Yesaya 66:1-24
66 Daʼa niwaʼö Yehowa:
”Dadaomagu zorugo ba dane-dane gahegu gulidanö.+
Andrö, hadia nomo nifazökhimi khögu?+
Ba hezo nahia waʼatoröigu?”+
2 ”Tangagu andre zamazökhi daʼa fefu,Irege teʼasogö ia,” iwaʼö Yehowa.+
”Unehegö fefu niha si so fangide-ngideʼö ba si no arasa tödö,Hegöi niha sangataʼufi fehedegu.+
3 Sanaba sawi tobali simane samunu niha.+
Sameʼe sumange biri-biri tobali simane niha samatö bagi nasu.+
Sameʼe sumange buala tobali simane niha sameʼe sumange ndro mbawi!+
Sameʼe sumange kumöyö ba wamasugi ba dödö+ tobali simane niha sangogunaʼö elemu ba wamahowuʼö.*+
Lafili samösa lalaraBa omasi ira zogoro ita.
4 Ufili lala ba wanguhuku yaʼira,+Ba uʼasogö khöra zataʼu ira;Börö me lö latema ligu me ukaoni ira;Ba lö lafondrondrongo me fahuhuo ndraʼo.+
Lö laböhöli wamalua si lö sökhi fönagu,Ba lafili wamalua si lö omasido.”+
5 Mifondrondrongo niwaʼö Yehowa, yaʼami sangataʼufi fehedenia,
”Lamane ira talifusömi si fatiu tödö khömi ba saniboʼö yaʼami börö döigu andrö, ’Yatefolakhömi Yehowa!’+
Hizaʼi, hasambalö tohare ia ba iʼomusoiʼö dödömi,Ba niʼailasi dania ira.”+
6 So waʼakaliru ba mbanua andrö, ba gosali!
Daʼö li Yehowa samalua fanguhuku ba nudunia moloʼö nifaluara.
7 Fatua lö irasoi waʼafökhö ira alawe andrö, no tumbu khönia nono.+
Fatua lö irasoi waʼafökhö ba woʼono, no tumbu khönia nono matua.
8 Haniha zi no irai mamondrongo daʼa?
Haniha zi no irai mangila?
Hadia tola tumbu zi sambua banua ha ba zi maʼö-maʼökhö?
Mazui hadia tola tumbu zi sambua soi ba zi sabata?
Hizaʼi, me irasoi waʼafökhö Siona, iʼanemaiʼö tumbu khönia nono matua.
9 ”Hadia ubokai naha nono ndra alawe sedöna tumbu, hizaʼi lö utehe tumbu?” iwaʼö Yehowa.
”Mazui hadia utehegö arakhagö tumbu zi samösa ono sawuyu, hizaʼi uduhö naha nono ninania?” iwaʼö Lowalangimi.
10 He yaʼami sangomasiʼö Yeruzalema,+ miʼomusoiʼö dödömi ba miʼowua-wuaʼö dödömi wefao khönia.+
Miʼomusoiʼö dödömi, yaʼami sabu tödö börö ia.
11 Simane ina samaenu ononia irege abuso, simanö göi wondrorogö Yeruzalema yaʼugö,Teʼabusoiʼö ami ba waʼomuso dödö börö waʼafahöna lakhöminia andrö.
12 Daʼa niwaʼö Yehowa:
”Ubeʼe khönia waʼohahau dödö simane ungo nidanö+Ba faʼamolakhömi ngawalö soi simane idanö sabölö-bölö.+
Tobali ndraʼugö simane iraono samaenu,Niluʼi ba lembe, ba nihagi ba gaheta.
13 Simane ina sondrara tödö nononia,Simanö göi ndraʼo ba wondrara tödömi;+Börö Yeruzalema wa terara dödömi.+
14 Hasambalö omuso dödömi na miʼila daʼö dania,Abeʼe dania dölami simane duʼu.
Ba oroma dania geheha Yehowa khö genoninia,Hizaʼi, mofönu ia ba* nudunia.”+
15 ”Tohare dania Yehowa simane alitö,+Ba kuretania simane angi fuyu,+Ba wolau balö si fao fönu sabölö-bölö,Ba wohangöi si fao hola-hola galitö.+
16 Ibeʼe galitö Yehowa ba iʼogunaʼö wödaBa wanguhuku fefu niha;Ba ato dania niha nibunu Yehowa.
17 ”Niha sangamoniʼö ba sangehao yaʼia ba weʼamöi ba kabu niʼamoniʼö,*+ si manga nagole mbawi,+ teʼu+ hegöi ngawalö zi raʼiö, hasambalö muhori ira,” iwaʼö Yehowa.
18 ”Börö me aboto ba dödögu gamuatara awö niʼera-erara, andrö wa möido uʼowuloi niha moroi ba ngawalö soi hegöi ngawalö li. Tohare dania ira ba laʼila lakhömigu.”
19 ”Ufasa dania dandra ba gotaluara. Ufatenge ösa niha si no teʼorifi weʼamöi ba ngawalö soi yaʼia daʼö ba Darisi,+ Fulo, Ludi+ (soi niha samana), Tubala, Yawano+ hegöi ba hulo saröu si lö irai mamondrondrongo turia sanandrösa khögu mazui si lö irai mangila lakhömigu. Laʼombakhaʼö lakhömigu ba ngawalö soi.+
20 Fefu dalifusöu moroi ba ngawalö soi,+ laʼohe ira ba Yeruzalema, ba hili niʼamoniʼö andrö khögu, si tobali buala khö Yehowa. Laʼohe ira faoma kudo, kureta wasuwöta, goroba nifosagö, kalide sebua* hegöi ondra, simane me laʼohe mbualara iraono Gizaraʼeli ba naha si sökhi ba nomo Yehowa,” iwaʼö Yehowa.
21 ”Ufili ba gotaluara zi tobali ere hegöi niha Lewi,” iwaʼö Yehowa.
22 ”Simane banua si yawa si bohou ba tanö si bohou+ si no ufazökhi, lö tebulö so fönagu, simanö göi ngaʼötömi awö döimi sagötö faʼara,”+ iwaʼö Yehowa.
23 ”Tohare fefu niha ba wamosumange yaʼo,*Iʼotarai mbaŵa si bohou numalö ba mbaŵa si bohou, ba iʼotarai luo sabato irugi luo sabato,”+ iwaʼö Yehowa.
24 ”Ba möi ira baero ba laʼila mboto zi mate samadaö khögu;Lö mate guö-kuönia,Ba lö mate galitönia,+Ogoro fefu niha ba wamaigi yaʼia.”
Nisura ba gahe zura
^ Mazui te ”niha sanömba adu”.
^ Mazui ”ifetaʼu”.
^ Sin.: ”kabu si so furi niha si so ba gotalua”. Eluahania kabu niʼogunaʼö ba wamosumange adu.
^ Ba li Heberaiʼo eluahania ngaʼötö galide ba kudo.
^ Mazui ”ba wangalulu fönagu”.
