Yesaya 3:1-26
3 Hiza! Yehowa samatörö saradadu zorugo, Lowalangi sindruhu,Itimbagö ngawalö wanolo ba Yeruzalema hegöi ba Yehuda,Iheta roti hegöi idanö,+
2 Niha sabölö awö ndra saradadu,Sanguhuku ba samaʼeleʼö,+ sanahö salua ba zi so miföna hegöi satua mbanua.
3 Kumandru zaradadu si 50,+ sondröniaʼö, sameʼe mene-meneSonekhe ba gelemu hegöi tuka waetasa.+
4 Ufataro ndraono side-ide ba wondröniaʼö yaʼira,Ba niha si lö tatu fangera-ngera zamatörö yaʼira.
5 Faoma lafakao nawöra niha,Lalawa nawöra ero samösa.+
Niha sawuyu-wuyu lalawa zatua,Ba niha niʼaohasi ba dödö ilawa niha nifosumange.+
6 Faoma lagogohe dalifusöra ero samösa ba nomo namania ba lamane,
”Ha yaʼugö zi so baru sebua. Börö daʼö, yatobali ndraʼugö samatörö yaʼaga.
Yaso barö wamatöröu gadudula andrö.”
7 Hizaʼi, iʼanemaiʼö itimbagö ba zi maʼökhö daʼö ba imane,
”Lö omasido ufadöhö* zokhomi;Lö hadöi ö hegöi nukha ba nomogu.
Böi baliʼö ndraʼo samatörö soi daʼa.”
8 No adudu Yeruzalema,No tegaölö Yehuda,Börö wehedera hegöi amuatara ba wolawa Yehowa;Omasi ira mamadaö föna Lowalangi solakhömi.+
9 Sikhalara zamaduhuʼö hewisa zindruhunia ira.
Simane banua Zodoma ira,+ laʼombakhaʼö horöra;Lö hadöi nibiniʼöra.
Alai ira börö me lafakiko samösa waʼaurira!
10 Fatunö ba niha satulö tödö wa si sökhi zalua khöra dania;Tefahowuʼö fefu nifaluara.*+
11 Alai zebua horö andrö!
Itörö ia famakao;Lafalua khönia zimane nifaluania ba niha böʼö!
12 Sanandrösa ba nono mbanuagu, lö sökhi gamuata ndra sondröniaʼö yaʼira,Ira alawe zamatörö yaʼira.
He yaʼami banuagu, ira sondröniaʼö yaʼami zamaelungu yaʼamiIrege lö miʼila hezo lala nitörömi.+
13 No ifaʼanö ia Yehowa ba wanguhuku;No mozizio ia ba wanguhuku ngawalö soi.
14 Yehowa dania zanguhuku ira satua mbanua awö ndra sondröniaʼö ono mbanuania.
”No mitunu fefu kabu nagu,Ba no mibeʼe ba nomomi fefu gama-gama si no mitagö ba niha si numana.+
15 Barani sibai ami ba wangohori ono mbanuaguBa mifakao niha si numana!”+ Daʼö niwaʼö Yehowa samatörö saradadu zorugo, Lowalangi Fondrege Zalawa.
16 Imane Yehowa, ”Börö ndraono alawe Ziona andrö sasiliyawa,No lafaöga mbawara wofanö,*Labunu höröra si tambai, lasahe-sahe wofanöra,Laforiti-riti gala gahera me mofanö ira,
17 Mogimö-gimö högö ndraono alawe Ziona andrö ibeʼe Yehowa,Batule högöra+ tanö föna ibeʼe Yehowa.
18 Ba luo daʼö, ihalö fefu gama-gamara Yehowa:
Aya gahe, böbö högö hegöi gama-gama si hulö mbaŵa desaʼa,+
19 Ati-ati, gala danga awö nöu,
20 Balu-balu högö, gala gahe, böbö löwi,Naha wanikha somuhua hegöi fatahana mboto,
21 Laeduru hegöi ati-ati nifasa ba nikhu,
22 Baru gowasa, baru tanö baero, baru sebua, tasi side-ide,
23 Sörömi tanga,+ nukha si sökhi,Balu-balu högö hegöi nöu.
24 Fangali wanikha famayoini+ andrö dania aböu oboula;Fangali mböbö löwi andrö dania sinali;Fangali mbu nindrandra andrö dania waʼabatule;+Fangali mbaru sebua böli andrö dania nukha goni;+Fangali waʼasökhi andrö dania laheto.
25 Si mate ba wöda ndra matua andrö khöu dania,Ba si mate ba wasuwöta niha sabölö andrö khöu.+
26 Mangarö-ngarö mbawa göli Ziona andrö si fao faʼabu dödö,+Ba modadao dania Ziona tou ba danö.+
Nisura ba gahe zura
^ Mazui ”ubalugö”.
^ Sin.: ”Laʼa sa dania mbua moroi ba nifaluara andrö”.
^ Sin.: ”No ladöni mbagira wofanö”.
