Yesaya 59:1-21
59 Lö adogo-dogo danga Yehowa ba wangorifi yaʼugö,+Ba lö afiso* ia ba wamondrondrongo.+
2 Sala si no mifalua zamabali yaʼami khö Lowalangi.+
Ibiniʼö mbawania börö horö si no mifalua,Ba lö omasi ia ifondrondrongo niwaʼömi.+
3 No taʼunö dangami ba ndro+Ba no afönu durumi horö.
No iwaʼö waya bewemi,+ ba ingöngögö zi lö sökhi lelami.
4 Lö hadöi siʼao ba wangombakha sindruhu,+Ba fefu niha si möi föna zanguhuku, lö latörö zindruhu.
Faduhu dödöra ba huhuo si lö eluaha+ ba lafahuhuosi zi lö moguna.
Lafakhoi zi lö atulö ba dödöra, ba laʼasogö wamakao ba niha böʼö.+
5 Lafaukhu gadulo gulö sobiso,Ba lasoso nukha moroi ba guö galawa.+
Hasambalö mate fefu niha si manga adulo andrö,Ba na mamoto ia, kalua nono gulö sobiso.
6 Tebai tobali nukha guö galawa andrö khöra,Ba tebai göi laʼogunaʼö zi no lafazökhi andrö ba wombalugö yaʼira.+
Möi famaʼala gamuatara,Ba afönu faʼalösökhi dangara.+
7 Alio sibai gahera ba wamalua si lö sökhi,Lö lataha-taha ba wamunu niha si lö fasala.+
Lö sökhi wangera-ngerara;Afönu faʼatekiko ba faʼatosasa lala nitöröra.+
8 Lö laʼila lala waʼohahau dödö,Ba lö hadöi faʼatulö ba lala nitöröra.+
No labilaʼö lala sebua andrö khöra;Dozi niha sanörö lala daʼö, lö lasöndra waʼatulö.+
9 Andrö wa no aröu khöma waʼatulö,Ba lö ikhamö ndraʼaga faʼasökhi dödö.
Madöna-döna haga, hizaʼi ha faʼogömi zi so;Madöna-döna waʼamoluo hizaʼi lö aetu matörö waʼogömi-gömi.+
10 Maʼalu-alui dowa simane niha sauʼa;Lö aetu mabayaisi simane niha si lö hörö.+
Manendre ndraʼaga ba zi laluo hulö na matörö zi bongi;Hulö niha si mate ndraʼaga ba gotalua niha sabölö.
11 Lö aetu mukau ndraʼaga simane berua,Ba fakore ndraʼaga ba waʼabu dödö simane marafadi.
Madöna-döna waʼatulö, hizaʼi lö masöndra;Madöna-döna wangorifi, hizaʼi no aröu ia khöma.
12 No asese mamadaö ndraʼaga khöu;+Itahi-tahigö ndraʼaga horö si no mafalua.+
Aboto ba dödöma wamadaö nifaluama;Maʼila wa fasala ndraʼaga.+
13 Fasala ndraʼaga börö me lö mafaduhuʼö ndraʼugö Yehowa;No aröu ndraʼaga khöu.
Ha famakao ba famadaö nidunö-dunöma;+Falimosa niʼera-erama ba mangöngögö walimosa ba dödöma.+
14 Awuwu waʼatulö,+Ba zaröu so zindruhu;+Manendre waʼaduhu* ba danö lafa,Ba tebai möi bakha waʼadölö.
15 No taya waʼaduhu,*+Ba gofu haniha zamalua si lö sökhi tobali ira niʼoloiʼö.
Lö omasi Yehowa wamaigi* daʼa fefu,Börö me lö hadöi faʼatulö.+
16 Ba iʼila wa samösa lö niha sanolo.
Tokea ia börö me lö sangagö talu gotalua.
Ehehania* zolohe fangorifi,*Ba faʼatulönia zamarou yaʼia ba wamalua fanguhuku.
17 Iʼogunaʼö waʼatulö simane baru wasuwöta,Ba iʼogunaʼö dakula siʼöli fangorifi.*+
Iʼogunaʼö nukha wolau balö+Ba angetulania hulö mbaru sebua* samalugö yaʼia.
18 Isulöni gamuatara si no irai lafalua:+
Larasoi dania wönunia niha solawa yaʼia ba ihuku nudunia,+Ba ibeʼe göi wanguhuku ba niha si so ba hulo moloʼö amuatara.
19 Dozi niha si so ba gaekhula, laʼataʼufi döi Yehowa,Ba dozi niha si so ba gatumbukha, laʼataʼufi lakhöminia,Börö me hulö nungo nidanö sabölö-bölö waʼatohare Yehowa,Si no ilulugö ehehania.
20 ”Möi dania Zangöhöli*+ andrö ba Ziona,+Khö ngaʼötö Yakobo si no mamalalini era-erara,”+ iwaʼö Yehowa.
21 ”Daʼa mbuʼusa ligu khöra,”+ iwaʼö Yehowa. ”Ehehagu andrö si so khöu, ba taromaligu si no ubeʼe ba mbawamö, ba lö muhalö daʼö moroi ba mbawamö, ba mbawa ndraonou mazui ba maʼuwumö, iʼotarai iadaʼa irugi zi lö aetu,” iwaʼö Yehowa.
Nisura ba gahe zura
^ Sin.: ”lö abua dalingania”.
^ Mazui ”wa lö falimosa”.
^ Mazui ”wa lö falimosa”.
^ Sin.: ”Lö sökhi ba wamaigi Yehowa”.
^ Mazui ”faʼamöna”.
^ Sin.: ”Taʼionia”.
^ Mazui ”faʼamöna”.
^ Mazui ”mbaru sanau si lö taʼio”.
^ Sin.: ”Zowöli Mangawuli”.
