Yesaya 5:1-30
5 Ulau manunö khönia, yaʼia niʼomasiʼögu,Sinunö sanandrösa khönia hegöi kabu nagunia.+
Yaʼia niʼomasiʼögu, iʼokhögö kabu nagu ba danö si sökhi si so ba gahe hili.
2 Ifaku danö ba iheta gara.
Itanö ba daʼö nagu soyo si no mufili,Ifazökhi malige ba gotaluania,Ba ikhao naha wamera agu.+
Lö aetu manötöna ia enaʼö mowua nagu andrö,Hizaʼi, bua nagu ndruʼu niʼowuania.+
3 ”Iadaʼa, yaʼami ono mbanua Yeruzalema hegöi niha Yehuda,Mihuku ndraʼo hegöi kabu nagu andre khögu.+
4 Hadia nasa nifaluaguBa kabu nagu andre khögu?+
Utötöna wa iʼowua mbua nagu,Hizaʼi, hana wa bua nagu ndruʼu niʼowuania?
5 Iadaʼa, ufatunö khömiHadia nifaluagu ba kabu nagu andrö khögu:
Uheta göliniaBa hasambalö mutunu daʼö.+
Ududugö dowania,Ba hasambalö muhundra-hundra.
6 Uʼalui lala enaʼö tobali tanö si lö niha-niha nahia daʼö;+Lö saʼae laguti mazui lafaku mbörö nagu andrö.
Afönu duʼu sodoi hegöi oʼo,+Ba uwaʼö göi ba lawuo enaʼö lö itorugö deu ba daʼö.+
7 Iraono Gizaraʼeli no amaedola kabu nagu Yehowa samatörö saradadu zorugo;+Niha Yehuda no amaedola kabu* somasi ia.
Lö tebulö idöna-döna waʼatulö,+Hizaʼi, si lö atulö zalua;Idöna-döna zindruhu,Hizaʼi, tawa hörö fangabu dödö zalua.”+
8 Alai ami niha sorabu omo misa,+Sorabu benua misa+Irege lö hadöi saʼae nahiaBa ha yaʼami zi toröi ba danö daʼö!
9 Urongo wa no möi ba hölu Yehowa samatörö saradadu zorugo:
Oya nomo segebua hegöi si baga-bagaSi tobali nahia sataʼu niha dania,Lö sangiagö yaʼia.+
10 Si öfa hektar* kabu nagu, ha 22 liter* nagu niʼowuania;Si 220 liter* tanömö zinanö ha 22 liter* gandru niʼowuania.+
11 Alai niha si maoso sihulö wongi sibai ba wamadu tuo,+Si dadao ofeta talu mbongi irege mabu ira agu!
12 Ba gowasa nifaluara, so ba daʼö fakake zinunö nifosinali,Harafa, tamburu, surune hegöi agu;Hizaʼi, lö ba dödöra hadia nifalua Yehowa,Ba lö lafaigi gomböila dangania.
13 Laʼoloiʼö dania soiguBörö me lö khöra faʼatua-tua;+Solofo dania niha si tehöngö,+Ba sowökhi tödö nono mbanuania.
14 Iʼeboloʼö ia Lewatö*Ba iʼebuaʼö wamokai bawania;+Hasambalö numalö ba daʼöWaʼamolakhömi Yeruzalema hegöi niha si kaliru ba somasi mamalua owasa.
15 Ifaöndrö ia niha,Irege teʼide-ideʼö ia,Ba teʼide-ideʼö niha si fayawa.
16 Teʼalawaʼö Yehowa samatörö saradadu zorugo andrö börö waʼatulö* nifaluania;Iforomaʼö Niʼamoniʼö andrö,+ Lowalangi sindruhu wa no niʼamoniʼö ia ba waʼatulö nifaluania.+
17 Ba möi nono mbiri-biri ba daʼö ba wemanga duʼu, hulö simane tanö soduʼu khöra;Manga dania niha baero ba nahia si no muröi si tobali naha gurifö satabö me mböröta.
18 Alai niha si falimo ba wanöbi horö awö zala nifaluaraSimane urifö sanöbi kureta faoma tali;
19 Lamane, ”Daʼifalua daʼö ba waʼalio;Yaʼalio alua ia enaʼö tola maʼila.
Yaʼalua gohitö dödö* Niʼamoniʼö andrö, Lowalangi ndraono GizaraʼeliEnaʼö tola maʼila!”+
20 Alai niha samotöi si sökhi andrö si lö sökhi ba samotöi si lö sökhi tobali sökhi,+Samaliʼö haga tobali sogömi-gömi, ba sogömi-gömi tobali haga,Sangumaʼö ami zafeto ba afeto zami!
21 Alai niha sangumaʼö wa atua-tua ia,Ba onekhe ia wangumaʼönia!+
22 Alai niha sabölö mamadu aguBa sonekhe mamaruka tuo,+
23 Sangoʼawögö niha si lö sökhi börö zölö-sölö+Ba lö lafalua waʼatulö ba niha si sökhi!+
24 Hulö simane na akhozi döla wakhe ba galitöSimane na ariri ndruʼu soköli ba galitö,Obou dania waʼara,Ba muhombo mbungara simane gawu-gawu,Börö me no latimbagö goroisa Yehowa samatörö saradadu zorugo,Ba laʼoʼaya wehede Niʼamoniʼö, Lowalangi ndraono Gizaraʼeli.+
25 Daʼö mbörö wa mofönu sibai Yehowa ba nono mbanuania,Ba ifazawa dangania ba wanguhuku yaʼira.+
Modögö hili,Ba amatelara tobali sasao ba lala.+
Daʼö mbörö wa lö tebulö mofönu ia;Ba lö tebulö ifazawa dangania ba wanguhuku.
26 Ifazawa dandra* ba soi böʼö sabölö aröu;+Ilau fawikho-wikho ba wogaoni yaʼira moroi ba wondrege danö;+Hiza! Tohare ira ba waʼalio.+
27 Lö hadöi si marase mazui sanendre.
Lö hadöi sanuköu mazui si mörö.
Lö alulu mböbö löwi-löwira,Ba lö aetu zandralara.
28 Atarö fefu nono wanara,Ba no lafaʼanö wana sinali ba wamana.
Hulö gara alitö zaʼa kudora,Ba gaolo-gaolo guretara hulö nangi fuyu.+
29 Lira hulö simane singo siʼao;Hulö li nono zingo siʼao.+
Lafaboka mbawara ba laraʼu gahuluaraLaʼoloiʼö daʼö, lö hadöi sanolo.
30 Ba luo daʼö, mofönu sibai ira ba gahuluaraHulö simane feʼugu-ugu nasi.+
Hatö faʼogömi-gömi sataʼu ita niʼila niha samaigi nahia daʼö;Ogömi göi mbanua börö lawuo.+
Nisura ba gahe zura
^ Mazui ”sinanö”.
^ Sin.: ”Fulu fasa”, yaʼia daʼö faʼebolo nowi nifaku zawi si fulu fasa ba zi sahari.
^ Mazui ”Syeol”. Faigi Geluaha Ngawua Wehede.
^ Mazui ”wanguhuku”.
^ Mazui ”gangetula; niʼera-era”.
^ Mazui ”mandrera”.
