Yesaya 17:1-14
17 Daʼa duria wanguhuku si göna Ndramaseko:+
”Hiza! Tenga saʼae banua sebua dania Ndramaseko,Tobali adudula ia.+
2 Laröi dania mbanua Naroeri;+Ba tobali ia nahia wemörö gurifö,Lö hadöi sametaʼu yaʼira.
3 Taya saʼae dania mbanua si no mufasui öli ba Geferai,+Ba taya wamatörö ba Ndramaseko;+Lakhömi niha si toröi ba danö Ziria,Hulö lakhömi ndraono Gizaraʼeli dania,” iwaʼö Yehowa samatörö saradadu zorugo.
4 ”Ba ngaluo daʼö, alö lakhömi Yakobo,Ba afuo dania mbotonia sonagole.
5 Amaedola mbenua dania Yakobo ba Ndraso Refaʼi,+Si no aefa mubasi bua,Ba hatö maʼifu tö zi toröi si tola muʼozaragö.
6 Hatö sagatoru ba danö zi toröi,Simane na no aefa laböbözi döla geu zaitu:
Ha dombua mazui tölu ngawua mbua zaitu sasoso si so ba mbalö ndrahania,Ha öfa mazui lima ngawua zi so ba ndrahania sowua,”+ iwaʼö Yehowa Lowalangi ndraono Gizaraʼeli.
7 Ba ngaluo daʼö, ifaöga högönia niha ba wamaigi Somböi yaʼia, ba itöngö dania Niʼamoniʼö andrö Lowalangi ndraono Gizaraʼeli.
8 Lö saʼae ifaigi naha wanunu sumange andrö+ nifazökhi dangania,+ ba lö itöngö gomböila dangania yaʼia daʼö döla-döla niʼamoniʼö* mazui naha zumange somuhua.
9 Ba ngaluo daʼö, tobali dania simane atua si lö niha-niha mbanuania si no mufasui öli,+Simane daha si no muröi föna ndraono Gizaraʼeli;Ba tobali dania ia tanö soköli.
10 No öʼolifugö Lowalangi sangorifi yaʼugö;+Lö saʼae itörö tödöu Gowe Saro andrö,+ baʼa-baʼau.
Daʼö mbörö wa öhaogö kabu si sökhi,*Ötanö ba daʼö liwiö niha baero.*
11 Ba zi maʼökhö, öhaogö wokölini sinanö nitanöu,Ba zihulö wongi öfatumbuʼö liwiönia,Hizaʼi, tebai öbasi zinanö andrö ba ginötö mofökhöʼö, börö me tebai tefadöhö wökhömö andrö.+
12 Fondrondrongo! So höngö-höngö niha sato,Hulö simane feʼugu-ugu nasi!
So waʼakaliru ba ngawalö soi,Hulö simane goso-goso nidanö sabölö-bölö!
13 Hulö goso-goso nidanö sabölö-bölö waʼakaliru ngawalö soi.
Mofönu ia khöra, ba moloi ira ba zaröu,Lakila woloi hulö simane uliho si so ba hili, si hombo ba nangi,Simane duʼu sodoi niʼoloiʼö nangi.
14 So waʼataʼu ba zi bongi.
Lö saʼae yaʼira fatua lö moluo.
Daʼö zalua ba niha sorabu yaʼitaBa urakha niha sorabu yaʼita.
Nisura ba gahe zura
^ Faigi Geluaha Ngawua Wehede.
^ Mazui ”kabu omasiö”.
^ Mazui ”moroi khö lowalangi böʼö”.
