Yesaya 65:1-25
65 ”Utehegö laʼalui ndraʼo niha si lö manofu yaʼo;Utehegö lasöndra ndraʼo niha si lö mangalui yaʼo.+
Umane ba soi si lö mogaoni töigu, ’Yaʼe ndraʼo, yaʼe ndraʼo!’+
2 Ero maʼökhö uʼoroʼö dangagu ba soi sabeʼe högö,+Ba niha soloʼö lala si lö sökhi,+Soloʼö lala wangera-ngerara samösa;+
3 Ba niha si lö faʼataʼu ba wangafökhöiʼö tödögu,+Sameʼe sumange ba kabu+ ba sanunu sumange ba dete gara irege numalö miyawa zimbo.
4 Modadao ira ba gotalua lewatö,+Ba mörö ira ba naha si tobini,*Laʼa nagole mbawi,+Ba afönu mbowoara kua gö sogoro ita.+
5 Hizaʼi lamane, ’Honogöʼö ba daʼö. Böi hatöʼögö khöma,Abölö teʼamoniʼö ndraʼaga moroi khöu.’*
Lö laböhöli ba wangandrö fönugu,* simane alitö si hola-hola ba zi maʼö-maʼökhö.
6 Hiza! No tesura daʼö fönagu;Lö saʼae ulau zi lö hede-hede,Hasambalö ulau mbalö,+Usulöni khöra simane nifaluara*
7 Börö zala nifaluara hegöi sala nifalua ndra tuara,”+ iwaʼö Yehowa.
”Latunu zumange ba hili irege numalö miyawa zimbo,Laʼoʼaya ndraʼo ba hili-hili.+
Andrö, si oföna ufalua yaʼia daʼö utatugöi hadia zulö si tefaudu ba nifaluara.”*
8 Daʼa niwaʼö Yehowa:
”Simane na awena moʼösi mbua nagu ba ngamohinia,Lamane niha, ’Böi mihori daʼö, börö me so zi baga* ba gotaluania,’
Simane daʼö göi nifaluagu ba nono mbanuagu;Lö uhori ira fefu.+
9 Uʼowuloi dania niha moroi ba ngaʼötö Yakobo,Ba so samösa ngaʼötö Yehuda zanema ondröita hili andrö khögu;+Niha nifiligu dania zangokhögö yaʼia,Ba toröi genonigu ba daʼö.+
10 Tobali dania tanö soduʼu nahia mbiri-biri Zarona andrö,+Ba tobali naha wemörö gurifö Ndraso Gakhori.+
Ufalua daʼö ba nono mbanuagu sangalui yaʼo.
11 Hizaʼi, no miʼerogö Yehowa,+No miʼolifugö hili niʼamoniʼö khögu.+
No mifazökhi naha wameʼe sumange khö lowalangi Solohe Harazaki,Ba no mifoʼösi agu si no mufaruka ba mako lowalangi Sotatugöi Salua.
12 Andrö wa ubeʼe ami ba mbawa wöda,+Ba hasambalö mituhi danö enaʼö mutatawi ami,+Börö me lö mitema ligu me ukaoni ami,Lö mifondrondrongo me fahuhuo ndraʼo,+Lö miböhöli wamalua si lö sökhi föna duduma höröguBa no mifili wamalua si lö omasido.”+
13 Börö daʼö, daʼa niwaʼö Yehowa Lowalangi Fondrege Zalawa:
”Hiza! Si manga-manga dania genonigu, ba yaʼami ba solofo.+
Hiza! Mamadu idanö dania genonigu,+ ba yaʼami ba sowökhi tödö.
Hiza! Somuso tödö dania genonigu,+ ba yaʼami ba niʼailasi.+
14 Hiza! Saʼiki-iki genonigu börö waʼowua-wua dödö,Ba yaʼami ba sangarö-ngarö börö waʼabu dödöBa sege-ege börö waʼafatö dödö.
15 Töi si no miröi, laʼogunaʼö daʼö ono mbanuagu ba wangelifi,Ba hasambalö ibunu ami fefu Yehowa Lowalangi Fondrege Zalawa,Hizaʼi, ukaoni dania genonigu andrö faoma töi böʼö;+
16 Dozi niha sangalui howu-howu ba gulidanöHasambalö ifahowuʼö ia Lowalangi si lö faröi,*Ba dozi niha si fahölu ba gulidanö,Hasambalö fahölu ira ba döi Lowalangi si lö faröi.*+
Fefu wamakao* ba zilalö, hasambalö muʼolifugö;Tobini daʼö fefu föna duduma hörögu.+
17 Hiza! Ufazökhi mbanua si yawa si bohou ba tanö si bohou;+Lö saʼae itörö tödö zi no numalö,Ba lö saʼae irai tumbu ia ba dödö niha.+
18 Andrö, miʼomusoiʼö ba miʼowua-wuaʼö dödömi ba zi no ufazökhi irugi zi lö aetu.
Hiza! Ubaliʼö faʼomuso dödö dania Yeruzalema,Ba tobali faʼowua-wua dödö nono mbanuania.+
19 Omuso dania dödögu börö Yeruzalema, ba owua-wua dödögu börö nono mbanuagu;+Lö saʼae terongo li wege-ege ba daʼö mazui fangarö-ngarö ba waʼabu dödö.”+
20 ”Lö hadöi saʼae ono sawuyu sauri ha ba zi hauga hari,Mazui niha satua si lö anau noso.
Niha si mate si no 100 fakhe ndröfinia, awuyu-wuyu nasa daʼö ba wamaigi niha,Ba hasambalö muʼelifi niha samalua horö, hewaʼae no 100 fakhe ndröfinia.*
21 Lalau nomo ba toröi ira ba daʼö;+Lafazökhi kabu nagu, ba laʼa mbuania.+
22 Lalau nomo, ba tenga niha böʼö zangiagö,Latanö zinanö, ba tenga niha böʼö zi manga bua.
Tobali dania simane faʼara döla geu waʼanau noso nono mbanuagu,+Ba latema mbua waʼerege dödöra* niha nifiligu.
23 Tenga zaya-zaya gölö waʼamarasera,+Ba lö tefakao ndraono niʼadonogöra,Börö me ngaʼötö nifahowuʼö Yehowa ira,+Ba so ba ngaira maʼuwura.+
24 Fatua lö lakaoni ndraʼo, no utema lira;Me fahuhuo ira, ba ufondrondrongo.
25 Orudu manga nasu gatua ba nono mbiri-biri,Duʼu dania gö zingo, hulö simane sawi,+Ba gawu-gawu zi tobali ö gulö.
Lö lafalua zi lö sökhi ba lö lafakiko hili niʼamoniʼö andrö khögu,”+ iwaʼö Yehowa.
Nisura ba gahe zura
^ Mazui te ”ba nahia zanaro”.
^ Mazui te ”Börö me tola teʼamoniʼö dania ndraʼugö börö ndraʼaga”.
^ Sin.: ”Daʼa zimbo moroi ba dögi nikhugu”.
^ Sin.: ”Ulau mbalö ba dötöʼara”.
^ Sin.: ”ba dötöʼara”.
^ Sin.: ”so howu-howu”.
^ Mazui ”Lowalangi sindruhu”. Sin.: ”Yaduhu”.
^ Mazui ”Lowalangi sindruhu”. Sin.: ”Yaduhu”.
^ Mazui ”gabula dödö”.
^ Mazui te ”Muʼelifi niha si lö ikhamö 100 fakhe ndröfinia”.
^ Sin.: ”halöwö dangara”.
