Yesaya 44:1-28
44 ”Iadaʼa, fondrondrongo yaʼugö ngaʼötö Yakobo enonigu,Ba fondrondrongo yaʼugö Izaraʼeli, soi si no utuyu.+
2 Daʼa niwaʼö Yehowa,Somböi ba samazökhi yaʼugö,+Sanolo yaʼugö iʼotarai ba dalu:*
’Böi ataʼufi yaʼugö ngaʼötö Yakobo, enonigu,+Ba yaʼugö Yesuru,*+ soi si no ufili.
3 Ubeʼe dania nidanö ba niha* sowökhi tödö+Ba ufatörö nungo nidanö ba danö soköli.
Ubeʼe geheha niʼamoniʼö ba ngaʼötöu+Hegöi howu-howu ba maʼuwumö.
4 Hasambalö tumbu ira simane duʼu+Simane eu poplar ba zinga gelea nidanö.
5 So zangumaʼö, ”Tana khö Yehowa ndraʼo.”+
Si samösa ibeʼe töinia Yakobo,Ba tanö böʼönia lasura ba dangara, ”Okhöta Yehowa.”
So göi zameʼe töira iraono Gizaraʼeli.’
6 Daʼa niwaʼö Yehowa,Razo ndraono Gizaraʼeli+ ba Sangöhöli yaʼira,*+ Yehowa samatörö saradadu zorugo:
’Yaʼo zi oföna ba safuria.+
Lö hadöi Lowalangi böʼö baero ndraʼo.+
7 Hadia so zimane yaʼo?+
Akha fahuhuo ia ba ifaduhuʼö khögu!+
Iʼotarai me ufataro soi andrö me mböröta,Akha lafatunö hadia zi lö ara tö tohareHegöi salua ba zi so miföna.
8 Böi tokea ami,Ba böi miʼataʼufi.+
Hadia tenga no ufatunö ba ufaduhuʼö khömi iʼotarai mböröta?
Yaʼami zamaduhuʼö khögu.+
Hadia so Lowalangi böʼö baero ndraʼo?
Löʼö, lö hadöi niʼilagu Gowe Saro böʼö+ baero ndraʼo.’”
9 Lö moguna saʼae zamazökhi adu.
Lö saʼae moguna gama-gama omasiöra andrö.+
Ira samaduhuʼö andrö khöra,* lö laʼila hadia ia ba lö aboto ba dödöra+Irege teʼailasi ira.+
10 Hadia so zomasi mamazökhi lowalangi mazui adu moroi ba loga*Si lö hadöi guna?+
11 Teʼailasi fefu zi fahuwu khönia!+
Niha gulidanö zamazökhi yaʼia.
Akha owulo ira fefu ba lahalö nahiara.
Lafetaʼu ba laʼailasi dania ira.
12 Niha samöbözi siʼöli, iʼogunaʼö ngawalö wakake ba wamazökhi adu moroi ba loga ba dete galitö.
Iʼogunaʼö wanoko,Ba iʼohalöwögöigö daʼö si fao taʼionia sabölö.+
Lö ara aefa daʼö, olofo ia ba alö waʼabölönia;Lö ibadu nidanö irege tebai ia.
13 Ifadölö zinali tuka geu, ba ifotandra faoma betua soyo.
Ihaogö wamazökhi daʼö faoma fahö ba itandroi faoma jangka.
Ifazökhi simane famaedo niha,+Fefu waʼasökhinia,Ihaogö wameʼe ba nomo.*+
14 So niha sohalöwö ba wolobö eu eresi.
Ihaogö wamili eunia yaʼia daʼö eu sebua,*Ba itehegö auri ba gotalua geu soya ba gatua.+
Itanö geu salam, ba tawa deu zamatumbuʼö yaʼia.
15 Aefa daʼö, so niha zangai eu daʼö ba ibaliʼö eu galitö.
Iʼogunaʼö ösa ba woleu yaʼia;Ifewuaʼö galitö ba wamogö roti.
Ba so göi niʼogunaʼönia ba wamazökhi lowalangi ba ifosumange daʼö.
Ifazökhi tobali adu nifoe ba mangalulu ia.+
16 Itunu ba galitö zi matonga geu daʼö,Ba si matongania iʼogunaʼö ba wamaga nagole, aefa daʼö iʼa irege abuso.
Ileu ia göi ba imane,
”Lö saʼae oʼafudo börö galitö daʼa.”
17 Si toröinia iʼogunaʼö ba wamazökhi lowalangi, tobali adu nifoe.
Ituhi danö ba mangalulu ia ba daʼö.
