Yesaya 4:1-6
4 Na luo daʼö, so dafitu ndra alawe sololohe si samösa ira matua+ ba lamane,
”Maʼa samösa göma;Ba maʼogunaʼö nukhama samösa;Asala lakaoni ndraʼaga ba döimöEnaʼö lö teʼailasi ndraʼaga.”*+
2 Ba luo daʼö, liwiö si no ifatumbuʼö Yehowa tobali sökhi ba molakhömi. Bua zinanö si so ba danö andrö tobali faʼomuso dödö hegöi faʼamolakhömi ndraono Gizaraʼeli si no teʼefaʼö.+
3 Dozi niha si tosai ba Ziona hegöi si toröi ba Yeruzalema, yaʼia daʼö fefu niha si so ba Yeruzalema si no musura töi ba mbuku fangorifi, lafotöi ira niʼamoniʼö.+
4 Me isasai fefu zi taʼunö ndraono alawe Ziona+ andrö Yehowa ba iheta ndro Yeruzalema ba daʼö si fao fanguhuku ba fönunia sebua,+
5 ifazökhi göi lawuo Yehowa hegöi simbo ba zi maʼökhö ba alitö si hola-hola ba zi bongi ba dete Hili Ziona awö ba nahia waʼowulo andrö khönia;+ börö me ba dete nahia solakhömi daʼö so mbalu-balu solumöʼö.
6 Ba so dania nose si tobali baʼa-baʼa ba waʼaukhu zino ba zi maʼökhö,+ ba si tobali folumöʼö moroi ba nangi hegöi teu.+
Nisura ba gahe zura
^ Yaʼia daʼö teʼailasi börö me lö sangowalu ba lö soʼono.
