Yesaya 28:1-29
28 Alai ndraʼugö takula* nisuno-suno* zi mabu andrö moroi ba Geferai.+
Ha bunga sarakhagö aleu gama-gamaniaBa zuzu ndraso satabö sinanö, naha niha si mabu-mabu!
2 Hiza! Ifatenge Yehowa samösa zabölö ba si lö faʼataʼu.
Iʼabölökö wamazaumba ba gulidanö,Simane teu esi sabölö-bölö si fao gari mbanua sanudugö,Simane molö sebua soʼugu-ugu.
3 Muhundra-hundra dania+Dakula nisuno-suno* zi mabu andrö moroi ba Geferai.
4 Bunga sarakhagö aleu si tobali gama-gamania,Si so ba zuzu ndraso satabö sinanö andrö,Tobali dania simane bua ara siföföna fatua lö tohare mbaŵa lökhö.
Niha sangila yaʼia hasambalö lateu ba latölö.
5 Ba luo daʼö, tobali takula solakhömi Yehowa samatörö saradadu zorugo andrö hegöi gama-gama si sökhi si so ba högö nono mbanuania si toröi.+
6 Ibeʼe dania waʼatulö khö ndra sangetuʼö huku. Tobali ia umbu waʼabölö ba niha samofanö udu si möi manuwö ba mbawa göli.+
7 Elungu ndra ere hegöi samaʼeleʼö börö nagu;Mangole-ngolea wofanöra börö nagu.
Elungu ndra ere hegöi samaʼeleʼö börö duo;Lö tatu wangera-ngerara börö nagu,Mangole-ngolea wofanöra börö duo;Angilata si no latema zamaelungu yaʼira,Ba lö lafalua wanguhuku si sökhi.+
8 Fefu meza ba no anönö uta si taʼunö;Sambua lö nahia si lö taʼunö.
9 Lamane, ”Haʼökhö ibeʼe waʼaboto ba dödö,Ba haʼökhö itutunö duria andrö?
Hadia simane iraono ndraʼaga sawena aefa mamaenu,Sawena aefa ba mbagi zusu?
10 Börö me iwaʼö, ’Oʼö fareta daʼa, oʼö fareta daʼö,Oʼö zi no mufakhoi andre, oʼö zi no mufakhoi andrö,*+Nehegö daʼa, nehegö daʼö.’”*
11 Fahuhuo ia ba soi daʼa iʼogunaʼö niha si no tobaʼa lela hegöi sangogunaʼö li böʼö.+
12 No irai iwaʼö khöra, ”Daʼa nahia wolombase. Yamolombase niha serege tödö; daʼa nahia wangokafu dödö.” Hizaʼi, lö omasi ira lafondrondrongo.+
13 Daʼö mbörö wa alua khöra niwaʼö Yehowa andre:
”Oʼö fareta daʼa, oʼö fareta daʼö,Oʼö zi no mufakhoi andre, oʼö zi no mufakhoi andrö,*+Nehegö daʼa, nehegö daʼö.”
Toböʼa ira furi me mowaö-waö ira,Mesokho ira, lafaʼala ba laraʼu.+
14 Andrö mifondrondrongo niwaʼö Yehowa, yaʼami niha sebua gambaoho,Samatörö ono mbanua Yeruzalema,
15 Börö me miwaʼö:
”No fawuʼu li ndraʼaga ba Waʼamate;+No mahalö wahasara dödö* ba Lewatö.*
Na alua molö sebua,Lö göna ndraʼaga daʼö,Börö me no malumöʼö ndraʼaga barö walimosaBa no mabiniʼö ndraʼaga ba waya-faya.”+
16 Daʼa niwaʼö Yehowa Lowalangi Fondrege Zalawa:
”Ba Ziona, ubeʼe gara si no tetandraigö tobali fondrasi,+Daʼö gara wondrasi saro+ si oföna ba sebua böli.+
Lö ataʼu niha samati khönia.+
17 Ubaliʼö sinali fanuʼa waʼatulö,+Ba ubaliʼö fanuʼa waʼaloʼo* zindruhu andrö.+
Tehori dania nahia wolumöʼö ba walimosa andrö,Ba ifönui idanö nahia mbini-mbini daʼö.
