeta ba danö si mate.
No ofeta ba nasi ndrahania me mböröta.
9 Daʼö mbörö wa uʼeʼesi dania danömö nagu Zibema simane fangeʼesigu Yaʼezeri.
He yaʼugö Hesibona awö Geleale,+ uhawui ami dania faoma tawa hörö,Börö me no tebato waʼomuso dödömi ba mbaŵa waʼamowua zinanö hegöi ba mbaŵa wamasi.*
10 No saʼae taya waʼomuso dödö ba faʼohahau dödö ba kabu zinanö,Lö hadöi sinunö faʼomuso dödö ba faʼiki-iki ba kabu nagu.+
Lö hadöi saʼae sohundra-hundra agu ba naha wamera agu,Börö me yaʼo samösa zombatogö faʼiki-iki andrö.+
11 Daʼö mbörö wa modögö dödögu khö Moabi,+Simane sinali harafa si no mutika,Ba lö sökhi-sökhi bakha dödögu börö Giri-hareseti.+
12 Hewaʼae no iforege sibai Moabi weʼamöi ba naha wamosumange* ba mangandrö ia ba naha niʼamoniʼö khönia, zaya-zaya gölö fefu daʼö.+
13 Daʼö niwaʼö Yehowa me mböröta sanandrösa khö Moabi.
14 Iadaʼa, imane Yehowa, ”Ba zi tölu fakhe, simane faʼara wohalöwö niha si manga gazi, tobali famaʼiki niha dania lakhömi Moabi börö ngawalö zalua khönia. Lö ato dania zi toröi ba daʼö ba lö khöra faʼabölö.”+
Nisura ba gahe zura
^ Sin.: ”nono alawe”.
^ Sin.: ”nono alawe”.
^ Mazui ”safönu bua nagu soyo”.
^ Mazui te ”Börö me no terongo höngö-höngö wasuwöta ba mbaŵa waʼamowua zinanö hegöi ba mbaŵa wamasi”.
^ Sin.: ”nahia salawa”.
