Yesaya 52:1-15
52 Faoso! Faoso! He yaʼugö Siona,+ onukha waʼabölöu!+
He yaʼugö Yeruzalema banua niʼamoniʼö, onukha mbaru si sökhi!+
Börö me lö möi khöu niha si raʼiö ba si lö nisuna.+
2 Anotogö gawu-gawu ba mbotomö, faoso ba dadao yaʼugö Yeruzalema.
Heta wesu andrö moroi ba mbagiu yaʼugö ono alawe Ziona si no muʼoloiʼö.+
3 Daʼa niwaʼö Yehowa:
”No mufamawa ami lö böli,+Ba lasanu ami* lö böli.”+
4 Daʼa niwaʼö Yehowa Lowalangi Fondrege Zalawa:
”Me mböröta möi nono mbanuagu ba Miserai ba toröi ira ba daʼö tobali niha si fatewu;+Hizaʼi, tefakao ira lö börö ba danga niha Asiria.”
5 ”Me uʼila zalua andrö, hadia nifaluagu?” iwaʼö Yehowa.
”Laʼoloiʼö nono mbanuagu lö böli.
Niha samatörö yaʼira, lö aetu laʼoʼaya ira,”+ iwaʼö Yehowa,”Ba lö aetu laʼoʼaya döigu ero maʼökhö.+
6 Börö daʼö dania wa laʼila döigu ono mbanuagu;+Daʼö mbörö wa aboto ba dödöra ba luo daʼö wa yaʼo zi fahuhuo khöra.
Yaʼo zangombakha khöra.”
7 Hawaʼasökhi gahe niha sanuriaigö turia somuso dödö, sanörö hili-hili,+Niha samaʼema turia waʼatulö,+Solohe turia somuso dödö sanandrösa ba zabölö sökhi,Sanuriaigö turia fangorifi,Sangumaʼö ba Ziona, ”No tobali Razo Lowalangimö!”+
8 Mifondrondrongo weʼao ndra sozago andrö khöu.
Ha samuza waʼomuso dödöra,Börö me laʼila samösa hewisa wangowuloi Yehowa fefu nono mbanua Ziona.
9 Miʼowua-wuaʼö dödömi he yaʼami adudula Yeruzalema,+ ba miʼosambuaʼö dödömi ba waʼomuso dödö,Börö me no irara dödö nono mbanuania Yehowa;+ no ihöli* Yeruzalema.+
10 Iforomaʼö waʼabölönia Yehowa föna soi böʼö;+Ba dozi niha si so ba gulidanö laʼila dania wangorifi moroi khö* Lowalangida.+
11 Miʼaröuʼö ami, miʼaröuʼö ami, miheta ami moroi ba daʼö,+ ba böi mibabaya gofu hadia ia zi raʼiö!+
He yaʼami solohe fakake nomo Yehowa,+Miheta ami moroi ba gotaluania,+ mirorogö enaʼö lö raʼiö ami.
12 Lö mofanö ami si fao fanizi-nizi,Ba lö moguna moloi ami,Börö me Yehowa Lowalangi ndraono Gizaraʼeli zi so fönami,+Yaʼia göi zondrorogö yaʼami moroi furi.+
13 Hiza! So dania nifalua genonigu+ si fao faʼatua-tua.
Teʼalawaʼö ia,Tefolakhömi, ba nisuno ia.+
14 Simane faʼatobali dödö zato me lafaigi ia,Börö me lö sökhi zikhalania moroi ba danö böʼöBa tenga famaedo niha saʼae mbotonia,
15 Simane daʼö göi dania waʼatokea soi böʼö ibeʼe.+
Lö hede-hede* razo fönania,+Börö me laʼila zi lö irai aluaBa laʼangeragö hadia zi lö irai larongo.+
Nisura ba gahe zura
^ Sin.: ”Ba laʼöli ami mangawuli”.
^ Sin.: ”no iʼöli mangawuli”.
^ Mazui ”waʼamöna”.
^ Mazui ”Laduhö mbawara”.