18 Muʼetuʼö wawuʼusa limi ba Waʼamate;Lö aro wahasara dödömi ba Lewatö.*+
Na alua molö sebua,Ahori tekiko ami.
19 Ero na alua molö,Daʼö dania zangohori yaʼami;+Alua daʼö ero sihulö wongi,Ba zi maʼökhö hegöi ba zi bongi.
Ha faʼataʼu zameʼe khöra faʼaboto ba dödö hadia zi no larongo.”*
20 Ambö anau naha wemörömi irege tebai mifadölö mbotomi;Ba no ide-ide nukha si no musoso irege tebai mibaliʼö ambalami.
21 Ifalua dania gohitö dödönia Yehowa simane ba Hili Mbaʼali-werasi;Mofanö ia simane ba ndraso sahatö ba Gibeona,+Enaʼö tola ifalua gamuatania, amuatania si lö irai ifalua ba zilalö,Ba tola ifalua halöwönia, halöwönia sahöli-höli dödö.+
22 Andrö, böi mangoʼaya ami+Enaʼö lö fandroli zinali wamöbö yaʼami,Börö me no urongo wa no ihalö gangetula Lowalangi Fondrege Zalawa, Yehowa samatörö saradadu zorugo andrö,Ba wangohori soi daʼö maʼafefu.*+
23 Beʼe mbörö dalingau ba fondrondrongo niwaʼögu;Töngöni ba fondrondrongo wehedegu.
24 Hadia lö iböhöli wamaku tanö niha sohalöwö ba danö,Ihaogö ba iboboto danö, hizaʼi lö irai ifazawili danömö zinanö?+
25 Me no aefa ifaloʼo dete danö andrö,Hadia lö ifazawili danömö jiro saitö hegöi jiro safusi,Ba itanö nasa gandru, sekoi hegöi barli ba nahia si no mutatugöi,Simanö göi gandru tanö böʼö*+ ba zinga hinölu?
26 Börö me no ifahaʼö* ia Lowalangi ba lala satulö;No ibeʼe khönia wanuturu lala Lowalanginia.+
27 Lö laböbörö jiro saitö ba wafa wamöbörö,+Ba lö laböbörö jiro safusi ba gaolo-gaolo goroba.
Hizaʼi, laböbözi jiro saitö faoma eu,Ba jiro safusi faoma siʼo.
28 Na laböbörö mbua nowi niʼogunaʼö ba wamazökhi roti,Lö lahundra-hundra manö daʼö sagötö faʼara;+Na lagili ia ba gaolo-gaolo goroba kudo,Lö ahori ohama.+
29 Moroi khö Yehowa samatörö saradadu zorugo fefu daʼö,Sindruhu-ndruhu wa sahöli-höli dödöda gohitö dödöniaBa ahöli-höli dödöda fefu nifaluania.*+
Nisura ba gahe zura
^ Mazui ”faʼasiliyawa; fangosebua”.
^ Te eluahania ibu kota, yaʼia daʼö Samaria.
^ Mazui ”faʼasiliyawa; fangosebua”.
^ Mazui ”Fatete manö zinali wanuʼa, fatete manö zinali wanuʼa”.
^ Ba wamaigi ira sondröniaʼö ba agama, turia nifaʼema Yesaya andrö hulö na mohede ba ndraono, si lö aetu fangumaʼö.
^ Mazui ”Fatete manö zinali wanuʼa, fatete manö zinali wanuʼa”.
^ Mazui te ”No matema gangilata si fagölö”.
^ Mazui ”Syeol”. Daʼa lewatö niha sato. Faigi Geluaha Ngawua Wehede.
^ Mazui ”mbua lot”.
^ Mazui ”Syeol”. Daʼa lewatö niha sato. Faigi Geluaha Ngawua Wehede.
^ Mazui te ”Na aboto ba dödöra, ha faʼataʼu nirasoira”.
^ Mazui ”ulidanö maʼasagörö”.
^ Ba li Heberaiʼo, daʼa gandru nitanö ba Miserai mböröta, ba ambö sökhi gandru daʼö.
^ Mazui ”itegu; ihuku”.
^ Mazui ”waʼatua-tuania”.
