Yesaya 53:1-12
53 Haniha zamati ba duria nirongora moroi khöma?*+
Ba haʼökhö teforomaʼö+ waʼabölö* Yehowa?+
2 Tedou niha daʼö simane daha geu+ fönania,* simane waʼa ba danö si mate.
Lö siga-siga ia mazui molakhömi;+Lö adöni dödöma ba wamaigi yaʼia.*
3 Laʼoʼaya ba laʼerogö ia niha,+Iʼila hewisa waʼafökhö ba irasoi göi wökhö.
Hulö no mubiniʼö mbawania khöma.*
Laʼoʼaya ia, ba matimbagö.+
4 Sindruhunia, yaʼia zoluʼi fökhöma,+Ba yaʼia zoluʼi famakao nitaögöma.+
Hizaʼi, ba wamaigima yaʼia andrö niʼelifi, nihuku, ba nifakao Lowalangi.
5 Mufahö ia+ börö horö nifaluama,+Mufakao ia börö zala nifaluama.+
Iluʼi wanguhuku enaʼö masöndra waʼahono dödö,+Ba no tefadöhö ndraʼaga börö zokhonia andrö.+
6 No elungu ndraʼaga simane biri-biri,+No matörö samösa lalama,Hizaʼi, no ifaluʼiʼö khönia Yehowa fefu zala nifaluama.+
7 Itehegö laböbözi+ ba lafakao ia,+Hizaʼi lö hede-hedenia.
Hulö mbiri-biri niʼohe ba naha wanaba,+Ba hulö mbiri-biri sahono niguti bu,Lö hede-hedenia.+
8 Tefakiko waʼaurinia börö gangetula si lö atulö;*Haniha zoʼangeragö börötania?*
Tetiboʼö ia moroi ba danö niha sauri;+Ba labunu ia* börö zala nifalua soigu.+
9 Hewaʼae lö irai ifalua zala*Ba lö irai falimo ia,+So lewatönia* ba gotalua niha si lö sökhi;+Me mate ia, lakoʼo ia ba gotalua niha si kayo.+
10 Hizaʼi, itehegö* Yehowa muböbözi ba mufakao ia.
No tobali sumange fameta horö+ nosonia andrö ibeʼe Lowalangi,Enaʼö tola iʼila ngaʼötönia ba anau nosonia,+Ba khönia fefu alua gohitö dödö* Yehowa.+
11 Börö wamakao nitaögönia, ahono dödönia ba niʼilania.
Iʼogunaʼö dania waʼaboto ba dödö niʼokhögönia andrö enonigu satulö+Ba wanolo niha enaʼö tefotöi ira niha satulö.+
Yaʼia zoluʼi sala nifaluara.+
12 Daʼö mbörö wa ufaogö wameʼe tana khönia ba niha sato,Ba ibagi-bagi dania ba niha sabölö hadia zi no murabu,Börö me no itehegö waʼaurinia ofeta mate+Ba lafagölösi ia simane niha si lö sökhi;+Iluʼi horö niha sato+Ba tobali ia sangagö talu gotalua ba niha sebua horö.+
Nisura ba gahe zura
^ Sin.: ”daʼio”.
^ Mazui te ”ba duria nirongoma”.
^ Ngawua wehede ”nia” ba daʼa tola mufoʼeluaha ia niha mazui Lowalangi.
^ Mazui ”Na taʼila ia, lö hadöi si tohude khönia ba wamaigida, andrö wa lö omasiga wangokhögö yaʼia”.
^ Mazui te ”Laholeʼö mbawara khönia”.
^ Sin.: ”wamakao hegöi fanguhuku”.
^ Mazui ”lala waʼaurinia”.
^ Mazui ”laböbözi ia”.
^ Mazui ”zi lö sökhi”.
^ Mazui ”So niha sameʼe lewatönia”.
^ Mazui ”zomasi”.
^ Sin.: ”omasi”.
