Yesaya 49:1-26
49 Mifondrondrongo khögu he yaʼami si so ba hulo,Mibeʼe mbörö dalingami he yaʼami soi saröu.+
Fatua lö tumbudo, no ikaoni ndraʼo Yehowa,+Me so ndraʼo ba dalu ninagu, no itötöi döigu.
2 No ibaliʼö siʼöli satarö mbawagu;Ilumöʼö ndraʼo faoma tangania.*+
Ibaliʼö ndraʼo simane fana si no mudali;Ibiniʼö ndraʼo ba naha nono wanania.
3 Imane khögu, ”He Izaraʼeli, enonigu ndraʼugö.+
Moroi ba khöu dania uforomaʼö lakhömigu.”+
4 Hizaʼi, umane, ”Zaya-zaya gölö waʼerege dödögu.
Ahori waʼabölögu ba zi lö eluaha.
Hewaʼae simanö, Yehowa zameʼe khögu faʼatulö,*Khö Lowalangi utema luogu.”+
5 Yehowa Lowalangi zomböi yaʼo iʼotarai ba dalu ninagu, yaʼia zangumaʼö khögu enaʼö tobali ndraʼo enoninia,Enaʼö ufuli uʼohe khönia Yakobo,Enaʼö teʼowuloi khönia Gizaraʼeli.+
Tefolakhömi ndraʼo ba wamaigi Yehowa,Ba utema waʼabölö moroi khö Lowalangigu.
6 Imane khögu, ”He enonigu,Tenga ha sanusugi mado Yakobo ndraʼugöBa solohe mangawuli iraono Gizaraʼeli niʼefaʼö.*
Hizaʼi, ubaliʼö ndraʼugö haga ba soi misa,+Enaʼö irugi wondrege danö fangorifi si otarai khögu.”+
7 Daʼa niwaʼö Yehowa, Sangöhöli* iraono Gizaraʼeli, Lowalangi niʼamoniʼö,+ khö niʼoʼaya andrö,+ si fatuwu soi böʼö, enoni ndra samatörö:
”Maoso dania razo ba wamaigi,Ba latuhi danö ira sondröniaʼöBörö me Yehowa Lowalangi si lö faröi zanuyu yaʼugö,+Niʼamoniʼö andrö Lowalangi ndraono Gizaraʼeli.”+
8 Daʼa niwaʼö Yehowa:
”Ufondrondrongo wehedeu ba ginötö uforomaʼö waʼasökhi dödö.*+
Utolo ndraʼugö ba luo wangorifi;+Lö uböhöli wolumöʼö yaʼugö enaʼö tobaliʼö buʼusa li ba soi böʼö,+Ba wangaʼazökhi soi,Enaʼö tefangawuli khöra gondröitara si no tetiboʼö,+
9 Enaʼö ömane ba niha si so ba gurunga, ’Miʼae baero!’+
Ba niha si so ba zogömi-gömi,+ ’Foromaʼö ndraʼugö!’
Manga dania ira ba zinga lala,Ba lö aetu so mbenua soduʼu sandrohu fofanöra.*
10 Lö olofo ira mazui owökhi dödöra,+Lö göna ira faʼaukhu zino.+
Börö me Lowalangi sahakhö tödö zondröniaʼö yaʼira+Ba solohe yaʼira ba zinga gumbu nidanö.+
11 Ubaliʼö lala fefu hili andrö khögu,Ba teʼalawaʼö lala sebua khögu.+
12 Hiza! Tohare ira fefu moroi ba zaröu,+Ba mifaigi! So zi otarai moroi yöu hegöi ba gaekhula,Ba so zi otarai tanö Zini.”+
13 Omusoiʼö dödöu yaʼugö banua si yawa, ba omusoiʼö dödöu yaʼugö tanö.+
Omusoiʼö dödöu yaʼugö hili-hili.+
Börö me no irara dödö nono mbanuania Yehowa,+Ba ahakhö dödönia ba niha nifakao.+
14 Hewaʼae simanö, lö iböhöli wangumaʼö Siona,
”No iröi ndraʼo Yehowa,+ no iʼolifugö ndraʼo Yehowa.”+
15 Hadia tola olifu ndra alawe nono nifaenuniaMazui lö ahakhö dödönia nono niʼadonogönia?
Hewaʼae na olifu ia, ba lö irai olifudo ndraʼugö.+
16 No uhaogö wanura töimö* ba laluʼagu.
Lö tebulö so tanö fönagu mbaʼa-baʼa andrö khöu.
