Yesaya 43:1-28
43 He yaʼami ngaʼötö Yakobo hegöi iraono Gizaraʼeli,+Daʼa niwaʼö Yehowa, Somböi ba samazökhi yaʼami:
”Böi ataʼufi börö me no uhöli* ndraʼugö.+
Ukaoni döimö.
Tana khögu ndraʼugö.
2 Fao ndraʼo khöu na öʼötö dalu nasi.+
Lö ahani ndraʼugö na öʼötö nungo nidanö.+
Lö akhoziʼö na ötörö galitö,Ba lö iraʼi ndraʼugö hola-hola galitö.
3 Yaʼo Yehowa Lowalangiu,Niʼamoniʼö andrö Lowalangi ndraono Gizaraʼeli, Sangorifi yaʼugö.
Ubeʼe Miserai ba wangöhöli yaʼugö,Ba ubeʼe Gaitiofia hegöi Saba salahimö.
4 Börö me ebua mböliu fönagu,+Uʼalawaʼö ba uʼomasiʼö ndraʼugö.+
Andrö wa ubeʼe niha tobali fangalimö,Ba ubeʼe soi böʼö salahi nosou.
5 Böi ataʼufi börö me faodo khöu.+
Moroi ba gatumbukha dania uʼohe ngaʼötöu,Ba moroi ba gaekhula uʼowuloi ami.+
6 Umane ba niha si so tanö yöu, ’Touʼö ira!’+
Ba umane ba niha si so tanö raya, ’Böi taha ira.
Ohe mangawuli ndraonogu matua andrö moroi ba mbanua saröu, ba iraonogu alawe moroi ba wondrege danö,+
7 Fefu nikaoni ba döigu,+Si no uwöwöi ba wamolakhömi töigu,Si no uʼehaogö ba si no ufazökhi.’+
8 Ohe baero soi daʼö, soi si no balunö hewaʼae so höröra,Ba safiso hewaʼae so dalingara.+
9 Yaʼowulo fefu soi ba zi sambua nahia,Ba yaʼowulo fefu ngawalö mado.+
Haniha ba gotaluara* zi tola mangombakha daʼa?
Hadia tola lafarongogö khöda hadia zi oföna alua?*+
Akha laʼohe ndra samaduhuʼö khöra ba wangoromaʼö wa atulö nifaluara.
Mazui enaʼö larongo niha böʼö ba lamane, ’Atulö daʼö!’”+
10 ”Yaʼami zamaduhuʼö khögu,”+ iwaʼö Yehowa,”Enonigu si no ufili,+Enaʼö aboto ba dödömi ba mamati ami* khögu+Ba miʼila wa lö tebulö ndraʼo.
Lö hadöi Lowalangi fatua lö yaʼo.
Ba lö hadöi saʼae tanö böʼö aefa ndraʼo.+
11 Yaʼo, yaʼo Yehowa,+ ba lö Sangorifi baero ndraʼo.”+
12 ”Yaʼo zangombakha, sangorifi ba samarongogö,Lö hadöi lowalangi tanö böʼö ba khömi.+
Tobali ami samaduhuʼö khögu,” iwaʼö Yehowa, ”ba Lowalangimi ndraʼo.+
13 Lö tebulö ndraʼo;+Lö hadöi si tola morabu hadia ia ba dangagu.+
Na ufalua wanguhuku, haniha zi tola manaha yaʼo?”+
14 Daʼa niwaʼö Yehowa, Sangöhöli yaʼami,*+ Niʼamoniʼö andrö Lowalangi ndraono Gizaraʼeli:+
”Börö ami wa ufatenge ira ba Mbabilona, ba ududugö mbaʼa-baʼa si so ba mbawa göli.+
Ebua li niha Galedaia si so ba göfa ba wangenu-ngenu.+
15 Yaʼo Yehowa, Lowalangi Niʼamoniʼö.+ Yaʼo Zomböi iraono Gizaraʼeli,+ yaʼo Razomi.”+
16 Daʼa niwaʼö Yehowa,Lowalangi samazökhi lala ba nasiHegöi lala ba wanörö idanö sodulu,+
17 Solohe baero kureta wasuwöta hegöi kudo,+Saradadu hegöi niha sagabölö:
”Tolea ira tou ba danö ba lö maoso saʼae.+
Mate ira simane fandru si no mubunu.”
18 ”Böi törö tödöu zalua me föna,Böi angeragö zi no numalö.
19 Hiza! So zi bohou ufalua,+Ibörötaigö oroma.
Hadia lö miʼila?
Ufazökhi lala ba danö si mate+Hegöi ungo nidanö ba danö si lö niha-niha.+
20 Isuno dania ndraʼo utu ndruʼu si so ba mbenua,Simanö göi nasu gatua hegöi fofo ondra,Börö me uʼasogö nidanö ba danö si mate,Ba ubeʼe nungo nidanö ba danö si lö niha-niha,+Enaʼö labadu ono mbanuagu si no ufili,+
21 Ono mbanua si no uʼowuloi tana khögu,Enaʼö laʼombakhaʼö ba niha lakhömigu andrö.+
22 Hizaʼi, lö muʼao ami khögu, he yaʼami ngaʼötö Yakobo,+Börö me no aföli ami khögu, he yaʼami iraono Gizaraʼeli.+
23 Lö niʼoheu khögu biri-biri si tobali sumange nitunu,Ba lö nibeʼeu zumange ba wamolakhömi yaʼo.
Lö irai ufaso ndraʼugö wameʼe sumange,Mazui ufonoro ndraʼugö ba wangandrö kumöyö.+
24 Lö niʼöliu khögu zarango* sami faoma kefeu,Ba lö öʼomusoiʼö dödögu faoma tawö zumange nibeʼeu.+
Öfonoro ndraʼo ba horömö andröBa erege dödögu ba zala nifaluau.+
25 Yaʼo zangefaʼö sala* nifaluau+ börö döigu andrö,+Ba lö saʼae itörö tödögu horöu.+
26 Fasugi ba dödögu; datafatunö gamadöniwada föna zanguhuku;Tutunö zalua khöu ba wangoromaʼö wa lö fasala ndraʼugö.
27 No lafalua horö ira tuamö siföföna,Ba no mamadaö niha samaʼema huhuomö,* ba wolawa yaʼo.+
28 Daʼö mbörö wa raʼiö fefu ndra sondröniaʼö ba nahia niʼamoniʼö.
Utehegö ba niha ba wangohori YakoboBa utehegö laʼoʼaya ndraono Gizaraʼeli.+
Nisura ba gahe zura
^ Sin.: ”uʼöli mangawuli”.
^ Te eluahania fefu hadia ia zi oföna alua ba zi so miföna.
^ Te eluahania lowalangi faya.
^ Mazui ”faduhu dödömi”.
^ Sin.: ”Sowöli Yaʼami Mangawuli”.
^ Sinanö somuhua.
^ Mazui ”famadaö”.
^ Te niha samahaʼö Oroisa Moze.
