Yesaya 31:1-9
31 Alai niha sangalui fanolo ba niha Miserai,+Sangodaligö kudo,+Si faduhu tödö ba gureta wasuwöta soya sibaiHegöi khö ndra saradadu si fakudo,Hizaʼi, lö manötöna ira khö Niʼamoniʼö andrö Lowalangi ndraono GizaraʼeliBa lö laʼalui Yehowa.
2 Ba yaʼia, ba no satua-tua, ifalua wamakao,Ba iʼoʼozui wehedenia.
Ilawa ngawawa niha si lö sökhiHegöi sanolo niha si lö sökhi.+
3 Niha Miserai andrö awöda niha, tenga Lowalangi;Kudora andrö urifö, tenga eheha.+
Gofu haniha zameʼe fanolo hasambalö manendre,Ba gofu haniha zanema fanolo hasambalö aekhu tou;Fao ira ba waʼatekikoNa iʼogunaʼö waʼabölönia* Yehowa.
4 Daʼa niwaʼö Yehowa khögu:
”Simane singo siʼao, singo sawuyu-wuyu ba sabölö ba wanarogö ahuluania,Lö khönia faʼataʼu me lakaoni ia ngawawa gubalo ba wamofanö yaʼia,Lö ataʼu ia ba liraMazui awuwu ia me muʼao ira,Simanö göi Yehowa samatörö saradadu zorugo andrö na möi ia mitou fasuwöBa Hili Ziona awö hili-hili andrö khönia.
5 Simane faʼalio wofo na muhombo, simane daʼö göi Yehowa samatörö saradadu zorugo ba wolumöʼö Yeruzalema.+
Iforege ba wondrorogö hegöi ba wanolo yaʼira.
Iʼefaʼö ba ibeʼe wangorifi.”
6 ”He yaʼami iraono Gizaraʼeli, mifuli ami khö Lowalangi. Lö khömi faʼaila me mamadaö ami khönia.+
7 Ba luo daʼö, mitiboʼö dania fefu nadu nifazökhimi moroi ba wirö si lö eluaha hegöi moroi ba ganaʼa si lö moguna, si tobali börö wa mifalua horö.
8 Mate niha Asiria ba mbawa wöda, hizaʼi tenga föda niha;Tenga föda niha zangohori yaʼira.+
Moloi ira moroi ba wöda andröBa tobali dania sawuyu ndraonora.
9 Mate dania niha si no amaedola göli kara khöra börö waʼataʼu,Ba ataʼu ndra sondröniaʼö yaʼira börö döla-döla mandrera andrö,” iwaʼö Yehowa,Sangokhögö alitö* ba Ziona ba sangokhögö naha wanunu sumange ba Yeruzalema.
