Yesaya 57:1-21
57 Taya niha satulö tödöBa lö hadöi soʼameʼegö tödö yaʼira.
Mate niha si lö faröi,+Ba lö sangila wa no taya niha satulö andröEnaʼö lö laʼila* wamakao.
2 Fefu niha sadölö tödö molombase ira ba naha wemörö*
Ba lasöndra waʼahono dödö.
3 ”Ba yaʼami, miʼae ba daʼa,He yaʼami ono matua moroi ba ndra alawe sebua elemu,Ngaʼötö zohorö-horö.
4 Haniha niʼoʼayami?
Haʼökhö mifaboka mbawami ba miʼoroʼö lelami?
Hadia tenga ono niha si so horö ami,Ono niha si falimo,+
5 Niha somasi mamalua horö ba gotalua geu sebua+Barö geu satabö,+Samunu ononia ba ndraso,+Ba gotalua gahe hili?
6 Öfili gara salösö moroi ba ndraso.+
Ba öbaliʼö haratomö daʼö.
Öfaduwa zumange nibadu ba öbeʼe zumange khöra.+
Hadia öwalinga omuso dödögu* ba ngawalö daʼa fefu?
7 Öfaʼanö naha wemörö* ba zuzu hili salawa,+Ba möiʼö ba daʼö wameʼe sumange.+
8 Öfasa dandra-tandra furi ba mbawandruhö hegöi ba döla-döla mbawandruhö.
Öröi ndraʼo ba öheta mbalu-balu mbotou;Möiʼö yawa ba öʼeboloʼö naha wemörö.
Ölau fawuʼu li khöra.
Omasiʼö fao khöra wemörö,+Ba öfaigi wamatua ndra matua.*
9 Möiʼö khö Melekhi* ba öʼohe wanikhaBa oya sibai wanikha somuhua.
Öfatenge niha ba nahia saröu,Enaʼö möiʼö tou ba Lewatö.*
10 Abua khöu ba wanörö lalamö soya andrö,Hizaʼi, lö irai ömane, ’Zaya-zaya gölö daʼa!’
Öfuli zui ötema waʼabölö.
Daʼö mbörö wa lö öböhöli.*
11 Haniha zametaʼu ba samanizi yaʼugö,Irege öbörögö falimo?+
Lö itörö tödöu ndraʼo.+
Lö hadöi ba dödöu.+
Börö me lö hede-hedegu ba lö hadöi nifaluagu hadia ia,*+Andrö wa lö hadöi khöu faʼataʼu.
12 Daʼufarongogö gamuatamö ’sindruhuʼ+ hegöi bua-buamö,+Ba lö hadöi gunania khöu fefu daʼö.+
13 Lö iʼorifi ndraʼugö lowalangimö ba ginötö öʼandrö wanolo.+
Fefu daʼö teʼoloiʼö ba nangi,Tezaumba ba höfu-höfu.
Laʼokhögö gulidanö dozi niha solumöʼö yaʼira khöguBa laʼokhögö hili niʼamoniʼö andrö khögu.+
14 So zangumaʼö, ’Fazökhi, fazökhi lala! Mihaogö lala!+
Miheta zi fatimba ba lala nono mbanuagu.’”
15 Daʼa niwaʼö Lowalangi Fondrege Zalawa,Lowalangi sauri sagötö faʼara+ ba töinia niʼamoniʼö:+
”Toröi ndraʼo ba nahia salawa ba niʼamoniʼö andrö,+Hegöi ba zi no arasa tödö ba sangide-ngideʼö yaʼia,Ba wamarou tödö niha sangide-ngideʼöAwö wamadöhö niha si no arasa tödö.+
16 Lö utahigö ira sagötö faʼara,Ba lö mofönudo irugi zi lö aetu;+Na ufalua daʼö, fefu niha awö zaliwa-liwa ba danö si no ufazökhi,Lö khöra faʼabölö börö ndraʼo.+
17 Mofönu ndraʼo börö horönia, iʼalui hare ba zi lö duhu.+
Uhuku göi ia. Ubiniʼö mbawagu khönia ba mofönudo.
Hizaʼi, itugu lö sökhi ia+ ba iʼoʼö niwaʼö dödönia.
18 No uʼila lalania,Hizaʼi, ufadöhö ia+ ba ubeʼe khönia wanuturu lala.+
Ufuli urara dödönia*+ hegöi niha tanö böʼö si no göna abula dödö.”+
19 ”Yaʼo zangaʼasogö fehede si möi fanuno.*
Lö aetu ubeʼe waʼahono dödö ba niha saröu hegöi ba niha sahatö,”+ iwaʼö Yehowa,”Ba ufadöhö dania ia.”
20 ”Hizaʼi, lö faʼahono dödö ba niha si lö sökhi, hulö nasi sogoso-goso,Samadaulu duʼu nasi hegöi taimba.
21 Lö hadöi faʼahono dödö ba niha si lö sökhi,”+ iwaʼö Lowalangigu.
Nisura ba gahe zura
^ Mazui te ”teʼefaʼö niha satulö tödö moroi ba”.
^ Eluahania ba lewatö.
^ Mazui ”terara dödögu”.
^ Te eluahania naha wanunu sumange niha baero mazui naha wamosumange.
^ Te eluahania mamosumange adu.
^ Mazui te ”razo daʼö”.
^ Mazui ”Syeol”. Faigi Geluaha Ngawua Wehede.
^ Sin.: ”waʼerege dödöu”.
^ Mazui ”ba ubiniʼö gamuatamö”.
^ Mazui ”Ufuli urara dödönia si tobali fangali”.
^ Sin.: ”bua-bua mbewe”.
