Yobi 10:1-22
10 ”Anuzu dödögu waʼaurigu.+
Ututunö wangarö-ngarögu.
Fahuhuo ndraʼo börö waʼafeto gabula dödögu!
2 Umane khö Lowalangi, ’Böi waʼö wa fasala ndraʼo.
Fatunö hadia mbörö wa ölawa ndraʼo.
3 Hadia hareu na öfakao niha,Fatuwu khöu niwöwöi dangau,+Ba öʼomasiʼö mene-mene niha si lö sökhi?
4 Hadia hörömö andrö hörö niha,Mazui famaigimö simane famaigi niha?
5 Hadia simane ngaluo niha ngaluomö,Mazui simane döfi niha ndröfimö,+
6 Irege öʼalu-alui zalaguBa ötöngö-töngöni horögu?+
7 Öʼila wa lö fasala ndraʼo.+
Lö hadöi si tola mangefaʼö yaʼo ba dangamö.+
8 Tangamö zamazökhi ba sangehaogö yaʼo,+Hizaʼi, omasiʼö öfakiko ndraʼo iadaʼa.
9 Törö tödöu wa moroi ba dambu laʼuri öfazökhi ndraʼo.+
Hizaʼi öfangawuli ndraʼo ba gawu-gawu iadaʼa.+
10 Hadia tenga yaʼugö zamazökhi yaʼo,Simane niha samaduwa susu enaʼö abeʼe tobali keju?
11 No öfobalu-balu ndraʼo faoma uli ba nagole,Ba öfodane-dane faoma töla ba uo.+
12 Yaʼugö zameʼe khögu faʼauri ba lö faröi ndraʼugö wangomasiʼö yaʼo.
Öʼameʼegö tödö ndraʼo ba wondrorogö nosogu.+
13 Hizaʼi, öbiniʼö wamalua daʼa fefu.
Uʼila wa yaʼugö zangaʼasogö daʼa.
14 Öfaigi-faigi ndraʼo na ufalua horö,+Ba lö öʼefaʼö zalagu.
15 Alai ndraʼo na ufalua zala!
Ba hewaʼae na lö ufalua zala, ba tebai ufaöga mbawagu,+Börö me sindruhu-ndruhu teʼailasi ndraʼo ba tefakao.+
16 Na ufaöga mbawagu, ba ögohi ndraʼo simane singo,+Ba öfuli zui öforomaʼö khögu waʼabölöu.
17 Öʼohe ndra samaduhuʼö si bohou ba wolawa yaʼoBa monönö waʼabölö-bölö wönumö khögu.
Fatete manö gabula dödö si göna khögu.
18 Hana wa ösöbi ndraʼo moroi ba dalu ninagu?+
Sökhi manö matedo fatua lö sangila yaʼo.
19 Hulö na atö zi lö irai so ndraʼo,Iʼanemaiʼö muʼohe ndraʼo moroi ba dalu ninagu numalö ba lewatö.’
20 Hadia tenga lö oya-oya tö ngaluogu?+ Akha lö ifakao ndraʼo;Akha iheta ia khögu enaʼö ohahau dödögu* maʼifu+
21 Fatua lö mofanödo ba lö mangawuli,+Numalö ba nahia fondrege zogömi-gömi,*+
22 Nahia nihawui faʼogömi-gömi,Nahia si fakuyu ba si no ilagöʼö lumö waʼamate.
Ogömi haga ba daʼö.”
Nisura ba gahe zura
^ Mazui ”terara dödögu”.
^ Mazui ”nahia faʼogömi-gömi hegöi lumö-lumö waʼamate”.