Yesaya 30:1-33
30 Imane Yehowa, ”Alai ndraono sagabeʼe högö,+Samalua ohitö dödöra si tenga nifakhoigu,+Samazökhi buʼusa li* si lö tefaudu ba gohitö dödögu,*Irege monönö horöra.
2 Lö manofu ira khögu*+ fatua lö möi ira ba Miserai,+Laʼalui wolumöʼö moroi khö Waraʼo,*Laʼalui wolumöʼö barö lumö-lumö Miserai!
3 Hizaʼi, tobali dania fangaila khömi wolumöʼö moroi khö Waraʼo,Ba tobali fangoʼaya khömi wolumöʼö moroi ba lumö-lumö Miserai.+
4 Ba Zoana+ so ndra sondröniaʼö,Ba no larugi Hanesi ira tenge-tenge.
5 Dozi ira dania teʼailasiBörö soi si lö moguna andrö,Si tebai mameʼe fanolo ba si lö mameʼe hare,Hizaʼi, ha fangaila ba fangoʼaya niʼasogöra.”+
6 Turia fanguhuku nitandrösaigö ba gurifö si so tanö raya:
Latörö danö si fahöna faʼatosasa ba fangabu dödö,Naha zingo, singo siʼao,Naha gulö, ulö si hombo sobiso,Laʼohe haratora ba hulu galide,Ba soguna khöra ba hulu gondra.
Hizaʼi, lö moguna daʼö fefu ba soi andrö.
7 Lö eluaha wanolo moroi ba Miserai.+
Ufotöi ia, ”Rakhaba*+ sanalagui balöduhinia.”
8 ”Ofanö, sura fefu gamakhoita andrö ba gara wanura sebua föna duduma höröra,Sura daʼö ba zi sambua buku,+Börö me moguna daʼö ba zi so fönaSi tobali famaduhuʼö sagötö faʼara.+
9 Yaʼira andrö soi samadaö,+ iraono somasi falimo,+Si lö mamondrongo oroisa* Yehowa.+
10 Lamane khö zangiʼila, ’Böi angiʼila saʼae,’
Ba khö ndra samaʼeleʼö, ’Böi faʼeleʼö gangilata sindruhu khöma.+
Waʼö manö wehede si sökhi; faʼeleʼö khöma gangilata faya.+
11 Miröi lala sindruhu; miholeʼö ami ba lala tanö böʼö.
Böi saʼae mitutunö khöma Niʼamoniʼö andrö Lowalangi ndraono Gizaraʼeli.’”+
12 Andrö wa imane Niʼamoniʼö andrö Lowalangi ndraono Gizaraʼeli:
”Börö me mitimbagö daromaligu,+Ba faduhu dödömi ba waʼatefuyu hegöi ba walimosa,Me no ba daʼö midöna-döna hadia ia.+
13 Sala andrö si no mifalua hulö dowa si no asila,Simane öli salawa si tedou faʼasila,Sadudu ba zi lö mudöna-döna.
14 Adudu daʼö simane bowoa tanö sebua,Arasa irege sambua lö hadöi akhökhölania si tola muʼogunaʼöBa wangai bo galitö moroi ba nawuMazui wangai idanö si no totane.”*
15 Daʼa niwaʼö Lowalangi Fondrege Zalawa sotöi Yehowa, Niʼamoniʼö andrö Lowalangi ndraono Gizaraʼeli:
”Na mifuli ami khögu ba lö mifalua hadia ia, hasambalö teʼorifi ami.
Na lö miböhöli waʼafaduhu dödö ba lö mangiwa dödömi, hasambalö abölö ami.”+
Hizaʼi, lö omasi ami.+
16 Aefa daʼö mimane, ”Moloi ndraʼaga ba matörö kudo!”
Miʼoloi na simanö.
