Yesaya 41:1-29
41 ”Mihonogö ami yaʼami hulo, mifondrondrongo khögu.
He yaʼami soi, yaʼifuli abölö ami.
Mifahatö ami, ba mifahuhuo.+
Dafalukha bawa ita, ba hasambalö uhuku ami.
2 Haniha zangaʼasogö niha moroi ba gatumbukha luo,+Sogaoni niha andrö ba wangondrasi ahenia* ba wangadölöʼö faʼatulö,Ba wameʼe ngawalö soi ba dangania,Ba sanehegö khönia ba wokalaisi razo-razo?+
Haniha zombaliʼö yaʼira tobali gawu-gawu faoma födania,Samaliʼö yaʼira tobali töla wakhe niʼoloiʼö nangi faoma fanania nifosinali?
3 Lö iböhöli wolohi yaʼira, lö sanaha yaʼiaBa itörö lala si lö irai itörö.
4 Haniha zogaoni ero sambua ngaʼötö andrö iʼotarai ba wamobörö?
Haniha zolau daʼö ba samalua yaʼia?
Yaʼo Yehowa, si no so iʼotarai Mböröta;+Lö tebulö ndraʼo irugi ba ngaʼötö safuria.”+
5 Muhokha bu niha si so ba hulo me laʼila daʼö fefu.
Ibörögö modögö mbalö danö faföfö.
Tohare soi andrö ba owulo ira.
6 Faoma latolo nawöraBa lamane khö ndra talifusöra, ”Yaʼabölö ndraʼugö.”
7 Tuka sonekhe iʼabölöʼö zamöbözi loga;+Niha samöbözi loga faoma fanokoIʼabölöʼö niha sanoko siʼöli.
Imane sanandrösa ba ziʼöli si no iböbözi, ”Baga daʼö.”
Aefa daʼö, muʼosö nadu andrö faböi adudu.
8 ”He yaʼami enonigu iraono Gizaraʼeli,+Yaʼugö nifiligu ngaʼötö Yakobo,+Börö me si fahuwu khögu maʼuwu Gaberahamo,+
9 Yaʼugö niʼohegu moroi ba mbalö danö faföfö,+Nikaonigu moroi ba wondrege danö.
Umane khöu, ’Enonigu ndraʼugö;+No ufili ndraʼugö ba lö utimbagö.+
10 Böi ataʼufi börö me fao ndraʼo khöu.+
Böi aombö dödöu börö me yaʼo Lowalangiu.+
Ulumöʼö ba utolo ndraʼugö.+
Ugogohe ndraʼugö faoma tangagu kambölö samalua faʼatulö.’
11 Hiza! Laʼailasi ba laʼoʼaya fefu dania niha sofönu khöu.+
Si lö eluaha dania niha si faʼudu khöu ba muhori ira.+
12 Öʼalui dania niha si faʼudu khöu ba lö ösöndra;Si tekiko ba si lö boto dania niha sanuwö yaʼugö.+
13 Börö me Yehowa Lowalangiu ndraʼo, ugogohe dangau kambölöBa umane khöu, ’Böi ataʼufi. Hasambalö utoloʼö.’+
14 Böi ataʼufi yaʼugö Yakobo, elewazi si lö faʼabölö.+
He yaʼami iraono Gizaraʼeli, hasambalö utolo ami,” iwaʼö Yehowa Sangöhöli* yaʼugö,+ Niʼamoniʼö andrö Lowalangi ndraono Gizaraʼeli.
15 ”No ubaliʼö ndraʼugö fafa wamöbörö,+Fakake wamöbörö si bohou soʼifö fatambai.
Öhundra-hundra hili ba ödudugöBa öbaliʼö dania simane uliho hili-hili.
16 Ötafi* ira,Ba iʼoloiʼö ira angi;Ifazaewe ira angi sabölö-bölö.
Owua-wua dödöu börö Yehowa+Ba omuso dödöu börö Niʼamoniʼö andrö Lowalangi ndraono Gizaraʼeli.”+
17 ”Laʼalui nidanö niha si göna famakao hegöi niha si numana, hizaʼi lö lasöndra.
Otufo lelara börö waʼowökhi dödö.+
Hasambalö ifondrondrongo wehedera Yehowa,+Ba lö iröi ira Lowalangi ndraono Gizaraʼeli.+
18 Ufangele nidanö ba hili si lö sinanö+Ba mangele nidanö mitou ba ndraso.+
Ubaliʼö baʼa nidanö dania danö si mate,Ba tanö soköli tobali umbu nidanö.+
19 Utanö geu eresi,Akasia, mirtel hegöi naruʼu ba danö si mate.+
Ba utanö geu juniperAwö geu as hegöi cemara ba danö si mate,+
20 Enaʼö dozi laʼila ba oroma khöra,Lanehegö ba aboto ba dödöra,Wa tanga Yehowa zamalua daʼö,Ba Niʼamoniʼö andrö Lowalangi ndraono Gizaraʼeli zamalua yaʼia.”+
21 ”Faʼema gamadöniwami,” iwaʼö Yehowa.
”Faʼema wamaduhuʼöu,” iwaʼö Razo samatörö Yakobo.
22 ”Foromaʼö dandra ba ombakhaʼö ngawalö zalua dania.
Ombakhaʼö khöma zalua me mböröta,*Enaʼö tola maʼangeragö* ba maʼila wozunia.
Mazui ombakhaʼö khöma zalua ba zi so miföna.+
23 Ombakhaʼö khöma hadia zalua ba zi so miföna,Enaʼö tola maʼila wa lowalangi ami.+
Falua gofu hadia ia, si sökhi mazui si lö sökhi,Enaʼö ahöli-höli dödöma wamaigi.+
24 Lö moguna ami fefu,Ba zaya-zaya gölö nifaluami.+
No sogoro ita niha samili yaʼami.+
25 So samösa nifarougu moroi yöu, ba hasambalö tohare ia,+Samösa moroi ba gatumbukha luo+ zogaoni töigu.
Ihundra-hundra ndra samatörö hulö simane tambu laʼuri ira,+Simane sonekhe wamöbözi tambu laʼuri si no abasö.
26 Haniha zangombakha daʼa iʼotarai mböröta enaʼö maʼila,Mazui samatunö yaʼia iʼotarai me föna irege tola mawaʼö, ’Sindruhu ia andrö’?+
Lö hadöi sangumaʼö daʼö!
Lö hadöi sangombakha yaʼia!
Lö hadöi samondrondrongo yaʼaga!”+
27 Yaʼo zi oföna mangombakha khö Ziona, ”Daʼa zalua!”+
Ufatenge dania zolohe turia si sökhi ba Yeruzalema.+
28 Uforege wangalui ba lö usöndra;Lö hadöi si tola mameʼe mene-mene.
Uforege khöra enaʼö labeʼe wanema li.
29 Si lö guna ira fefu.
Lö eluaha halöwöra.
Hulö nangi si lö oroma nadura andrö nifazökhi moroi ba loga.*+
Nisura ba gahe zura
^ Eluahania ba wamosumange yaʼia.
^ Sin.: ”Sowöli Yaʼugö Mangawuli”.
^ Eluahania mufasafi gandru moroi ba gulinia.
^ Sin.: ”si oföna”.
^ Mazui ”matanö ba dödöma”.
^ Mazui ”adu nifahele”.