Yesaya 20:1-6
-
Tandra ba niha Miserai hegöi ba niha Gaitiofia (1-6)
20 Ba ndröfi me mamatörö Zarago razo Asiria, ifatenge Daratano* ba Gasoto+ ba wolawa banua daʼö ba irabu.+
2 Me luo daʼö, fahuhuo Yehowa khö Yesaya+ ono Gamosi, ”Ofanö, heta nukha goni ba löwi-löwimö hegöi sandralamö.” Ifalua daʼö, mofanö ia lö nukha* ba lö sandrala.
3 Aefa daʼö imane Yehowa, ”Hulö simane enonigu Yesaya andrö, mofanö ia lö nukha ba lö sandrala sagötö ba zi tölu fakhe, si tobali tandra+ hegöi famangelama ba niha Miserai+ awö ba Gaitiofia,+
4 simane daʼö göi wolohe razo Asiria niha Miserai niʼoloiʼö+ awö niha Gaitiofia niʼohe ba waniboʼö, iraono hegöi satua. Mofanö ira lö nukha, lö sandrala ba lö balu-balu doyora. Teʼailasi dania* niha Miserai.
5 Ataʼu ira ba aila, börö Gaitiofia andrö tötönaföra ba börö Miserai nisuno-sunora.*
6 Ba luo daʼö, lamane niha si so ba zinga nasi, ”Faigi atö hadia zalua ba dötönaföma andrö; fagohi ndraʼaga ba wangandrö fanolo khönia enaʼö iʼefaʼö ndraʼaga ba danga razo Asiria! Iadaʼa, hewisa wa tola iʼefaʼö ndraʼaga?’”
Nisura ba gahe zura
^ Mazui ”gumandru zaradadu”.
^ Mazui ”hatö ono zarewa”.
^ Mazui ”Simane daʼö dania na laheta nukha”.
^ Mazui ”börö me ahöli-höli dödöra ba waʼabaga-bagania”.
