Yesaya 34:1-17
34 He yaʼami ngawalö soi, mifahatö ami ba wamondrongo,Ba mibeʼe mbörö dalingami.
Yaʼifondrondrongo ulidanö awö nösinia maʼafefu,Ba yaʼifondrondrongö tanö awö hadia ia zauri ba dete danö.
2 Börö me mofönu Yehowa ba ngawalö soi,+Ba abölö-bölö wönunia khö ndra saradadura,+Ihori ira;Ba ibunu ira fefu.+
3 Mutiboʼö dania niha si no mubunu,Ba numalö miyawa waʼaböu mboto zi mate;+Ba ombuyu* danö ba hili ba ndrora andrö.+
4 Obou fefu ndra saradadu zorugo,Ba mugölugö mbanua hulö na mugölugö zura.
Mate fefu ndra saradadu zorugo,Simane bulu lehu sangaruru moroi ba döla nagu,Ba simane bua ara soköli satoru moroi ba hogu.
5 ”Börö me afönu do wödagu ba zorugo.+
Ufalua wanguhuku ba Gedomo,+Börö me no uhalö gangetula ba wangohori yaʼira.
6 Yaʼo Yehowa, uʼokhögö wöda; ba afönu dania do wödagu andrö.
No ihawui ia tawö,+Safönu do nono mbiri-biri si matua hegöi nambi,Ba tawö mbua moroi ba mbiri-biri si matua.
Börö me Yehowa dania zameʼe sumange ba MboseraBa ifalua wabunusa sebua ba danö Gedomo.+
7 Ba mufaogö dania khöra wamunu sawi si matua si lö mufaliaro,Simanö göi zawi si matua sawuyu-wuyu, mufaogö wamunu yaʼira ba niha sagabölö.
Anönö mbanuara andrö do,Ba afönu tawö danöra.”
8 No itatugöi Yehowa ginötö wolau balö,+No itatugöi ndröfi ba wanguhuku niha samakao banua Ziona.+
9 Mubaliʼö asipala dania gelea nidanö khönia,Ba tobali balera dania danö si so ba daʼö,Ba tobali simane asipala nitunu mbanuania.
10 Lö mate galitönia bongi maʼökhö;Ba lö aetu numalö miyawa zimbonia.
Lö mamalö adudu ia sagötö faʼaraBa lö si tola manörö daʼö irugi zi lö aetu.+
11 Fofo pelikan hegöi bogo zi toröi ba daʼö,Lamuhu sanau talinga ba fofo gaga zangiagö nahia daʼö.
Ifadölö Lowalangi dania zinali fanuʼa hegöi fanuʼa waʼaloʼo*Si tobali tandra wa hasambalö muhori ba muröi danö daʼö.
12 Lö hadöi tuhenöri ba mbanua daʼö si tobali razo,Ba lö hadöi saʼae sondröniaʼö ba mbanua daʼö.
13 Tumbu dania ndruʼu sodoi ba maligenia nifoʼöli,Ba monahia dania ndruʼu hegöi duʼu sodoi ba gölinia.
Ba tobali naha nasu gatua mbanua daʼö,+Hegöi nahia wofo gondra.
14 Falukha dania nasu gatua* ba gurifö si so ba danö si lö niha-niha,Simanö göi nambi gatua,* faoma lakaoni nawöra.
Ba molombase ba daʼö wofo zi bongi.
15 Mangazuni gulö ba daʼö ba mangadulo,Irege mamaukhu ba mamoto ira ba lalumöʼö göi ndraonora.
Ba daʼö göi toröi moyo ba fao ira khö nawöra zamösana.
16 Miʼalui daʼö fefu ba mbuku Yehowa ba miʼebuaʼö limi wombaso.
Sambua lö si taya;Fefu gurifö andrö oi so nawöra zamösana,Börö me Yehowa zangumaʼö daʼö,Ba eheha niʼamoniʼö zangowuloi yaʼira.
17 Yaʼia zamazaumba dahö-dahö khöra,Ba no itatugöi tangania nahiara zamösana.*
Tobali tana khöra daʼö sagötö faʼara;Ba toröi ira ba daʼö irugi zi lö aetu.
Nisura ba gahe zura
^ Mazui ”mangele”.
^ Mazui ”bua lot”.
^ Manandrösa ia ba gurifö si ao si so ba gatua si hokha mbu niha.
^ Mazui te ”lowalangi adu si hulö nambi”.
^ Sin.: ”no ibagi khöra nahia daʼö faoma sinali fanuʼa”.
