Yobi 11:1-20
11 Imane Sofari+ niha Naʼama andrö,
2 ”Hadia lö fanema li ba wehede daʼa fefu,Hadia mufotöi atulö niha soya bewe?*
3 Hadia lalau zi lö hede-hede niha ba huo-huomö si lö karua?
Hadia lö mofönu khöu niha na lö öböhöli wangoʼaya?+
4 Ömane, ’Satulö nifahaʼögu andrö,+Lö horögu fönania.’+
5 Enaʼö na fahuhuo khöu LowalangiBa ibokai mbawania khöu!+
6 Ifatunö dania khöu zi no tobini andrö sameʼe khöu faʼatua-tua,Börö me oya zi farahu ba waʼatua-tua andrö.
Awena dania öʼila wa no iʼefaʼö ösa zalamö Lowalangi.
7 Hadia tola öʼila zi tobini andrö khö Lowalangi,Mazui aboto ba dödöu fefu zanandrösa* khö Wondrege Zabölö?
8 Abölö alawa waʼatua-tua moroi ba dalu mbanua. Hadia tola ökhamö?
Abakha ia moroi ba Lewatö.* Hadia tola öʼila?
9 Ebua ia moroi ba gulidanöBa ebolo moroi ba nasi.
10 Na itörö ba iraʼu zi samösa niha, aefa daʼö iʼohe föna zanguhuku,Haniha zi tola molawa yaʼia?
11 Iʼila haniha zomasi falimo.
Hadia iduhö hörönia na alua zi lö sökhi?
12 Awena aboto ba dödö niha si bodoNa tola iʼadonogö niha kalide gatua.
13 Enaʼö na no öfaʼanö dödöuÖʼoroʼö dangau ba mangandrö ndraʼugö khönia.
14 Na fasala dangamö ba böhöli wamalua yaʼia.
Böi tehegö alua manö zi lö atulö bakha ba nosemö.
15 Daʼö mbörö dania wa tola öfaöga mbawamö börö me lö mosinegu ndraʼugö;Aro wosindromö ba lö faʼataʼu.
16 Börö daʼö dania wa olifu ndraʼugö gabula dödöu.
Lö saʼae itörö tödöu hulö nidanö sangele.
17 Humaga waʼaurimö töra moroi ba zi maʼökhö.
Faʼogömi-gömi hulö haga ba zihulö wongi.
18 Faduhu dödöu börö me so wanötöna.
Öfaigi ba zi fasuimö ba öfadölö ndraʼugö si fao faʼahono dödö.
19 Öfadölö ndraʼugö ba lö sametaʼu.
Ato niha zamorege enaʼö öʼomasiʼö ira.
20 Hizaʼi, abösi dania hörö niha si lö sökhi.
Tebai moloi ira gofu hezoBa ladöna-döna enaʼö mate ira.”+
Nisura ba gahe zura
^ Mazui ”sebua bawa?”
^ Mazui ”zoʼamböta”.
^ Mazui ”Syeol”. Faigi Geluaha Ngawua Wehede.
