Yesaya 42:1-25
42 Hiza, daʼa genonigu andrö+ nitologu!
No ufili ia+ ba omuso dödögu khönia!+
No ubeʼe khönia gehehagu;+Yaʼia dania zolohe faʼatulö ba soi niha fefu.+
2 Lö muʼao ia mazui ebua linia,Lö terongo linia ba lala.+
3 Töla zukhu si no afufu lö ifatö,Ba fandru si no alö haga lö ibunu.+
Lö faröi ia ba wamalua faʼatulö.+
4 Lö alö hagania mazui afatö irege iʼoʼozui wamalua faʼatulö ba gulidanö;+Niha si so ba hulo misa ladöna-döna nifakhoinia.*
5 Daʼa niwaʼö Lowalangi sindruhu sotöi Yehowa,Somböi banua si yawa ba Lowalangi Solakhömi samologö banua,+Lowalangi samologö tanö awö nösinia,+Lowalangi samohanu-hanu niha si so ba daʼö+Ba samonoso niha sowaö-waö ba daʼö:+
6 ”Yaʼo Yehowa zogaoni yaʼugö ba lala satulö;Ugogohe dangamö.
Ulumöʼö ba ubaliʼö ndraʼugö simane fawuʼusa ligu ba gotalua soi böʼö,+Simane haga ba soi böʼö.+
7 Enaʼö öbokai hörö zauʼa,+Ba öʼefaʼö niha nikuru moroi ba dögi narö danö,Ba öʼefaʼö niha sodadao ba gurunga sogömi-gömi.+
8 Yaʼo Yehowa, daʼö döigu;Lö ubeʼe ba mböʼö lakhömigu,Ba lö ubeʼe ba nadu nifoe waʼebua döigu andrö.+
9 Hiza, no alua wamaʼeleʼö nifaʼemagu me föna;Iadaʼa, uʼombakhaʼö ngawalö zi bohou.
Fatua lö alua daʼö fefu, no oföna uʼombakhaʼö khömi.”+
10 He yaʼami si möi ba nasi hegöi si so ba nasi,Fefu hulo awö niha si toröi ba daʼö,+Miʼanunöisi zinunö si bohou khö Yehowa,+Misuno ia moroi ba wondrege danö.+
11 Yamuʼao danö si mate hegöi banua sebua si so ba daʼö,+Simanö göi nose niha Gedara.+
Yamaʼiki niha si toröi ba gahe hili si fao faʼomuso dödö;Yamuʼao ira moroi ba zuzu hili.
12 Yalafosumange YehowaBa yalasuno ia ba hulo misa.+
13 Möi föna Yehowa simane niha sabölö.+
Simane saradadu, omasi sibai ia fasuwö.+
Muʼao ia tandra wa mubörögö wasuwöta.
Iforomaʼö wa abölö ia moroi ba nudunia.+
14 ”No ara lö hede-hedegu.
Uhonogö manö ndraʼo ba utaha dödögu.
Iadaʼa, moʼira-ira ndraʼo, mangarö-ngarö ba muhöfu-höfuSimane ira alawe soʼono.
15 Ududugö hili hegöi hili-hili,Aleu fefu zinanö si so ba daʼö.
Ubaliʼö hulo* dania nungo nidanö,Ba oköli mbaʼa nidanö.+
16 Uʼohe niha sauʼa ba lala si lö laʼila+Uʼohe ira ba lala si lö irai latörö.+
Ubaliʼö haga dania zogömi-gömi andrö fönara+Ba ufadaya danö si no ogobuʼu.+
Daʼö nifaluagu khöra, ba lö uröi ira.”
17 Hasambalö kala ba teʼailasi dania,Niha si faduhu tödö ba nadu nifoe,Hegöi niha sangumaʼö ba nadu nifazökhi moroi ba loga,* ”Yaʼami lowalangima.”+
18 Mifondrondrongo, he yaʼami safiso;Mifaöga hörömi ba mifaigi, he yaʼami sauʼa.+
19 Haniha zauʼa simane enonigu,Safiso simane niha nifatengegu?
Haniha zauʼa simane niha nifahowuʼögu,Sauʼa simane ono mbanua Yehowa?+
20 Oya zi no öʼila, hizaʼi lö öbeʼe dödöu.
Öbeʼe mbörö dalingau, hizaʼi lö öfondrondrongo.+
21 Börö waʼatulö Yehowa andrö,Omuso dödönia ba wangoromaʼö amakhoitania* sebua ba solakhömi.
22 Daʼa soi nirabu ba niʼoloiʼö;+Aekhu ira ba dögi si no mukhao hegöi ba gurunga si no tobini.+
No larabu ira, ba lö hadöi sanolo,+No laʼoloiʼö ira, ba lö sangumaʼö, ”Mifangawuli ira!”
23 Haniha ba gotaluami zomasi mamondrondrongo daʼa?
Haniha zoʼameʼegö tödö ba samondrondrongo, enaʼö mitema mbua ba zi so miföna?
24 Haniha zanehegö ba niha wangoloiʼö ngaʼötö Yakobo,Ba sameʼe iraono Gizaraʼeli ba danga zorabu?
Hadia tenga no Yehowa zamalua daʼö börö me no lafalua horö khönia?
Latimbagö ba woloʼö lalania;Ba lö omasi ira laʼoʼö gamakhoitania.*+
25 Andrö wa lö tebulö mofönu ia khöra,Iforomaʼö waʼaukhu dödönia, itehegö tefakao ira ba wasuwöta sebua.+
Daʼö dania zi manga fefu zi so ba zi fasuira, hizaʼi lö laʼameʼegö tödö.+
Daʼö zanunu yaʼira, hizaʼi lö ba dödöra.+
Nisura ba gahe zura
^ Mazui ”wanuturu lala moroi khönia”.
^ Mazui ”singa nasi”.
^ Mazui ”nadu nifahele”.
^ Mazui ”fanuturu lala”.
^ Mazui ”wanuturu lala moroi khönia”.
