Yobi 12:1-25
12 Imane Yobi,
2 ”Atulö wa niha satua-tua ami.
Na mate ami, ba lö hadöi saʼae faʼatua-tua!
3 Hizaʼi, motödö göi ndraʼo.
Lö tohude ami moroi khögu.
Haniha zi lö mangila daʼö fefu?
4 Tobali ndraʼo tandrösa waʼiki nawögu,+Börö me muʼao ndraʼo khö Lowalangi ba utötöna wanema linia.+
Niha satulö ba si lö sinegu tobali tandrösa waʼiki.
5 Niha sohahau tödö, iʼoʼaya niha si göna famakao.
Lawalinga ha ba niha sarakhagö alabu awai göna gabula dödö.
6 So waʼahono dödö ba nose niha sorabu.+
Lö göna abula dödö niha sangandrö fönu Lowalangi,+Yaʼia daʼö niha sololohe adu faoma tangara.
7 Hizaʼi, anofu ba gurifö ba lafahaʼö dania ndraʼugö,Simanö göi wofo ba dalu mbanua, ba lafatunö dania khöu.
8 Mazui nehegö* gulidanö ba ibeʼe khöu wamahaʼö,Simanö göi ngawalö giʼa, lafatunö dania khöu.
9 Haniha moroi ba gotalua daʼö zi lö mangilaWa fefu daʼa nifazökhi danga Yehowa?
10 Ba dangania so fefu noso zauriHegöi hanu-hanu niha.+
11 Hadia tenga talinga zotandra fehedeSimane lela* na itandra waʼami gö?+
12 Hadia lö faʼatua-tua ba zi no alawa döfi+Ba faʼaboto ba dödö ba niha si no numalö döfi?
13 So khö Lowalangi waʼatua-tua ba faʼabölö.+
Iʼokhögö waʼaboto ba dödö ba ifalua gohitö dödönia.+
14 Hadia zi no idudugö tebai mufazökhi mangawuli.+
Hadia zi no iduhö ba samösa lö sangila mamokai.
15 Na itaha deu, oköli gulidanö.+
Na itorugö deu, anönö gulidanö idanö.+
16 So khönia waʼabölö ba faʼatua-tua;+Yaʼia zamatörö niha selungu hegöi samaelungu.
17 Irabu fefu gokhöta* niha sameʼe fanuturu lala,Ba tobali niha si bodo zanguhuku.+
18 Iheta wamatörö ba danga razo maʼafefu,+Ibeʼe khöra nukha zawuyu.
19 Iheta zandrala ndra ere ba wangailasi yaʼira,+Itimba ndra samatörö sagabölö.+
20 Iduhö mbawa niha niʼodaligö ba wameʼe fanuturu lala,Iheta waʼatua-tua ba niha si no alawa döfi.
21 Iʼailasi ndra tuhenöri+Ba itugu tebai niha sagabölö.
22 Iʼoromaʼö zi tobini ba zogömi-gömi,+Ba ihagaini nahia sogömi-gömi.
23 Monönö waʼabölö ngawalö soi ibeʼe, enaʼö tola ihori ira;Monönö waʼatora, enaʼö tola iʼoloiʼö ira.
24 Lö motödö ndra sondröniaʼö ibeʼe,
Ba ilulu ira ba woʼanöröi tanö si mate si lö lua-lua.+
25 Labayaisi lalara ba waʼogömi-gömi,+ ba nahia si lö haga.
Ifangörö-ngörö ira simane niha si mabu.+