Mangandrö ia ba imane,
”Efaʼö ndraʼo börö me lowalangigu ndraʼugö.”+
18 Lö laʼila hadia ia, ba lö laʼokhögö waʼaboto ba dödö,+Börö me no teduhö höröra irege lö laʼila hadia ia,Ba lö aboto ba dödöra.
19 Lö hadöi soʼangerönusi ba dödöniaMazui sangokhögö faʼatua-tua ba faʼaboto ba dödö, irege lamane:
”Si matongania utunu ba galitö,Ba ufaga roti hegöi nagole ba dete galitö andrö, aefa daʼö uʼa.
Hadia uʼogunaʼö zi toröinia ba wamazökhi si raʼiö?+
Hadia sinangea ufosumange mbalö geu si no oköli?”
20 Hulö zi manga gawu-gawu niha simane daʼö.
No ifaelungu ia tödönia si no tefuyu.
Tebai iʼorifi ia samösa, mazui imane,
”Si lö moguna nigogohegu andre.”
21 ”Törö tödöu fefu daʼa, he yaʼugö ngaʼötö Yakobo hegöi Izaraʼeli,Börö me enonigu ndraʼugö.
Yaʼo zamazökhi yaʼugö ba enonigu ndraʼugö.+
He yaʼugö Izaraʼeli, lö uʼolifugö ndraʼugö.+
22 Utayaigö golalöwau, hulö no ubalugö ia lawuo+Ba horömö andrö hulö no ubalugö ia lawuo saweʼe-weʼe.
Mifuli ami khögu ba uhöli ami.*+
23 He yaʼami sorugo, miʼanunö,Me no ifalua daʼö Yehowa!
He yaʼami ulidanö, miʼomusoiʼö dödömi ba waʼamöna!
He yaʼami hili-hili, miʼowua-wuaʼö dödömi,+Simanö göi gatua hegöi eu si so ba daʼö!
Börö me no Yehowa zohöli* ngaʼötö Yakobo,Ba iforomaʼö lakhöminia ba ndraono Gizaraʼeli.”+
24 Daʼa niwaʼö Yehowa Sangöhöli yaʼugö,*+Samazökhi yaʼugö iʼotarai ba dalu:
”Yaʼo Yehowa zamazökhi fefu hadia ia.
Yaʼo zamologö banua si yawa+Ba samazökhi ulidanö.+
Haniha zanolo yaʼo me luo daʼö?
25 Si lö eluaha ubeʼe dandra-tandra nifalua ndra samaʼeleʼö faya,*Ba yaʼo zamowöhö ira sangiʼila;+Yaʼo zamawuka fangera-ngera niha satua-tuaBa ubaliʼö faʼabodo waʼonekhera andrö;+
26 Yaʼo mbörö wa alua fefu niwaʼö ndra enoniguBa samalua fefu wamaʼeleʼö nibeʼe denge-tengegu;+Yaʼo zangumaʼö sanandrösa ba Yeruzalema, ’Hasambalö so niha sangiagö daʼö,’+
Ba sanandrösa ba mbanua Yehuda, ’Mufuli dania mufazökhi daʼö fefu,+Uʼehaogö fefu zi no adudu’;+
27 Yaʼo zangumaʼö ba nidanö sabakha, ’Yaʼogöʼö ndraʼugö,Ba uʼogöʼösi fefu nungo nidanö si so ba daʼö’;+
28 Yaʼo zangumaʼö sanandrösa ba Giro,+ ’Yaʼia gubalo si no ufili,Yaʼia dania zamalua fefu ohitö dödögu’;+Yaʼo zangumaʼö ba Yeruzalema, ’Mufuli mufazökhi mangawuli,’
Ba sanandrösa ba gosali Lowalangi, ’Mufazökhi dania wondrasimö.’”+
Nisura ba gahe zura
^ Mazui ”iʼotarai me tumbu”.
^ Eluahania ”Niha Sadölö Tödö”, töi sebua ba ndraono Gizaraʼeli.
^ Mazui ”soi”.
^ Sin.: ”Sowöli Yaʼira Mangawuli”.
^ Eluahania adu andrö nifazökhira.
^ Mazui ”adu nifahele”.
^ Mazui ”naha wamosumange adu”.
^ Mazui ”eu ek”.
^ Sin.: ”ufuli uʼöli ami mangawuli”.
^ Sin.: ”zowöli mangawuli”.
^ Sin.: ”Sowöli Yaʼugö Mangawuli”.
^ Mazui ”niha si lö karua na mohede”.