17 Laʼanemaiʼö mangawuli iraonomö matua.
Laröi ndraʼugö niha sanudugö ba samakiko yaʼugö.
18 Faigi ba fakhölö ndraʼugö ba zi fasuimö.
No owulo ira fefu,+Ba wangondrasi yaʼugö.
”Yaʼodo Lowalangi sauri,” iwaʼö Yehowa,”Öbaliʼö dania ira gama-gamau,Öfake hulö gama-gama niʼowalu.
19 Hewaʼae tedudugö ba tekiko nahiamö tobali akhökhöla,+Hizaʼi, tobali dania naha si fasösö niha,+Ba toröi niha sanölö yaʼugö+ ba nahia saröu.+
20 Ono matua si tumbu me göna ndraʼugö fangabu dödö imane khöu,’Ba nahia daʼa, talafo fasösö niha.
Beʼe khögu nahia enaʼö toröi ndraʼo ba daʼa.’+
21 Ba ömane dania bakha ba dödömö,’Haniha ndraono nibeʼe khögu andre?
Ira alawe si taya ono ndraʼo ba si lö ngaʼötö,Nitiboʼö ba nifakao.
Haniha zangebua yaʼira?+
Mifaigi! Ha yaʼo zi toröi,+Ba hezo moroi ndraono daʼa?’”+
22 Daʼa niwaʼö Lowalangi Yehowa Fondrege Zalawa:
”Ufazawa dangagu ba soi böʼö,Ba ufazawa dandra-tandragu* ba ngawalö mado.+
Laʼohe ndraonomö matua ba daʼiora*Ba onomö alawe ba galisira.+
23 Razo-razo dania zondrorogö yaʼugö;+Onora alawe dania zozago yaʼugö.
Latuhi danö fönau+Ba lafelai gawu-gawu gaheu.+
Awena dania öʼila wa yaʼo Yehowa;Dozi niha sanötöna khögu, lö teʼailasi dania.”+
24 Hadia tola muʼefaʼö niha niraʼu ba danga niha sabölö,Mazui niha niʼoloiʼö ba danga niha samuʼi?
25 Daʼa niwaʼö Yehowa:
”Teʼefaʼö niha niraʼu ba danga zabölö,+Ba teʼorifi niha niʼoloiʼö ba danga niha samuʼi.+
Si faʼudu khöu tobali si faʼudu khögu,+Ba yaʼo zangorifi iraonou.
26 Laʼa dania nagolera niha samakao yaʼugö.
Mabu ira ba ndrora samösa simane na mabu niha agu sami.
Ahori aboto ba dödö niha fefu wa yaʼo Yehowa,+Sangorifi+ ba Sangöhöli yaʼugö,*+Lowalangi Sabölö khö Yakobo.”+
Nisura ba gahe zura
^ Sin.: ”Ilumöʼö ndraʼo ba lumö dangania”.
^ Mazui ”Sindruhunia, Yehowa zanguhuku yaʼo”.
^ Sin.: ”nilumöʼö”.
^ Sin.: ”Sowöli Mangawuli”.
^ Mazui ”faʼebua dödö”.
^ Mazui te ”ba hili-hili si lö sinanö”.
^ Sin.: ”wanura yaʼugö”.
^ Sin.: ”ba dötöʼara”.
^ Mazui ”döla-döla si tobali tandra khögu enaʼö laʼila”.
^ Sin.: ”Sowöli Yaʼugö Mangawuli”.
