Yesaya 55:1-13
55 ”He yaʼami sowökhi tödö,+ miʼaine ba mibadu nidanö!+
He yaʼami si lö kefe, mihalö* ba miʼa!
Miʼaine, mihalö* nagu hegöi susu,+ lö böli.+
2 Hana wa edöna ami miʼöli zi tenga öBa mihorigö gölömi* ba zi tebai abuso ami?
Mihaogö wamondrondrongo yaʼo, ba miʼa gö si sökhi,+Ba misöndra waʼowua-wua dödö ba wemanga ö sabölö sökhi.*+
3 Mibeʼe mbörö dalingami ba miʼondrasi ndraʼo.+
Mifondrondrongo, enaʼö auri ami.
Ba fawuʼu li ndraʼo khömi sagötö faʼara.+ Ubeʼe khömi howu-howu simane si no ufabuʼu khö Dawido börö waʼomasigu si lö faröi khönia,Ba tola mufaduhusi tödö mbuʼusa ligu andrö.+
4 Hiza! Ubaliʼö ia dania samaduhuʼö+ ba ngawalö soi,Sondröniaʼö+ hegöi kafalo zaradadu+ ba ngawalö mado.”
5 Hiza! Ökaoni dania soi si lö irai öʼila,Ba fagohi ira wangondrasi yaʼugö,Börö Yehowa Lowalangiu+ andrö Niʼamoniʼö ndraono Gizaraʼeli,Me no ifolakhömi ndraʼugö.+
6 Miʼalui Yehowa fatua tola miʼondrasi ia.+
Miʼangaröfili ia fatua ahatö ia.+
7 Yaʼiröi lalania andrö niha sebua horö+Ba yamuböhöli niʼera-era dödönia;Yamangawuli ia khö Yehowa Lowalangida,Börö me iforomaʼö khönia waʼahakhö dödö+ ba ibeʼe wangefa soroi ba dödö.+
8 Imane Yehowa, ”Faböʼö wangera-ngerami ba fangera-ngeragu,+Ba faböʼö lalami ba lalagu.”
9 ”Simane faʼalawa mbanua si yawa, abölö alawa ia moroi ba gulidanö,Simanö göi lalagu moroi ba lalami,Ba abölö alawa wangera-ngeragu moroi ba wangera-ngerami.+
10 Simane teu hegöi teu esi satoru moroi ba mbanua,Lö mangawuli ia na lö nibasöinia tanö, moliwiö zinanö ba auri,Iʼasogö danömö ba wanaru hegöi balazo niʼa.
11 Simanö göi wehede si otarai mbawagu.+
Lö mangawuli ia khögu na lö mofozu;+Hasambalö ifalua gofu hadia zomasido*+Ba aʼozu ifalua hadia niwaʼögu.
12 Mofanö ami si fao faʼomuso dödö,+Ba laʼohe ami mangawuli si fao faʼahono dödö.+
Maʼiki dania hili hegöi hili-hili si so fönami,+Ba molau tawo-tawo fefu hogu geu si so ba mbenua.+
13 Fangali zinanö sodoi dania tumbu geu juniper+Fangali geu sodoi dania tumbu geu mirtel.
Daʼö dania mbörö wa tehöngö döi* Yehowa,+Tandra si lö tebulö si tebai taya.”
Nisura ba gahe zura
^ Sin.: ”miʼöli”.
^ Sin.: ”miʼöli”.
^ Mazui ”gefemi nisöndrami ba waʼerege dödö”.
^ Sin.: ”ö sotawö”.
^ Mazui ”gohitö dödögu”.
^ Mazui ”wa tefazökhi döi si sökhi khö”.