”Maʼogunaʼö kudo sabölö alio!”+
Hizaʼi, abölö alio nasa zolohi yaʼami.+
17 Ataʼu niha si saribu ha börö wametaʼu zi samösa niha;+Moloi ami ha börö wametaʼu moroi ba zi dalima nihaTobali ami simane toga geu si ha sara si no mutaruʼö ba zuzu hili,Hulö simane döla mandrera ba dete hili.+
18 Hizaʼi, ebolo dödö Yehowa khömi ba wombaloi,+Ba ifalua daʼö ba wangoromaʼö faʼahakhö dödönia khömi.+
Börö me Yehowa andrö Lowalangi satulö.+
Dozi niha sanötöna khönia lasöndra waʼomuso dödö.+
19 Lö saʼae meʼe ndraʼugö+ na toröi soi daʼa ba Ziona, ba Yeruzalema.+ Hasambalö ahakhö dödönia khömi na miʼandrö wanolo. Me no irongo, iʼanemaiʼö itema.+
20 Hewaʼae ibeʼe khöu Yehowa gö ba waʼatosasa ba idanö ba wamakao,+ lö iholeʼö mbawania khöu Samahaʼö Fondrege zi Sökhi. Öʼila dania Zamahaʼö Fondrege zi Sökhi andrö.+
21 Na öholeʼö ndraʼugö ba gambölö mazui ba gabera,+ örongo li daʼa moroi furimö, ”Daʼa lala. Mitörö lala andrö.”+
22 Mitaʼunöisi nadu andrö khömi si no mifoʼuli anaʼa mazui firö.+ Mitiboʼö ia simane faniboʼö nukha mbalu-balu niʼogunaʼö ndra alawe safökhö talu ba mimane, ”Sogorö ita!”+
23 Ba ibeʼe deu ba danömö zinanö si no mitanö,+ ba iʼasogö tanö mbua zinanö soya.*+ Ba luo daʼö, manga dania gurifömi ba danö sebolo soduʼu.+
24 Sawi hegöi kalide niʼogunaʼö ba wamaku tanö, laʼa dania gö si sökhi* si no mufasafi ba guliho.
25 Ba ginötö alua wabunusa niha, me adudu malige salawa, so dania gelea nungo nidanö hegöi lala nidanö+ ba hili salawa awö ba hili-hili salawa.
26 Haga mbaŵa tobali simane haga luo, ba mewitu waʼabölö haga luo+ dania simane na orudu haga zi fitu ngaluo, ba ginötö ibalugö zokho* nono mbanuania Yehowa+ ba ifadöhö zokho sabölö-bölö börö wanguhukunia.+
27 Hiza! Tohare Yehowa* moroi ba zaröu,Si fao fönu sabölö-bölö ba lawuo saitö.
Afönu fanguhuku mbawania,Ba lelania no hulö hola-hola galitö si manga hadia ia.+
28 No amaedola nungo nidanö sabölö-bölö hanu-hanunia,* si falawa bagi,Ba wanafi ngawalö soi irege lö si toröi;Aekhu fefu soi ba lala selungu börö wesu si no mufasa ba zimbira.+
29 Hizaʼi, sinunömi hulu zinunö niʼanunöisi ba zi bongiBa ginötö mifaʼanö ami* ba wamalua owasa,+Ba omuso dödömi,Simane niha sofanö samoli suruneWeʼamöi ba hili Yehowa, Gowe Saro ba ndraono Gizaraʼeli.+
30 Ifarongogö linia sebua sibai+ andrö Yehowa,Ba möi mitou daʼionia+ ba wönunia sabölö-bölö,+Si fao hola-hola galitö si manga hadia ia,+Teu sabölö-bölö,+ teu angi ba teu kara.+
31 Ataʼu niha Asiria ba tokea ira me larongo li Yehowa;+Ibözi ira faoma siʼonia.+
32 Ero ifaligoi ziʼo fanguhuku andrö YehowaBa wamözi niha Asiria,Ba fao göi wamözi tamburu hegöi harafa,+Ifaligoi göi daʼionia ba wanuwö yaʼira.+
33 No mufaʼanö Dofeti*+ khönia;Mufaʼanö göi daʼö khö razonia.+
No ifaʼanö mbaho geu sabakha ba sebolo,Faoma alitö sebua ba eu soya.
Ikhozi dania ira faoma hanu-hanu YehowaSi hulö mbalera.
Nisura ba gahe zura
^ Sin.: ”ba gehehagu”.
^ Sin.: ”Samaduwa sumange nibadu”, te daʼö geluahania mamazökhi fahasara dödö.
^ Mazui ”Lö laʼandrö wanuturu lala moroi ba mbawagu”.
^ Sin.: ”ba göli Waraʼo”.
^ Faigi Geluaha Ngawua Wehede.
^ Mazui ”fanuturu lala moroi khö”.
^ Mazui te ”moroi ba mbaʼa”.
^ Sin.: ”sotawö ba sofanikha”.
^ Mazui ”si no mufolaru tanömö zinanö saisö”.
^ Mazui ”waʼatekiko”.
^ Sin.: ”döi Yehowa”.
^ Mazui ”gehehania niʼamoniʼö”.
^ Mazui ”miʼamoniʼö ami”.
^ Ngawua wehede ”Tofeti” ba daʼa muʼogunaʼö ba woʼamaedolagö nahia wanunu, eluahania faʼatekiko.
