Yesaya 60:1-22
60 ”Faoso, he yaʼugö ira alawe,+ foromaʼö hagamö, börö me no tohare hagamö andrö.
Ihagaini ndraʼugö lakhömi Yehowa.+
2 Hiza! Ihawui faʼogömi gulidanö,Si bongi zamalugö ngawalö soi;Hizaʼi, ihagaini ndraʼugö Yehowa,Ba oroma lakhömigu andrö khöu.
3 Dozi soi laʼondrasi dania hagamö andrö,+Ba adöni dödö razo+ ba lakhömimö si no mohaga.+
4 Faigi atö ba zi fasuimö!
No muʼowuloi ira fefu; möi laʼondrasi ndraʼugö.
Tohare nonou matua moroi ba zaröu,+Ba muluʼi nonou alawe weʼamöi ba khöu.+
5 Omuso dödöu ba ginötö öʼila dania,+Manutu dödöu ba waʼomuso dödö,Börö me laʼohe khöu girö-girö si otarai ba nasi;Ba möi khöu harato ngawalö soi.+
6 Ihawui mbanuamö* faʼoya gondra andrö,Ondra si matua sawuyu-wuyu moroi ba Midiano hegöi Efa.+
Tohare dania niha moroi ba Zeba,Ba laʼohe ganaʼa awö gumöyö.
Lasuno Yehowa föna niha sato.+
7 Laʼowuloi khöu fefu mbiri-biri moroi ba Gedara.+
Tehenaigö dania khöu mbiri-biri si matua moroi ba Nebayoti.+
Muʼogunaʼö fefu daʼö tobali sumange somasido ba naha wanunu sumange khögu.+
Unönö waʼasökhi nomogu andre si no molakhömi.+
8 Haniha zi hombo andrö si no amaedola lawuo,Si no amaedola marafadi si hombo ba nomonia?*
9 Dozi niha si so ba hulo manötöna ira khögu;+Köfa Darisi dania zondröniaʼö*Ba wolohe onou matua moroi ba zaröu.+
Laʼohe ganaʼa hegöi firö,Ba wamolakhömi töi Lowalangimö Yehowa, Niʼamoniʼö andrö Lowalangi ndraono Gizaraʼeli,Börö me ubeʼe dania khöu lakhömigu.*+
10 Niha baero dania zamazökhi öli khöu,Ba tobali enoniu dania razora.+
Börö me mofönudo, andrö wa ubözi ndraʼugö,Hizaʼi, börö waʼasökhi dödögu,* andrö wa ahakhö dödögu khöu.+
11 Ba lö mamalö mubokai mbawa göli andrö khöu;+Lö teduhö bongi maʼökhö,Enaʼö laʼohe khöu ganaʼa ngawalö soi,Ba razora andrö dania zi oföna molohe khöu.+
12 Taya dania soi hegöi famatörö si lö mamosumange yaʼugö,Ba tekiko ira fefu.+
13 Iʼondrasi dania ndraʼugö lakhömi Libano,+Yaʼia daʼö eu juniper, eu as awö geu cemara,+Enaʼö itugu sökhi naha niʼamoniʼö andrö khögu;Ufolakhömi dania naha gahegu andrö.+
14 Tohare dania ndraono matua moroi ba niha samakao yaʼugö ba latuhi danö fönau;Dozi niha si lö mamosumange yaʼugö, mangalulu ira föna gaheu,Ba lafotöi ndraʼugö banua Yehowa,Siona andrö okhöta Lowalangi Niʼamoniʼö, Lowalangi ndraono Gizaraʼeli.+
15 Hewaʼae laröi ndraʼugö ba fatuwu ira khöu irege samösa lö niha sanörö,+Ubaliʼö ndraʼugö nizuno-zuno sagötö faʼara,Ba umbu waʼomuso dödö irugi zi lö aetu.+
16 Fefu soi hegöi razo, laʼasogö zoguna khöu,+Simane ina samaenu ononia;+Hasambalö aboto ba dödöu wa yaʼo Yehowa, Sangorifi yaʼugö,Ba yaʼo Zabölö, Lowalangi Yakobo, Sangöhöli yaʼugö.*+
17 Fangali tembaga uʼohe ganaʼa,Fangali ziʼöli, uʼohe wirö,Fangali geu, tembagaFangali gara, siʼöli;Ufataro dania Waʼahono dödö tobali sondröniaʼö yaʼugö,Ba samatörö yaʼugö dania waʼatulö.+
18 Lö saʼae terongo li wamakao ba soimö,Lö hadöi famakiko hegöi fanuwö ba danömi.+
Öbeʼe dania töi gölimö andrö Fangorifi,+ bawandruhö gölimö öfotöi ia Fanuno.
19 Lö saʼae ihagaini ndraʼugö haga luo ba zi maʼökhö,Ba lö ihagaini ndraʼugö haga mbaŵa,Börö me Yehowa zohagaini yaʼugö sagötö faʼara,+Ba Lowalangiu zi tobali lakhömiu.+
20 Lö saʼae aekhu luo andrö khöu,Lö irai alö haga mbaŵa andrö khöu,Börö me Yehowa zi tobali haga khöu sagötö faʼara,+Ba awai saʼae mbaŵa wangabu dödö andrö khöu.+
21 Fefu nono mbanuamö lafalua zatulö;Ba laʼokhögö danö irugi zi lö aetu.
Yaʼira andrö liwiö si no utanö,Omböila dangagu+ enaʼö tefolakhömi ndraʼo.+
22 Fondrege zi lö ato tobali saribu,Ba fondrege zide-ide tobali soi sabölö.
Yaʼo Yehowa zamangaösö daʼö ba ginötönia.”
Nisura ba gahe zura
^ Sin.: ”ndraʼugö”.
^ Mazui ”ba mbawandruhö nomonia”.
^ Mazui ”ifuli simane ba zilalö”.
^ Mazui ”waʼasökhi”.
^ Mazui ”waʼomasigu”.
^ Sin.: ”Sowöli Yaʼugö Mangawuli”.
